Home» Music »Feature

अब सक्कली हिन्दी गीत सुन्नुस्

रियाज म्युजिकले भारतीय प्रख्यात सङ्गीत कम्पनी सारेगामासँग सम्झौता गरी हिन्दी क्यासेट तथा सिडी बजारमा ल्याउन शुरु गरेको छ । सक्कली गीतसङ्गीतप्रति मान्छेको रुचि र चासो बढोस् भनेर रियाज म्युजिकले यो प्रयोग गरेको रियाज म्युजिकका अमर श्रेष्ठले इनशाडटकमलाई बताएका छन् ।

नेपालमा कुनकुन फिल्मका गीत बढी रुचाइन्छन्, तिनै सिनेमाका एल्बमलाई बजारमा ल्याइने र यसले हिन्दी गीतप्रेमी नेपाली श्रोताहरुलाई सक्कली क्यासेट तथा सिडीप्रति क्रमशः बानी पार्ने विश्वास कम्पनीको छ ।

त्यसो त सक्कली क्यासेटप्रति रुचि जगाउने यो अभियान नौलो चाहिँ होइन । यसअघि म्युजिक नेपालले सात वर्षघि र त्यसको केही समयपछि मास्टर रेकर्डिङले पनि भारतीय विभिन्न क्यासेट कम्पनीहरुसँग विविध सम्झौता गरी नेपालमा सक्कली क्यासेट तथा सीडीको बिक्री शुरु गरेका थिए । तर उनीहरुको प्रयास सफल भएन ।

"त्यो बेला नेपालमा प्रतिलिपि अधिकारसम्बन्धी कडा कानून बनेका थिएनन्", रियाज म्युजिकका अमर बताउँछन्- "तर अब नेपाल वर्ल्ड ट्रेड अर्गनाइजेशन (डब्लुटीओ) को सदस्य राष्ट्र भइसकेको अवस्थामा अरुका सिर्जनालाई पनि हामीले सुरक्षा गर्नुपर्ने स्थिति छ ।" यस्तो अवस्थामा सारेगामासँग गरिएको सम्झौताले दुवै कम्पनीलाई फाइदा पुर्‍याउने विश्वास उनको छ ।

त्यसो त भारतीय गीतसङ्गीतलाई नेपालमा बेच्ने मात्र होइन, नेपाली गीतसङ्गीतलाई पनि भारतका नेपाली भाषी तथा नेपाली सङ्गीतप्रेमीहरुमाझ पुर्‍याउन सारेगामा एचएमभीले पनि उताबाट प्रयास गर्ने मौखिक सहमति भएको रियाज म्युजिकले जनाएको छ । जसमध्ये दर्ुबईमा निकट भविष्यमा नै एउटा स्थानीय वितरक नियुक्त गरी नेपालीभाषीहरुबीच नेपाली गीतसङ्गीतको प्रचार प्रसार तथा विक्री वितरण गरिने जनाइएको छ ।

यो प्रयासले नेपाली गीतसङ्गीतलाई फाइदाजनक हुने भए त ठीकै छ, नत्र हिन्दी गीतको बजार विस्तृतीकरण मात्र हुने हो भने नेपाली सङ्गीतको भविष्य के हुने हो, त्यो चाहिँ भविष्यले नै बताउने छ ।

 
Click Here To Read Previously Posted Article    Click Here To Read Next Article          
 
More on Feature
Related Tags:
क्या बात ! रिलिज लुकेका कुरा प्रेम र विवाह गायिका कीर्तिमान तातोपीरो सङ्गीतकार कन्सर्ट रुचि उपलब्धि नेपाली तारा गायक गीतकार भिडन्त विचार हल्ला विवाद बजारमा पेज थ्री
Browse Tags in Other Group
 
 
Tags in Health
weight body-care seasonal-illness diet sleep skin stress food body-ache Psychology fatigue nutrition mental -health oral-health headache
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,