अब पालो अर्को अवार्डको अब तपाइँ पालो पर्खनुस्, अर्को नेपाली चलचित्र महोत्सव तथा अवार्ड कार्यक्रमका लागि ।
नेपाल चलचित्र तथा कलाकार श्रमिक संगठनले भदौ-असोजमा नेपाली चलचित्र महोत्सव-२०६४ को आयोजना गर्ने भएको छ । धरानमा सम्पन्न हुने यो कार्यक्रमलाई आयोजकहरुले अन्य अवार्ड कार्यक्रमभन्दा पृथक हुने दाबी गरिरहेका छन् ।
कार्यक्रममा नेपाली ठूलो पर्दा र साना पर्दाका चलचित्रहरु प्रदर्शन गरिने बताइएको छ ।
नेपाली चलचित्रको प्रवर्द्धन गर्ने, नेपालको पर्ूवाञ्चल क्षेत्रमा विभिन्न किसिमका कला र संस्कृतिको विकासमा टेवा पुर्याउने, नेपाली चलचित्र क्षेत्रमा आश्रति मजदूरहरुलाई प्रोत्साहन गर्ने आदि उद्देश्यका साथ शुरु गर्न लागिएको यो अवार्डबाट उठेको रकमले शव बाहन, एम्बुलेन्सको जोहो गर्ने बताइएको छ । त्यसैगरी श्रमिक तथा जोखिममा परेका बालबालिकाको उचित शिक्षाको व्यवस्थाका लागि पहल गर्ने तथा र्सार्कस्तरीय चलचित्र महोत्सवको आयोजना गर्ने आदि उद्देश्य पनि समावेश गरिएको छ ।
यस अवार्डलाई सफलतापूर्वक सम्पन्न गर्न विभिन्न जातजातिका सांस्कृतिक झाँकीको प्रदर्शन, प्रहसन, गायन तथा नृत्य आदि पनि प्रदर्शन गरिने बताइएको छ ।
नेपाली ठूलो पर्दाका चलचित्रका लागि प्रदान गरिने अवार्डहरुमा २३ विधा रहेका छन् भने सानो पर्दाका चलचित्रलाई प्रदान गरिने अवार्ड संख्या मात्र नौ विधा रहेका छन् । त्यस्तै उक्त समारोहमा नेपाली चलचित्रकी प्रथम महिला निर्देशकका रुपमा सुचित्रा श्रेष्ठ र अर्का एक जनालाई लाइफ टाइम एचिभ्मेन्ट अवार्ड पनि प्रदान गरिने पत्रकार सम्मेलनमा जानकारी दिइएको थियो ।
