Home» Around the World »Weird and Interesting

म्याक्डोनाल्डलाई मुद्दा

अमेरिकी रेष्टुराँ म्याक्डोनाल्डले चीनमा आफ्नो शाखा विस्तार गरेको छ । यो खबर त कुनै नौलो र तपाइँलाई छक्क पार्ने हुँदै होइन तर म्याकडोनाल्डले आफ्नो रेष्टुराँमा अंग्रेजीमा सूचना टाँस्यो भनेर एक वकिलले सूचनाको हकसम्बन्धी मुद्दा दायर गरेका छन् ।

चिनियाँ ग्राहकहरुले अंग्रेजी नबुझ्ने तर म्याक्डोनाल्डले सूचना जति सबै कुरा अंग्रेजीमा राख्यो भनेर उनले यो मुद्दा दायर गरेका हुन् । उनको आग्रह छ, म्याक्डोनाल्डले जारी गर्ने सबै सूचना चिनियाँ भाषामा होस् । अरु त अरु म्याक्डोनाल्डको लोगो पनि अंग्रेजीमा नभई चिनियाँ भाषामा होस् भनेर उनले मुद्दा दायर गरेका हुन् ।

ती वकिलको नाम छोटकरीमा मात्र उपलब्ध गराइएको छ । शान भनिएका ती वकिलले संसारकै सबैभन्दा ठूलो साङ्ले रेष्टुराँलाई मुद्दा हालेका हुन् । उनले म्याक्डोनाल्डका बेइजिङमा रहेका दुइ रेष्टुराँमा गएको मे र जुन महिनामा खाजा खान गएका थिए । खाजा खाँदा आफूले भाषाका कारण अप्ठेरो महसूस गर्नु परेको र आफूले सास्ती भोग्नु परेको उनको दाबी छ ।

"हाम्रो देशमा आएर हाम्रै नाकै मुन्तिर व्यापार गर्ने, अनि हामीले उसको व्यापारको सूचि नै नबुझ्ने- यो त अति भयो", ती वकिलले मुद्दा हाल्नुको कारण बताउँदै बेइजिङ युथ डेलीलाई बताए- "हामीले के खाने र त्यो खाने चिजको चिनियाँ नाम के हो भन्ने चैँ हामीले थाहा नपाउने ?"

शानले उसो भए के चाहेका छन् त म्याक्डोनाल्डसँग - "म चाहन्छु, रेष्टुराँले हामीसँग माफी मागोस्, अर्काको देशमा अर्कै भाषामा व्यापार गर्न खोजेकोमा । र, सांकेतिक क्षतिपूर्तिका रुपमा उसले मलाई एक युआन तिरोस् । मैले चाहेको यति मात्र हो", शानले बताए । यो मुद्दा अदालतमा गएको बिहीबारदेखि चलिरहेको छ ।

यता रेष्टुराँले चाहिँ वकिलले लगाएको सबै आरोप झूटो भएको बताएको छ । रेष्टुराँका प्रवक्ताले पत्रिकासँग भने- "हल्ला त गर्नु तर अति नगर्नू ! किनभने हामीले सबै सूचनाहरु चिनियाँ भाषामा राखेकै छौँ । अर्को कुरा विज्ञापन पनि चिनियाँ भाषामै छाप्ने गरेका छौँ र खानाको मिनु पनि सबै स्थानीय भाषामा नै हुने गरेको छ । त्यति मात्र होइन, सबै कामदार चिनियाँ भाषामा नै बोल्छन् ।"

७० को दशकदेखि चीनमा सुधारवादी समाजवाद लागू भएयता नै विदेशी भाषाको प्रयोगबारे विवाद र छलफल चलिरहेको छ ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
मुद्दा मामिला हलिउड मूर्ख्याइँ उदारता गुगल भव्यता परिस्थिति उपाय इन्टरनेट बलिउड प्रविधि विज्ञापन कीर्तिमान सुन्दरी जनावर फट्याइँ सेलेब्रिटी उदेकलाग्दो नग्नता श्रीमानश्रीमती
Browse Tags in Other Group
 
 
Tags in Cinema
सेक्स अभिनेता अभिनेत्री सेलेब्रिटी रिलिज समारोह सुटिङ हल्ला पेज थ्री प्रविधि
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: