Home» Television »Feature

प्रतिस्पर्धाबाट खारिएका ज्योति



चलचित्र निर्माता ज्योतिराज राईले त्यसो त नगरेको काम केही छैन । उनले अभिनय गरेका छन्, लोक गीति एल्बममा स्वर दिएका छन् । चलचित्र निर्माणमा लाग्दाताका निर्माणसँग सम्बन्धित सबैथोक गरेका छन् । त्यसैले त उनलाई भेट्नु भयो भने आत्मविश्वास र स्वाभिमानले लबालब पाउनु हुन्छ, ज्योतिराजलाई ।

आफ्नै दाजु राजकुमार राईको सिनेमा ब्यानर आरसी पिक्चर्समा निर्माण सहयोगी भएर १० वर्ष काम गरिसकेका ज्योतिले त्यो अनुभवलाई टेलिभिजनमा उतार्ने प्रयास गरेका थिए । त्यसैले दुइ वर्षअघि देशभक्त खनाललाई निर्देशक नियुक्त गरेर संस्कार श्रृंखला तयार पारे । १० भाग खिचिसकेर पनि यसलाई उनले प्रसारण गर्न सकेनन् । यसले उनलाई झट्का लाग्यो, थाहा पाए- टेलिभिजनमा राम्रो चिज तयार पारेर मात्र हुँदोरहेनछ । त्यसका लागि पहुँच पनि हुनुपर्दो रहेछ ।

टेलिश्रृंखला निर्माणको क्रममा नै उनको भेट म्युजिक प्लस कार्यक्रमका निर्मातामध्ये एक जनकदीपसँग भेट भयो । जनकसँग उनले टेलिश्रृंखलाको आकर्षण र आफ्नो असफलताको कथा साटासाट गरे । यसपछि दुवैले एउटा राम्रो श्रृंखलाको योजना तयार पारे ।

अहिले ४२ भाग प्रसारण भइसकेको दुइ थोपा आँशुमा दुवैले मिलेर काम गर्दा ढिलै भए पनि सफलता हात पारेका छन् ।

अहिले दुवैको ध्याउन्न चाहिँ टीभीमा सस्तो बेसाहाले दर्शकहरुलाई पखाला चलाउने काम भइरहेकोमा, यस्तो प्रवृत्तिलाई रोकेर स्तरीय श्रृंखला बनाउने काममा लागिरहेको उनी बताउँछन् । अहिले ४२ औँ भाग प्रसारण भइरहँदा एनटीभीमा सबैभन्दा 'रिच सिरियल' भनेर पहिचान बनाइसकेको उनको दाबी छ । उनी थप्छन्- "यसले मेकिङका हिसाबले नयाँ स्वाद दिन सफल भएको छ । यसको सङ्गीत, सम्पादन, प्रस्तुति र यसमा प्रयोग गरिएका सामग्रीले श्रृंखलामा 'रिचनेस' बढाएको छ ।"

तीन वर्षअघि गायनमा भएको रुचिलाई पनि 'क्यास' गरिसकेका छन् । पोखराको पुल नामक एल्बमलाई उनले म्युजिक नेपालबाट वितरण गरेका थिए । यसबाहेक उनले पाँच वटा म्युजिक भिडियोमा मोडलका रुपमा पनि काम गरिसकेका छन् । त्यस्तै डिजिटल एफएक्ससँगको संलग्नतामा उनले केही म्युजिक भिडियो र टीभी विज्ञापनसमेत निर्माण गरिसकेका छन् ।

उनको दुइ थोपा आँशु अहिले टेलिभिजनको रेटिङ्समा क्रमशः चढिरहेकोमा सन्तोष मान्छन् । हुन पनि उनको यो श्रृंखला शुरु हुँदा प्रख्यात निर्देशकहरुको खुशी पलभरको, अपराजिता, आरम्भ, सिलसिला, पथभ्रष्ट, सिन्दूर आदि श्रृंखला पनि दौडमा सँगै थिए । तीमध्ये अहिले पथभ्रष्ट, सिन्दूर  र दुइ थोपा आँशु मात्र प्रतिस्पर्धामा टिकिरहेका छन् ।

आफूले पहिलो टेलिश्रृंखला संस्कारबाट निकै सिकेको बताउने ज्योतिराजले भने- "टेलिश्रृंखला निर्माण ज्यादै अप्ठेरो कुरा हो । किनभने यो त सारा संसारले हेरेर कमेन्ट गर्ने कुरा हो । बनाएर मात्र नहुने, त्योभन्दा ठूलो कुरा प्रसारण गर्नु पर्ने हुन्छ र प्रसारण गरेर मात्र भएन कि दर्शकले निरन्तर रुचाएर वर्षौँसम्म चलिरहनु पर्‍यो ।"

नयाँ टीभी कार्यक्रममा यदि नयाँ किसिमको प्रस्तुति भयो भने मात्र दर्शकले रुचाउने उनको धारणा छ । गुटबन्दीलाई त्यागेर प्रतिस्पर्धात्मक कार्यक्रम निर्माण गर्दा नेपाली टेलिभिजनहरुमा मनोरञ्जनको नयाँ क्रान्ति आउने उनको धारणा छ ।

 
Click Here To Read Previously Posted Article    Click Here To Read Next Article          
 
More on Feature
Browse Tags in Other Group
 
 
Tags in MUSIC
विवाद गायिका गायक कन्सर्ट हल्ला ट्रयाक बाहिर उपलब्धि लुकेका कुरा रिलिज परिस्थिति अवार्ड कीर्तिमान बजारमा क्या बात ! रुचि पेज थ्री प्रेम र विवाह समुद्रपार विचार नेपाली तारा गीतकार सङ्गीतकार तातोपीरो भिडन्त
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,