Home» Music »Feature

मेचीदेखि महाकाली छाउने तयारीमा निर्णय


शुरुमै म तपाइँको पहिरनका बारेमा जिज्ञासा राख्छु । रातो टोपी, सेतो टालो, घाँटीमा लकेट झुण्ड्याउनु हुन्छ । खुकुला लुगा लगाउनु हुन्छ । लामो पाइन्ट, तलसम्म घस्रिरहेको हुन्छ । यसको अर्थ के हो ? किन यस्तो पहिरन ?
लुगा लगाउन सजिलाका लागि धेरैजसो म यस्तै लुज लुगा लगाउने गर्छु, त्यही भएर तपाइँले देखेजस्तो यस्तो पहिरन हुन गएको हो । रातो टोपी रगतको चिहृन हो, जसले हामी उचनिच, धनीगरीव सबै एकै हौँ भन्ने सन्देश दिन खोजेको छु । सेतो हाते 'ब्याण्ड' चाहिँ शान्तिको प्रतीक हो । लकेटमा चिल र चितुवाको चिहृन अंकित छ । जसको अर्थ मान्छे भएपछि चिल झैँ माथिमाथि आकाशमा उड्न सक्ने हुनु, उजस्तै दूरसम्म दृष्टि फ्याँक्नसक्ने हुनुपर्छ र चितुवाजस्तो 'ग्रेसफूल' हुनुपर्छ भन्ने सन्देश दिन खोजेको हो ।

लामो पाइन्ट लगाउँदा त लड्न सक्नु हुन्छ नि ?
(हाँस्दै) बानी परिसकेँ । बरु यो टाइट लुगा लगाउँदा चल्मलाउन गाह्रो हुन्छ जस्तो लाग्छ ।

तपाइँलाई र्‍यापको चस्का अमेरिकामै हुँदा लाग्यो, कसरी ?
त्यसबेला त्यहाँ भर्खरै र्‍याप म्युजिक व्यवसायिक हुँदै आइरहेको थियो । त्यति बेला नै मलाई यसले तान्यो र यसमा लागेँ । किनभने एउटै गीतमा आफ्नो पूरा जीवनकथा व्यक्त गर्न सकिन्थ्यो, यो सरल हुने हुनाले सबैले बुझ्न सकिन्छ र सबैथरिको मूड यसमा गाँस्न सकिन्छ । त्यही भएर म यसमा मोहित भएँ ।

तपाइँ जब तपाइँको बुवा (डा. शान्तिनाथ श्रेष्ठ) को पीएच्डी सकियो, नेपाल फर्किनु भयो । यहाँ नौ कक्षामा भर्ना हुनुभयो । नेपाली लेख्न आउँदैनथ्यो अरे नि, होइन ?
म चार कक्षा छोडेर अमेरिका गएको थिएँ । तर आएर नौ कक्षामा भर्ना हुनुपर्दा मेरालागि नेपाली विषय ज्यादै 'भास्ट' भइसकेको थियो । त्यसैले ट्यूसन पढ्नुपर्ने अवस्था आइपर्‍यो । यतिबेला मलाई ज्यादै चित्त दुख्यो किनभने म आफ्नै देशमा बसेर, आफ्नै भाषाको ट्यूसन फेरि क..ख..देखि पढिरहेको थिएँ ।

तपाइँ इमेज च्यानलमा गीतको रुचिकै कारण आरजे हुनुभयो, कस्तो रहृयो अनुभव ?
सन् १९९९ मा नयाँ किसिमको यो र्‍याप गीत नेपाली श्रोतामाझ परिचित गराउनु पर्‍यो भनेर रेडियोमा कार्यक्रम शुरु गरेँ । ब्रिङ द हाउस डाउन नामक कार्यक्रम चलाएको चार पाँच महिनापछि यही नामको एल्बम निकाल्न रेकर्डिङ शुरु गरेँ । यसबेला निर्णय एण्ड द अल स्टार्स समूहबाट हामीले यो एल्बमको काम थालेका थियौँ । जसमा समीर, प्रणव जोशी, सकिल आदि थियौँ ।

तपाइँहरुको र्‍यापाज युनियन भन्ने समूह थियो, कहिले स्थापना गर्नुभयो, किन स्थापना गर्नुभयो ?
हुन त निर्णय एण्ड द अल स्टार्स ब्याड थियो तर हामीबीच सङ्गीतमा अलग अलग रुचि भएका कारण एकै ठाउँमा अट्न सकेनौँ । त्यही भएर म र सम्राट मिलेर एउटा गीत रेकर्ड गर्‍यौँ- जीलीली... । यो गीतले हामीबीच दोस्ती बढ्यो । यो गीत सुन्दासुन्दै अर्को साथी थपियो- रिन्छिन् । रिन्छिन् थपिएपछि र्‍यापरहरुको युनियन बनाऔँ भन्ने कुराले नै ब्याण्डको नाम बन्यो- र्‍यापाज् युनियन ।

तपाइँको पहिलो एल्बम फर यु अल र द गेम मस्ट गो अन अंग्रेजी गीत थिए, कस्तो प्रतिक्रिया पाउनु भयो, जनताबाट ?
फर यु अल एक हजार सीडी हामी आफैँले बेच्यौँ । यो सफलताबाट प्रेरित भएर सिडिङ इन्टरनेशनल कम्पनीले हाम्रो नयाँ एल्बम द गेम मस्ट गो अन किन्यो । यो कति बिक्री भयो भन्ने अनुमान लगाउनुस् कि अस्तिसम्म सिडिङले यसको क्यासेट तथा सीडी बिक्री गरिरहेको देखेको थिएँ ।

तपाइँको एल्बमले हरेक पटक केही न केही विशेष कुरा बोकेको हुन्छ, राजा वीरेन्द्रको वंश नाशलाई इंगित गरेर द गेम मस्ट गो अन निकाल्नु भएको थियो रे हो ?
त्यसको गीत राजनीतिक थिएनन् । राष्ट्रवादी मात्र थिए । देशका निम्ति चिन्ता गरिएका गीत थिए । तर ब्रिङ द हाउस डाउन गीतको 'चोर चोर देश छोड...' भन्ने शब्दलाई गीत बजाउने एफएमहरुले सेन्सर गरेका थिए । उनीहरुले भने- गीत बजाउने हो भने त्यो शब्द परिवर्तन गर्नुपर्छ ।

खास त्यसो किन गरिएको होला ?
हाम्रो समाजले आक्रामकता अलि रुचाउँदैन जस्तो लाग्छ । हाम्रो संस्कार र संस्कृतिले आक्रामकता रुचाउँदैन भन्ने त्यो सेन्सर गराइबाट मैले बुझेँ ।

तर तेस्रो एल्बम द नेपाली टचपछि तपाइँका साथीहरु विछोडिए । कोही कहाँ कोही कहाँ । कस्तो लाग्यो त्यसबेला ? किनभने हरकोही देश छोडेर विदेशमा आरामको जीवन बिताउनेबारे सोचिरहेका थिए नि ?
मेरो पढाइका कारण म यहीँ बसेँ । मलाई त अझै पनि लाग्छ, नेपालमा नै निकै सम्भावना छ । विदेश जाँदा हामी ५० वर्षपछाडि धकेलिन्छौँ तर यहाँ हामी हाम्रा लागि अहिले नै सबैथोकको चाँजोपाँजो मिलाउन सक्छौँ । त्यसैले मलाई विदेशले कहिल्यै आकर्षित गरेन ।

त्यसपछि तपाइँको तेस्रो एल्बम द नेपाली टच निस्कियो । योपछि चाहिँ सर्वप्रिय हुनुभयो भन्दा तपाइँमाथि अन्याय त हुँदैन, नि ? किनभने यसपछि तपाइँलाई कर्न्र्सटको निम्तो मारामार आउन थाल्यो, होइन ?
नेपाली म्युजिक विद इन्टरनेशनल क्वालिटी, नेपाली म्युजिकसँग इन्टरनेशनल म्युजिक ब्लेण्ड गर्दा स्रोताहरुले साँच्चिकै रुचाए जस्तो लाग्यो । त्यतिबेलाको सान्दर्भिक गीत थियो । दिन पनि बित्यो... गीत चाहिँ देश छोडेर विदेसिने क्रम ज्यादै बढेको थियो । यो गीतले विदेसिएकाहरुको व्यथा बोलेकाले पनि शायद निकै राम्रो रेस्पोन्स पाएको थिएँ ।

यसपछि तपाइँका गीतमा नेपाली भाषामा नेपालीका लागि नेपाली राष्ट्रिय गीत र्‍याप शैलीमा आउन शुरु गर्‍यो । सुन्दा अचम्म लाग्छ, र्‍यापमा नेपाली राष्ट्रिय गीत, तपाइँलाई कस्तो लाग्छ ?
हुन त हाम्रा अंग्रेजी गीत पनि राष्ट्रिय गीत नै हुन्थे । सप्पै एल्बममा राष्ट्रिय गीत थिए, तर अंग्रेजीमा थिए । अंग्रेजी छोडेर मैले नेपालीमा यस्ता गीत दिन पाए झन् राम्रो हुने थियो भन्ने लागेर नै तिनलाई नेपालीकृत गरेँ । ग्रासरुटसम्मै हाम्रा कुरा पुगून् भन्ने उद्देश्यले नेपालीमा बनाउन थालेको हुँ ।

यो एल्बमलाई मान्छेले यति मन पराए कि तपाइँले चर्चित अवार्डहरु पनि पाउनु भयो । कस्तो लाग्यो त्यसबेला ?
इमेज अवार्डबाट नेशनल फिलिङ्सको अवार्ड पाउँदा ज्यादै खुशी लाग्यो । मैले जुन म्यासेज दिएको थिएँ, वास्तवमा सही बुझे भन्ने लाग्यो र अर्को कुरा चाहिँ हिपहप म्युजिकलाई अब रेडियो तथा सर्वसाधारणहरुले गम्भीर रुपमा लिन थालेछन् भन्ने लाग्न थाल्यो ।

तर म नेपाली एल्बम निकाल्दा नयाँ गायकगायिकालाई चान्स दिन्छु भनेर केही संगीत प्रशिक्षण केन्द्रमा पुग्दा तपाइँलाई नै गनेनन् अरे नि, होइन ?
म नेपाली एल्बमका लागि केही संगीत प्रशिक्षण केन्द्रमा सर्म्पर्क गर्दा नयाँ ट्यालेन्टहरुले मलाई बाल गनेनन् । त्यतिबेला मलाई ज्यादै दुःख लागेको थियो । त्यसपछि नाम चलेका व्यक्तिहरुलाई, साथीभाइहरुलाई नै मैले एप्रोच गरेँ । त्यसपछिका कुराहरु त तपाइँलाई थाहै छ ।

नयाँ एल्बम मेचीदेखि महाकाली खासमा के हो ? किन यो नाम ?
यो पनि देशको सिचुएशनअनुसार नाम राखिएको हो । नेपाल टुक्रिने स्थितिमा छ । नेपाल नटुक्र्याउन मेचीदेखि महाकालीका मान्छेहरु एक भएर अगाडि बढ्नुपर्छ भन्ने सन्देश यो एल्बममा छ ।
तपाइँ रक्सी, चुरोट केही खानु हुन्न । सर्जक भएर पनि त्यस्तो कहीँ सम्भव छ र ?
तर म चुइँगम चपाउँछु । तर राम्रो सिर्जनाका लागि म आफूलाई आफूबाट अलग्याएर अरुको जीवन अध्ययन गर्छु, त्यतिबेला मेरो आत्मा मेरो जिउसँग हुँदैन, अरुकै अध्ययन गरिरहेको हुन्छ । त्यसैले तपाइँले विचार गर्नुभयो भने मेरा गीतहरुमा केटाका भावना मात्र हुँदैनन्, केटी, बूढाबूढी, बच्चाको समेत भावना समेटिएको हुन्छ ।

तपाइँको एउटा सामाजिक संस्था पनि छ, त्यसमार्फत् तपाइँले दुःख पाएकाहरुलाई सहयोग गरिरहनु भएको छ । गायक भएर समाजसेवाका काममा पनि ?
नव दैलो नामक संस्था हामीले चलाइरहेका छौँ । यो संस्थाले बच्चाहरुको शिक्षा र एच्आईभी एड्सका बारेमा जागरणका लागि स्थापना गरेका हौँ । गएको वर्षदेखि हामीले यो संस्था शुरु गरेका थियौँ, हामी ७ जना मिलेर । यस संस्थाको आयोजनामा निर्णय द एनएसके एजुकेशनल टूर दुइ वटा फेजमा सकियो । जसबाट करिब नौ वटा संस्थालाई लाइबे्ररी सेटअपका लागि किताबहरु दिएका थियौँ । त्यसैगरी तीन वटा निःशुल्क स्वास्थ्य सेवाको क्याप लगाइसक्यौँ । र, हालै मात्र कलेजमा हामीले एड्स अवेयरनेश कार्यक्रम चलाएका थियौँ ।

तपाइँको जीवन सिद्धान्त के हो ?
आफूले सही कुरा गर्ने हो भने जीवनमा सबै कुरा सही हुँदै जान्छ । कोही तपाइँलाई घृणा गर्छ तर तपाइँले लगातार उसलाई माया गरिरहनु भयो भने उसको मन एक दिन फर्कन्छ । त्यो दिनसम्मको धैर्यता चाहिँ तपाइँमा हुनुपर्छ । मेरो आफ्नै जीवनमा पनि यस्ता धेरै घटनाहरु घटको छन् । त्यसैले मलाई यो सिद्धान्तप्रति ज्यादै विश्वास छ ।

तपाइँ किन म्युजिक उद्योगमा ? तपाइँ त मिडिया टेक्नोलजीको विद्यार्थी । कम्प्युटर इञ्जिनियरिङ पनि पढ्नु भएको रे ?
मिडिया टेक्नोलजी पढ्दैछु, त्यही भएर मिडियामा पनि काम गरिरहेको छु । पहिले म सजिलोडटकम चलाउँथे, कम्प्युटर इन्जिनियरिङ पढ्दै गर्दा । तर म नेपाली एल्बम हिट भएपछि म कर्न्र्सटमा व्यस्त हुन थालेँ र पोर्टल चलाउन गाह्रो भयो । पछि मैले आफ्नो खर्चभन्दा पाँच गुणा बढी रकम लिएर बेचिदिएँ । अहिले पनि म इमेज एफएममा दुइ वटा कार्यक्रम चलाइरहेको छु । एउटा पुराना हिपहप, र्‍यापसम्बन्धी गीतहरु, स्यार्टडे मेल्ट डाउन । यसमा पुराना गीत र योङ एचिभरहरु (नेपालका)का बारेमा इन्टरभ्यू लिन्छु । यसो गर्नुको अर्थ चाहिँ र्‍याप गीत सुन्ने योङहरुले एचिभरका कुरा सुनेर प्रेरणा लिऊन् भन्ने हो । अर्को कार्यक्रम ब्रिङ द हाउस डाउन । यसले नयाँ गीतहरु बजाउँछु भने नयाँ नेपाली हिपहप गायकहरुलाई पाहुना बनाएर उनीहरुका कुरा अरुलाई सुनाउँछु ।

तपाइँ सङ्गीत उद्योगमा लाग्न घरपरिवारको कस्तो सहयोग रहृयो ?
मेरो जीवनमा घरपरिवारको ठूलो सहयोग रहृयो । मोरल सपोर्ट जहाँ रहृयो, त्यहाँ गर्न सकिने कुराहरु धेरै हुन्छ । शुरुताका घरबाट नै मैले आर्थिक तथा नैतिक सहयोग पाउँथेँ । जसले मलाई आज यहाँसम्म ल्याइपुर्‍यायो ।

तपाइँले १० वर्षको प्रेम प्रसङ्गपछि हालै बिहे गर्नुभयो, कस्तो भइरहेको छ वैवाहिक जीवनको अनुभव ?
हामीबीच ज्यादै राम्रो समझदारी र विश्वास थियो । कहिले उनी पढ्न विदेश जाने, कहिले म कार्यक्रमको सिलसिलामा बाहिर हुने भइरहन्थ्यो, भइरहन्छ । तर पनि हाम्रो कामको प्रकृति र शैली हाम्रो सम्बन्धमाथि हावी हुन हामीले दिएनौँ । शायद त्यही भएर हाम्रो सम्बन्ध विवाहसम्म आइपुग्यो ।

अबको तपाइँको योजना के छन् ?
अहिले म मेरो नयाँ एल्बम मेचीदेखि महाकालीको प्रचार प्रसारमा छु । सँगै मैले यही नामको टूर कर्न्र्सट गर्ने योजना छ । यो टूर योजना चाहिँ कस्तो भने, जहाँजहाँ मेरो टूर हुन्छ, त्यो टूरबाट उठेको रकमले त्यो ठाउँमा पुस्तकालय बनाउन सकियोस् । त्यसैले मैले स्थानीय विभिन्न क्बलहरुसँग पहल गरिरहेको छु ।

 
Click Here To Read Previously Posted Article    Click Here To Read Next Article          
 
More on Feature
Related Tags:
गायक रिलिज विचार उपलब्धि कीर्तिमान गीतकार बजारमा क्या बात ! लुकेका कुरा हल्ला समुद्रपार नेपाली तारा सङ्गीतकार गायिका ट्रयाक बाहिर परिस्थिति कन्सर्ट प्रेम र विवाह अवार्ड तातोपीरो
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read memories Family
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: