Home» Music »Feature

शिशिरको साङ्गीतिक वसन्त



नाम उनको शिशिर तर उनको स्वर सुन्नु भयो भने जस्तोसुकै शिशिर याममा पनि वसन्त ल्याउन सक्ने खुबी ! आइतबार उनै शिशिरको वसन्त ल्याउने खुबीका बारेमा चर्चा गरियो । प्रसङ्ग थियो, गायक शिशिर बाङ्देलको पहिलो एल्बम 'सम्झिरहन्छु' ।

नाम चाहिँ उनले सही राखेका रहेछन् । उनीसँगै गायन सिकेका कतिपय 'कलिग'हरु नामी गायक बनिसके । उनले पनि एल्बम निकाल्न नखोजेका होइनन् तर 'सही समय' कुरिरहेका थिए । तर कुन बेला सही समय कुर्दाकुर्दै ढिला भइसकेछ उनैलाई पत्तो भएन ।

तर तराईमूलमा एउटा उखान छ नि- देर से आयब, दुरुस्त आयब । त्यस्तै लाग्छ, शिशिर बाङ्देलका स्वरलहरी सुन्दै जाँदा । सान्तना रेकर्ड्सले बजारमा ल्याएको उनको गीति एल्बम सम्झिरहन्छुमा नौ गीत रहेका छन् । जसका अधिकांश गीत, सङ्गीत गायक स्वयंकै छन् । उनीबाहेक एल्बममा राकेश खालिङ, राजकुमार थापा, विवेक निरौला, जे. पापी तथा विप्लव प्रतीकका गीतलाई राकेश खालिङ, भगत राई र सुवर्ण लिम्बुले सङ्गीत दिएका छन् ।

एल्बमको अनुहार हेर्दा तपाइँलाई यो पप वा हिपहप एल्बम लाग्न सक्छ तर धोकामा नपर्नुस्, यो विशुद्ध आधुनिक गीति सौगात हो । उनले आइतबार आफूलाई सङ्गीत सिकाउने गुरु प्रभु ढकाल र गीतकार विप्लव ढकाललाई प्रमुख अतिथि बनाई यो एल्बमको विमोचन गराएका थिए ।

कार्यक्रममा उनले आफ्नो एल्बमको म्युजिक भिडियोसमेत प्रदर्शन गरेका थिए ।

 
Click Here To Read Previously Posted Article    Click Here To Read Next Article          
 
More on Feature
Related Tags:
बजारमा रिलिज गायक लुकेका कुरा क्या बात ! कीर्तिमान गायिका प्रेम र विवाह तातोपीरो रुचि सङ्गीतकार कन्सर्ट नेपाली तारा उपलब्धि हल्ला गीतकार विचार भिडन्त पेज थ्री ट्रयाक बाहिर
Browse Tags in Other Group
 
 
Tags in City Sightings
festival releases celebrity party events story wedding bandhs & protests bizarre traffic real picture hi-life city beauty pageant travel culture awards
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting,