Home» Around the World »Weird and Interesting

योनीलाई पुनः डिजाइन गर्नुस्



तपाइँको वक्षस्थल राम्रो छैन भने यसलाई पुनः राम्रो बनाउने अनेकन उपायहरु भएको त थाहा पाउनु नै भएको होला तर तपाइँको योनीको आकार, प्रकार र आकर्षण समेत बनाउने नयाँ प्रविधिको विकास भएको कुरा चाहिँ थाहा नहुन सक्छ । आउनुहोस्, आज यसै विषयमा छक्क परौँ ।

बेलायती मेडिकल जर्नलमा प्रकाशित एक समाचार अनुसार महिलाहरुमा योनीलाई आकर्षक बनाउने नयाँ चलनको शुरुवात् भएको छ । प्लास्टिक सर्जरीबाट आफ्नो योनीलाई आकर्षक र लोभलाग्दो बनाउन महिलाहरु ज्यान दिएर लाग्ने गरेको उक्त जर्नलले बताएको हो । यसलाई 'ट्याब्लोइड' पत्रिकाहरुले नयाँ शब्द दिएका छन्- डिजाइनर भेजिनाज् ।

डिजाइनर भेजिनाज् वास्तवमा सजिलो सौन्दर्य सर्जरी होइन । यसमा जुन किसिमको क्रमबद्धताअनुरुप जानु पर्दछ, त्यसलाई इलेक्टिभ जेनिटोप्लास्टी भनिन्छ । यसमा योनीको बाहिरी भाग खुर्किइने वा आकारलाई परिवर्तन गर्ने गरिन्छ । योनीलाई छोट्याउने, योनी छोप्ने छालालाई खुर्किने वा त्यसलाई आकर्षक रुप दिने क्रम हुन्छ ।

रोचक के छ भने यो कठिन शल्यक्रियामा महिलाहरुको रुचि केही समययता बढ्दै जान थालेको छ । यस्तो किसिमको शल्यक्रियाले महिलामा हुने यौनप्रतिको रुचि र इच्छामा गम्भीर असर पार्ने देखिएको भए पनि महिलाहरुको रुचि निकै बढ्दै गइरहेको छ र यसले फेशनको आकार ग्रहण गरिसकेको छ ।

बेलायती मेडिकल जर्नलले उक्त कस्मेटिक सर्जरीपछि कस्ता किसिमका समस्या देखापरे भनेर अध्ययन गरिनुपर्ने र त्यस्ता समस्याप्रति गम्भीर रुपले छलफल हुन नसकेकोमा चिन्ता व्यक्त समेत गरेको छ । तर लण्डन गाइनोकोलोजिस्ट सराह क्रेग्टन र क्लिनिकल साइकोलोजिस्ट लि मेइ लिआओले चाहिँ त्यस किसिमको सर्जरीमा भाग लिएका महिलाहरुसँग कुराकानी गरी सानो किसिमको सर्भे गरेका छन् । जुन सर्भेअनुसार योनीको शल्यक्रियापछि आएको केही समस्याका कारण जीवनशैलीमा केही परिवर्तन आएको बताएका छन् । जसमध्ये, कसिला लुगा लगाउन अप्ठेरो हुने गरेको, साइकल चलाउन गाह्रो हुने गरेको, केही आसनका यौन क्रियाकलापमा अप्ठेरो हुने गरेको आदि समस्या बताएका थिए ।

जेनिटोप्लास्टीका लागि महिलाहरुले सामान्यतया विज्ञापन र यौनप्रधान भिडियो सामग्रीहरुलाई हेरी त्यसै अनुसारको बनाउनलाई जोड दिने गरेका छन् । यस्तो किसिमको सर्जरीले महिलाहरुको यौनइच्छालाई समेत प्रभावित पार्नसक्ने चिकित्सकहरुको राय छ । त्यसैले योनीलाई आकर्षक बनाउने धुनमा यौनइच्छालाई प्रभावित हुने गरी सर्जरी नगर्न चिकित्सकहरुको राय छ । तर पनि जुन किसिमले आकर्षक विज्ञापन हुन थालेको छ, त्यो विज्ञापनको प्रभावमा परेर दिनदिनै नयाँ नयाँ महिलाहरु आफ्नो यौनाङ्गलाई आकर्षक बनाउन ओइरिने गरेका छन् ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
प्रविधि सेक्स हलिउड मूर्ख्याइँ मुद्दा मामिला उदारता गुगल भव्यता परिस्थिति इन्टरनेट उपाय बलिउड विज्ञापन कीर्तिमान सुन्दरी फट्याइँ जनावर सेलेब्रिटी उदेकलाग्दो नग्नता
Browse Tags in Other Group
 
 
Tags in MUSIC
विवाद गायिका गायक कन्सर्ट हल्ला ट्रयाक बाहिर उपलब्धि लुकेका कुरा रिलिज परिस्थिति अवार्ड कीर्तिमान बजारमा क्या बात ! रुचि पेज थ्री प्रेम र विवाह समुद्रपार विचार नेपाली तारा गीतकार सङ्गीतकार तातोपीरो भिडन्त
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: