Home» Music »Feature

उदितनारायणकी बुहारी !
भर्खरै जुँगाका रेखी बस्न थालेका उदितनारायण झाका एक मात्र सुपुत्र आदित्यनारायण झा २० वर्षका मात्र भए । तर यो उमेरमै उनले पैसा कमाउन थालेका छन् । उनले जीटीभीको सारेगामा च्यालेञ्ज कार्यक्रम चलाउन थालेको चार महिना बढी भइसक्यो । तर हल्लाखल्ला शुरु भइसक्यो, कार्यक्रमकी सहभागी मौली दवेसँग यिनको सम्बन्ध झ्याँगियो भनेर ।

त्यसो त अत्याधुनिक विचारधाराका उदितपुत्र आदित्यले पनि आफूहरुबीचको सम्बन्धलाई लुकाएका छैनन् । भारतीय मनोरञ्जनका विभिन्न ब्लगहरुमा ती दुइको रोमान्स छरपष्ट भएका छन् । तर कार्यक्रमबाट आउट भईसके पनि यिनको रोमान्सको खबर
आउट भईसकेको छैन ।

बेलायतबाट भर्खरै पश्चिमा सङ्गीतमा स्नातक गरेर फर्किएका आदित्य र अमेरिकी एक विश्वविद्यालयबाट समाजशास्त्रमा स्नातक गरेकी मौली दवेबीचको रोमान्स सारेगामा च्यालेञ्जसम्म मात्र सीमित रहने धेरैको अनुमान छ । कारण ? कारण के भने कार्यक्रम सकिएपछि उनी अमेरिका नै फर्किने बढी सम्भावना रहेको छ ।

तर उनी सबैभन्दा राम्रो सम्भावना भएकी गायिका र उनले सारेगामामा पछिसम्म आफ्नो दबदबा बनाइराख्न सक्ने खुबी रहेका कारण उनी उत्कृष्ट पाँचमा परेकी छिन् । उनलाई केही बलिउडिया सिनेमामा गाउने अफरसमेत आइसकेका कारण अमेरिकाको फ्लोरिडास्थित घर परित्याग गरेर बलिउडमै डेरा जमाउन सक्ने सम्भावना पनि देखिएको छ । आदित्य र मौलीबीच फूर्सदका रमाइला क्षणहरुमा सँगै देखिने गरेका कारण दुवैबीचको सम्बन्धलाई लिएर हल्ला हुन थालेको हो ।

इण्डियन आइडोलबाट बल्ल फूर्सद पाएका उदितले आफ्नो छोरोको कार्यक्रम सञ्चालन खुबी हेर्न शुरुताका आफैँ सुटुक्क गएका थिए । कार्यक्रममा बुवा, आशा भोस्लेलाई सँगै पाएपछि उनी केही नर्भस भएको पत्रकारहरुलाई बताएका छन् ।

जब प्यार किसी से होता है, परदेशजस्ता हिट सिनेमामा समेत बालकलाकारका रुपमा अभिनय गरिसकेका आदित्यले थुप्रै नेपाली चलचित्रमा समेत गाइसकेका छन् । उनले केही दिनअघि सारेगम च्यालेञ्जमा आफूले नै गाएको एक गीतमा नाचेर सबैलाई चकित पारिदिएका थिए । उनको सबै चालामाला हेर्दा उनी भविष्यमा गायनभन्दा पनि अभिनयमै रमाउने देखिएको छ ।

उदित र दिपा पनि आफ्नो छोरो जे बने पनि उसकै इच्छामा भर पर्ने बताइरहेका छन् । तर आदित्यको प्रेम रोमान्सका बारेमा चाहिँ उनीहरु मौन छन् । किनभने उनीहरुलाई थाहा छ, रोमान्स गर्ने समय पनि यही नै हो । गम्भीरतापूर्वक लिइहाल्ने समय आइसकेको छैन ।

 
Click Here To Read Previously Posted Article    Click Here To Read Next Article          
 
More on Feature
Related Tags:
हल्ला विवाद रिलिज क्या बात ! प्रेम र विवाह लुकेका कुरा गायिका तातोपीरो रुचि उपलब्धि कीर्तिमान गायक कन्सर्ट सङ्गीतकार गीतकार पेज थ्री नेपाली तारा विचार भिडन्त बजारमा
Browse Tags in Other Group
 
 
Tags in Cinema
सेक्स अभिनेता अभिनेत्री सेलेब्रिटी रिलिज समारोह सुटिङ हल्ला पेज थ्री प्रविधि
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,