Home» Around the World »Weird and Interesting

महंगा पोटर



ह्यारी पोटरको नाम त तपाइँले सुन्नु भएकै होला । यी पोटर युवाका कारण हिजोआज सुरक्षाकर्मीको निद्रा गायब भएको छ । तपाइँलाई यो जानकारी दिलाउँ कि ह्यारी पोटरको कथा बुनिएको उपन्यास ह्यारी पोटर एण्ड द डेथ्ली हलोज्मा ह्यारी मारिएको खबर जमानामा नै 'लिक' भएपछि यसका पाठकहरुमा 'अब के होला' भन्ने सस्पेन्स छाएको छ ।

लेखिका जे.के. रोलिङको बहुचर्चित यो उपन्यासका कतिपय पानाहरु गायब नहुन्, यसको कथा र घटनाहरु बजारमा पुग्नुअघि नै सार्वजनिक नहोऊन् भनेर यसका प्रकाशक तथा वितरकहरुले ज्यान फालेर काम गरेका छन् ।

यसभित्रका सूचनाहरु नखुस्किऊन्, ह्यारी पोटर साँच्चिकै मारिएका छन् कि ब्यूँतिएका आदि कुरा किताब बजारमा पुग्नुअघि नै अरुले चाल नपाऊन् भनेर अनेक सुरक्षा व्यवस्था अपनाइएको छ । त्यो सुरक्षा खर्च जोड्ने हो भने करिब एक करोड पाउण्ड पुग्छ । करिब एक करोड पाउण्डको नेपालीमा १ अरब ३३ करोड रुपियाँ हुन जान्छ ।

यो सुरक्षा व्यवस्थामा बेलायतका प्रख्यात सेनाले सुरक्षा गर्नेछन् । किताब प्रकाशन गर्ने प्रेसदेखि वितरकसम्म आइपुग्दा ट्रकभित्र खाँदिएका लाखौँ प्रति किताबको अवस्था बुझ्न स्याटेलाइट क्यामेराले अवलोकन गर्नेछ । कुनै खति या क्षति भएमा प्रकाशकले अरबौँ रुपियाँको क्षतिपूर्ति पाउने व्यवस्था समेत मिलाइएको छ । ह्यारी पोटरको सातौँ तथा अन्तिम यो किताबका लागि विश्वभर लाखौँ व्यक्तिहरु मन थामेर बसेका छन् कि साँच्चिकै ह्यारी यस भागमा मरे कि बाँचे ।

तर यो सत्य कि त यस किताबकी लेखिका जे.के. रोलिङलाई थाहा छ कि त यो किताबका सम्पादक, जसले पूरै पढेका छन् । यी दुइ जनाबाहेक यस पुस्तकका प्रकाशक, चित्रकारसहित अन्य २० जनालाई थाहा छ ।

तपाइँलाई बताइदिऊँ, लण्डनकी लेखिकाले जब यो उपन्यास लेखिसकेकी थिइन्, यसको हस्तलिखित प्रति कुनै एयरमेल गरेर न्यूयोर्क पठाइएन । यसका लागि अमेरिकी प्रकाशकले स्कलस्टिक नामक प्रकाशकले आफ्नो निजी वकिललाई बेलायत पठाएर अमेरिकासम्म ल्याइपुर्‍याएको थियो । रोचक के छ भने, ह्यारी पोटरको सफलतासँगै हरेक पुस्तकमा लगाइएको सुरक्षा संन्यत्र अघिल्लोभन्दा महङ्गो र कडा पारिएको छ ।

बेलायतमा यो पुस्तकका वितरक तथा प्रकाशक ब्लुम्सबेरीले यो पुस्तक सार्वजनिक हुनुअघि कडा सुरक्षा व्यवस्था गरेको थियो । यसका लागि बेलायतभर प्रख्याति कमाएका एक दर्जन बढी सुरक्षा संन्यत्रलाई परिचालन गरेको छ । जानकारहरु भन्छन्, सुरक्षा संन्यत्रले मात्र प्रति घण्टा ३० पाउण्ड प्रति घण्टा कमाउने गरेका छन् । यता कुकुरको पनि व्यवस्था गरिएको छ । कुकुरले पनि २० पाउण्ड प्रति घण्टा पाउने गरेका छन् ।

यसको सुरक्षा व्यवस्था कस्तोसम्म थियो भने, जुन प्रिन्टिङ प्रेसमा यो छापिँदै थियो, त्यहाँ काम गर्ने कामदारहरुलाई ह्यारी पोटरका कुनै पनि अंश चुहिएको खण्डमा तिनले तत्क्षण जागीरबाट हात धुनेछन् । यता जर्मन प्रकाशकले त प्रेसमा काम गर्ने कर्मचारीहरुलाई मोबाइल लैजानसमेत प्रतिबन्ध लगाएका थिए । कामको अवधिभर उनीहरुलाई खाना त्यहीँ उपलब्ध गराइएको थियो भने कतिपय कामदारहरुलाई त मुस्किलले आँखा देखिने उज्यालोमा काम गर्न लगाइएको थियो, ताकि उनीहरुले कुनै पनि पाठ्याङ्श पढ्न नसकून् ।

गएको मंगलबारदेखि बजारमा बिक्री वितरणका लागि पठाइएको छ । पठाउँदा बेलायती प्रकाशक ब्लुम्सबरीले स्याटेलाइट ट्रयाकिङ प्रणालीबाट रेखदेख गरेको थियो । यो प्रणालीको मूल्य मात्र प्रति ट्रक १ हजार पाउण्ड परेको थियो । रुटबाट दायाँबायाँ नलागून् भन्ने उद्देश्यले मात्र यो प्रणाली जडान गरिएको थियो ।

आधिकारिक रुपमा यो किताब शनिबार सार्वजनिक हुनेछ ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
हलिउड उपाय मूर्ख्याइँ मुद्दा मामिला उदारता गुगल भव्यता परिस्थिति इन्टरनेट प्रविधि बलिउड विज्ञापन कीर्तिमान सुन्दरी जनावर फट्याइँ सेलेब्रिटी उदेकलाग्दो नग्नता श्रीमानश्रीमती
Browse Tags in Other Group
 
 
Tags in City Updates
crisis events hi-life अनुभव festival celebrity माओवादी मोबाईल streets पेट्रोल समलिङगी सेलेब्रिटी हल्ला awards संविधानसभा
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: