Home» Around the World »Weird and Interesting


डायना मृत्युमा जासूसको हात !

राजकुमारी डायना र उनको अरबपति प्रेमी डोडी फायदको निधनको एक दशकपछि राजकुमारी डायनाको मृत्यु दुर्घटनामा नभई नियोजित भएको खुलासाले बेलायत र संसारलाई नै हल्लाएको छ । शंकास्पद मृत्युको छानविन गर्ने जनताका तर्फाटका एक बहुचर्चित न्यायाधीश स्कट बेकरले डायनाको मृत्युको कारण दुर्घटना नभई नियोजित रहेको बताएपछि संसारभर यसको चर्चा हुन थालेको हो । उनले डायनाको मृत्युका लागि राजकुमार फिलिप र प्रख्यात जासूसी संस्था एमआई ६ संलग्न रहेको उनको आरोप छ ।

न्यायाधीश बेकरले बेलायती उच्च न्यायालयमा हालेको यस मुद्दामा उनले यो आरोप राजसंस्थालाई विवादमा मुछ्न र राजप्रासादका सदस्यलाई अदालतको कठघरामा उभ्याउने र तिनको बेइज्जती गर्ने उद्देश्य भन्दा पनि सत्य के हो जान्ने अधिकारका कारण यो मुद्दा हालिएको बताएका छन् ।

यो दुर्घटना थियो कि रचिएको षडयन्त्र भन्ने खुलासाका लागि एउटा समिति गठन गरिने भएको छ र यो समिति त्यतिबेला बनेको छ, जतिबेला यस दुर्घटनामा संलग्न अधिकांश व्यक्तिहरुको मृत्यु भइसकेको छ । त्यसो त दुर्घटनास्थल फ्रान्सका प्रहरी र लण्डन प्रहरीबीच यो एउटा कार दुर्घटना हो, यसका चालक हेनरी पलले रक्सी मज्जाले पिएका थिए, कारको गति महाद्रूत थियो र यो सुरुङ्गी बाटोमा ठोक्किएर नमज्जाले दुर्घटनाग्रस्त भएको थियो भन्ने कुरामा साधारणतया दुवैतर्फा प्रहरीहरु सहमत छन् । तर डोडीका पिता मोहम्मद फायदले यो घटनालाई पुनर्जीवित गरिएपछि पहिलो पटक मुख खोल्दै भने- "मलाई विश्वास छ, यो दुर्घटना होइन- यसमा राजपरिवारको ठूलो षडयन्त्र छ ।"

दुर्घटनामा कारका चालक पल, ३६ वर्षीया डायना र ४२ वर्षीय डोडीको तत्काल मृत्यु भएको थियो भने अंगरक्षक ट्रेभर रिज जोन्स मात्र बच्न सफल भएका थिए । डायनालाई चाहनेहरुले डायना बच्ने सम्भावना भए पनि उपचारका क्रममा व्यापक हेलचेक्र्याइँ भएको बताएका छन् ।

न्यायाधीश स्कट बेकरले सर्बियाली नेता स्लोबोदान मिलोसेभिकलाई यस्तै कार दुर्घटनाको नाटक रचेर बेलायती जासूसहरुले उनको हत्या गरेकाले डायनाको हत्या पनि सोही शैलीको हुने आशंका गरेका छन् । एक महिनाभित्र नै यस मुद्दाको किनारा लाग्ने आशा गरिएको छ । त्यतिञ्जेलसम्म तपाइँ पनि उनीहरुको हत्याको अनुमान गरिरहनुहोस् । खबर पाउने बित्तिकै हामी तपाइँहरुलाई जानकारी गराइहाल्नेछौँ ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
उदेकलाग्दो मुद्दा मामिला हलिउड मूर्ख्याइँ उदारता गुगल भव्यता परिस्थिति इन्टरनेट उपाय प्रविधि बलिउड विज्ञापन कीर्तिमान सुन्दरी फट्याइँ जनावर सेलेब्रिटी नग्नता श्रीमानश्रीमती
Browse Tags in Other Group
 
 
Tags in Misc
Books Home
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: