Home» Around the World »Weird and Interesting

वाह रे इश्वर प्रेम !

इश्वर भनेपछि नेपालका मात्र होइनन्, अमेरिकीहरु पनि कमका हुँदा रहेनछन् ! गएको साता एउटा डाक बढाबढ गर्ने वेबसाइटमा तेल र ग्रिजको मिसावटका कारण बनेको एउटा चित्र 'जिसस क्राइष्ट'जस्तै भएको भन्दै राखिएको फोटोलाई तिर्न मान्छेहरुले ७५० पाउण्डसम्म खर्च गरेका छन् ।

स्थानीय एउटा ग्यारेजमा त्यहाँका कामदारहरुले एउटा टिनको बाकसलाई हात पुछ्ने गम्छा बनाउँदा त्यसमा मान्छेको अनुहार बन्न पुगेको थियो र त्यो अनुहार त्यहाँका मानिसहरुले येशू ख्रिष्टको मान्दै त्यसलाई जति भन्यो त्यति दाम तिर्न राजी रहेको एनानोभा समाचार संस्थाले जनाएको छ ।

डेब सेरियोले यो प्रतिमायुक्त टिन चोइटो अमेरिकी राज्य भर्जिनियाको जङ्गल छेउ पाएकी थिइन् । अहिले त्यो प्रतिमा इबे वेबसाइटमा एक हजार पाँच सय २५ अमेरिकी डलरमा बिक्री भएको डेली टेल्रि्राफ अखबारले जनाएको छ ।

एउटा स्थानीय हाइ स्कूलकी शिक्षिकाले दङ्ग पर्दै भनिन्- "म ज्यादै अचम्ममा परेकी छु कि कोही किन यति हत्ते गरिरहेको छ, जाबो एउटा अस्पष्ट चित्रका लागि !"

"साँच्ची भनुँ - मैले यसबाट पैसा कमाउँली भनेर रत्तिभर पनि सोचेकी थिइनँ", चहकिँदै उनले बताइन् ।

यो चित्रलाई इन्टरनेटमा बेच्नका लागि राखेपछि संसारभरबाट उनलाई सयौँ सूचना आएको र येशू ख्रिष्टको यो चित्र आफूलाई बेच्न आग्रह गरिएको उनले बताइन् ।

यता एक जना येशू ख्रिष्ट सम्बद्ध संस्था लुथरनका क्रियाशील सदस्यले यो एउटा आकस्मिकता रहेको र योर् इश्वरको संकेत या जादू केही पनि नभएको बताएका छन् ।

"कोही कोही यस्तो पाए आफूलाई भाग्यमानी ठान्छन् र नयाँ कुराको शुरुवातमा यसलाई शुभसंकेत मान्दै नयाँ कामको थालनी गर्छन् । तर मलाई यस्तो कुरामा विश्वास छैन । त्यसैले यसलाई बेच्न लागेकी हुँ", यही चित्रकै कारण एक हजारभन्दा बढी डलरकी मालिक्नी बनिसकेकी उनले बताइन् ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
इन्टरनेट सुन्दरी बलिउड माया सेलेब्रिटी श्रीमानश्रीमती परिस्थिति फट्याइँ मुद्दा मामिला नग्नता उदारता मूर्ख्याइँ विज्ञापन भव्यता गुगल हलिउड सेक्स उदेकलाग्दो कीर्तिमान उपाय
Browse Tags in Other Group
 
 
Tags in Work and Office
meetings time value training skill development interview deadline work psychology sex fun and humor co-workers
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,