Home» Cinema »Feature

नामकै किचलो


अहिले नेपाली सिनेमामा 'द डन' र 'डन' नामको किचलो छताछुल्ल भएको छ । चलचित्रको निर्माण अवधिमा नै नामको किचलो भएको भए पनि शुक्रबारदेखि प्रदर्शन शुरुवात भएको 'द डन' ले बाजी मारेको छ ।  यसपछि 'डन'का निर्माताले आफ्नो चलचित्रको नाम परिवर्तन गरी 'मिस्टर डन' राख्ने भएका छन् । रोचक त के छ भने यी दुवै चलचित्रका लेखक एउटै व्यक्ति हुन्- विकास आचार्य ।

"मलाई सधैँ यस्तै परिरहेको छ", चलचित्रका लेखक आचार्य भन्छन्- "अहिलेदेखि होइन, पहिले पनि यस्तै संयोग जुरेको छ ।"

तीन दर्जन चलचित्रका यी लेखकको चलचित्र त्यतिबेला चर्चामा आयो, जब कल्याण घिमिरेको निर्माण तथा नारायण पुरीको निर्देशनमा 'मेरो हजूर' तयार भयो । झरना थापाले आफ्नो चलचित्र निर्माणको शुरुवात पनि यही नामबाट गरिन्- 'मेरो हजूर' । तर पहिले नै नाम दर्ता गरिसकिएका कारण उनले मेरो हजूर नाम राख्न त पाइनन्, तर अगाडि 'ए' थपेर चलचित्रलाई रिलिज गरिन् ।

दुइ वर्षअघि उनले चलचित्र लेखिसिध्याएका थिए, पण्डित बाजे । यो लेखनमा निर्माता प्रदीप उदय मख्ख परेका थिए । तर यो चलचित्र बनाउन ढिला हुँदै गर्दा अर्का निर्माता मधुसूदन सिलवालले उनलाई चलचित्र लेख्ने जिम्मा दिए । चलचित्र लेखेर सिध्याएपछि पो उनलाई थाहा भयो- यो चलचित्रको नाममा पण्डित बाजेका अघिल्तिर 'ए' थपिएछ ! यता प्रदीप उदयले अहिले पण्डित बाजेको कथालाई थन्क्याइसकेका छन् भने ए पण्डित बाजे सर्वत्र चलेर थन्किसकेको छ ।

उनले लेखेको अर्को एउटा चलचित्रसँग पनि त्यस्तै संयोग परेको छ । 'शक्ति' नामक शोभित बस्नेतद्वारा निर्देशित चलचित्रको दर्ता नाम चाहिँ 'शोभित बस्नेतको शक्ति' रहेको छ । लेखक विकास आचार्य भन्छन्- "अरु कसैले नै यो टाइटल दर्ता गरेका कारण त्यही नामबाट दर्ता गर्न नमिलेकाले लामो नामको चलचित्र बनाइयो ।" त्यसो त 'शोभित बस्नेतको शक्ति' राजधानीबाहिरबाट प्रदर्शन भइरहेको छ । तर प्रचार प्रसारको नाम चाहिँ 'शक्ति' नै राखिएको छ ।

तर सबैभन्दा अचम्म चाहिँ लेखक विकास आचार्यलाई नै लागेको छ- "हैन यस्तो कुराको संयोग चाहिँ किन मैसँग मात्र मिल्न गएको होला !"

 
Click Here To Read Previously Posted Article    Click Here To Read Next Article          
 
More on Feature
Related Tags:
हल्ला सेलेब्रिटी अभिनेता रिलिज समारोह सेक्स प्रविधि सुटिङ अभिनेत्री पेज थ्री
Browse Tags in Other Group
 
 
Tags in Cinema
सेक्स अभिनेता अभिनेत्री सेलेब्रिटी रिलिज समारोह सुटिङ हल्ला पेज थ्री प्रविधि
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,