त्यसो त राजधानीमा हरेक साता कम्तीमा दुइ गीति एल्बम विमोचन भइरहेकै हुन्छन् । गएको शुक्रबार पनि एउटा गीति एल्बमको विमोचन गरियो । एल्बम 'क्रेजी ह्याट'लाई सञ्चारकर्मीद्वय भरत शाक्य र सहेन्द्र श्रेष्ठले सार्वजनिक गरेका थिए ।
सम्भावनायुक्त नयाँ गायकको जहिले पनि खाँचो हुन्छ । नेपाली सङ्गीत उद्योगमा प्रतिभा पलायन तीव्र गतिमा भइरहेको अवस्थामा प्रतिभासम्पन्न नयाँ गायकको प्रवेशलाई सकारात्मक रुपमा लिनुपर्ने हुन्छ । सुनील सिंह ठकुरी त्यस्तै नाममध्ये एक हुन पुगेका छन् ।
कार्यक्रममा सुनीलले आफूले नै निर्देशन गरेको 'छोडिदेऊ मेरो साथ...' म्युजिक भिडियो पनि प्रदर्शन गरिएको थियो भने कार्यक्रमलाई रोचक बनाउन उनले गीत गाए । साथमा उनलाई म्युजिक भिडियोमा अभिनय गरेका मोडलहरुले नाचेर सघाएका पनि थिए ।
