Home» Music »Feature

प्रमोदको सेन्टिमेन्ट्स


डाक्टर बनेर एउटा सम्मानजनक व्यक्ति बन्छु भन्ने सोचेका प्रमोद खरेललाई मूलतः डाक्टरको सेतो गाउन निकै रुच्थ्यो । तर बीएस्सी सक्दानसक्दै डाक्टर बन्ने उनको सपना विस्तारै धूमिल हुँदै गयो । बरु त्यसको ठाउँमा नयाँ सपना उनले सजाउन शुरु गरे- सङ्गीतको डाक्टर बन्ने !

उनको स्वरलाई साथीभाइले प्रशंसा गर्न थालेपछि उनी सङ्गीततिर ढल्किन थालेका थिए । सङ्गीतमै केही गर्ने उद्देश्यले उनले ५/६ वर्ष शास्त्रीय सङ्गीतका धुरन्धर गुरु गुरुदेव कामतसँग सङ्गीत पनि सिके ।

आफूभन्दा कम क्षमता भएका जुनियरहरु पनि भटाभट एल्बम निकाल्ने र भटाभट हिट हुने आफ्नै आँखाले देखेपछि उनलाई पनि एल्बम निकाल्ने रहर चल्यो । त्यसैले लागे, गीत रेकर्ड गर्नतिर । गीत रेकर्ड हुँदै गर्दा उनको क्षमताका कायल सुरताल म्युजिक प्रा.लि.का सञ्चालक श्रीकृष्ण भट्टराईले उनको पहिलो एल्बम 'प्राप्ति' बजारमा ल्याए ।

गीत जति मीठा थिए, उनको जति मिहिनेत थियो, भिडियो जति रुचिकर बन्यो- त्यति एल्बमको बिक्री भएन । केहीले उनलाई भने, उनको गीत लोकआधुनिक शैलीका भएर चलेन । कसैले के भने, कसैले के ।

तर उनलाई आफ्नो गायन क्षमता देखाउनु थियो, त्यसैले बनाए पप एल्बम । 'सेन्टिमेन्ट्स'लाई सोमबार एक कार्यक्रमका बीच विमोचन गरियो । उक्त अवसरमा एउटा म्युजिक भिडियोसमेत प्रदर्शन गरिएको थियो ।

विमोचनबाट ज्यादै प्रशन्न देखिएका प्रमोदले इनशाडटकमसँग भने- "यो एल्बमले मेरो भर्सटालिटी देखाउँछ भन्ने कुरामा म विश्वस्त छु ।" तथास्तू !

 
Click Here To Read Previously Posted Article    Click Here To Read Next Article          
 
More on Feature
Related Tags:
बजारमा रिलिज गायक लुकेका कुरा क्या बात ! कीर्तिमान तातोपीरो गायिका प्रेम र विवाह रुचि कन्सर्ट सङ्गीतकार नेपाली तारा उपलब्धि हल्ला भिडन्त गीतकार पेज थ्री ट्रयाक बाहिर विचार
Browse Tags in Other Group
 
 
Tags in City Sightings
festival releases celebrity party events story wedding bandhs & protests bizarre traffic real picture hi-life city beauty pageant travel culture awards
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting,