Home» Music »Feature

छिन्नलता पुरस्कार २५ वर्षमा



स्व. रमोलादेवी शाहको संरक्षकत्वमा स्थापना भएको छिन्नलता गीत पुरस्कार गुठीले बिहीबार आफ्नो स्थापनाको २५ औँ वर्ष मनायो । यही अवसरमा यस वर्षगीतरचनातर्फ कञ्चन पुडासैनी, सङ्गीततर्फ रत्नबहादुर, गायनतर्फ लोचन भट्टराई र छिन्नलता प्रतिभा पुरस्कार दीपक लिम्बुलाई प्रदान गरिएको छ ।

सबै पुरस्कृत व्यक्तित्वलाई राष्ट्रकवि माधवप्रसाद घिमिरेले सम्मान तथा पत्र प्रदान गर्नु भएको थियो । रमाइलो के थियो भने कविवर घिमिरेले पुरस्कृतहरुसँग मज्जाले हात मिलाई पत्रकारहरुलाई फोटो खिच्न प्रशस्त समय दिनु भएको थियो ।

छिन्नलता गीत पुरस्कार गुठीको रजत जयन्ती वर्ष परेका हुनाले यसअघि सम्मानित भइसकेका कवि, कलाकारहरुलाई पनि यस पटक विशेष सम्झना गरिएको थियो । अहिलेसम्म सम्मानित भइसकेका सबैलाई मायाको चिनो प्रदान गरिएको थियो ।

१९८० सालमा जन्मिएकी छिन्नलता उपनामबाट गीत रचना गर्ने रमोलादेवीको २०५७ मा देहावशान भएको थियो । उनकै पहलमा २०३९ सालमा गुठी स्थापना गरी गुठीको आम्दानीले हरेक वर्षगीति क्षेत्रमा योगदान पुर्‍याउनेहरुमध्ये सबैभन्दा योग्यव्यक्तिलाई पुरस्कृत गर्ने चलन छ ।

२५ वर्षो अवधिमा सङ्गीतसँग सम्बद्ध १०६ जना व्यक्तित्वलाई यस संस्थाले सम्मानित गरिसकेको छ ।

पुरस्कृत कञ्चन पुडासैनीका पाँच कविता संग्रह, दुइ खण्डकाव्य र दुइ वटा निबन्ध संग्रह प्रकाशित छन् भने उनका १५ वटा गीतहरु नारायणगोपालका पुस्तादेखि अहिलेसम्मका पुस्ताले गाएका छन् । उनको सबैभन्दा सशक्त परिचय भनेको प्रत्यागमन खण्डकाव्यका लागि उनले २०४२ सालमा मदन पुरस्कार प्राप्त गरेका थिए ।

यसैगरी कार्यक्रममा सङ्गीतकार रत्नबहादुर खड्गी पनि पुरस्कृत भएका थिए । खड्गी २०१० सालदेखि रेडियो नेपालमा हालसम्म कार्यरत छन् भने उनका वेदनाका छालहरु, शीखा, अभिप्सा, संघारमा पर्खिबसेँ, भरोसा, वाचा, सीमा, आविष्कार र सारांशजस्ता गीति एल्बममा सङ्गीत प्रकाशित छन् ।

लोचन भट्टराई त पुरस्कृत हुनेमध्ये सबैभन्दा चर्चित व्यक्तित्व हुन् नै । २०२० जेठ २८ गते धरानमा जन्मिएकी लोचनका माइती देश, स्वर, श्रृति, लोचन भट्टराई पाटन दरबारमा, जीवनको उत्तरदायित्व, सुनगाभा आदि एल्बम प्रकाशित छन् । त्यस्तै छन्द, दिव्य चेतना, तारा नउदाएको आकाश, तरुण तपसी र कञ्चन पुडासैनीका कविता एल्बम बजारमा आएका छन् ।

पुरस्कृत हुने अर्का प्रतिभा थिए, दीपक लिम्बु । खासगरी प्रथम नेपाली ताराका रुपमा परिचित दीपक पछिल्लो समय चलचित्र गायनमा लोकप्रिय नाम बनिसकेको छ । २०४० भदौ १७ मा जन्मिएका दीपकले अहिलेसम्म एक सय गीत गाइसकेका छन् ।








 
Click Here To Read Previously Posted Article    Click Here To Read Next Article          
 
More on Feature
Related Tags:
अवार्ड रिलिज लुकेका कुरा क्या बात ! कीर्तिमान गायिका प्रेम र विवाह तातोपीरो रुचि सङ्गीतकार कन्सर्ट नेपाली तारा उपलब्धि गायक हल्ला गीतकार विचार भिडन्त पेज थ्री बजारमा
Browse Tags in Other Group
 
 
Tags in MUSIC
विवाद गायिका गायक कन्सर्ट हल्ला ट्रयाक बाहिर उपलब्धि लुकेका कुरा रिलिज परिस्थिति अवार्ड कीर्तिमान बजारमा क्या बात ! रुचि पेज थ्री प्रेम र विवाह समुद्रपार