Home» Television »Feature

नेपाली तारा फेरि पुरुष हुने



नेपाली टेलिभिजनको वृहद् गायन रियालिटी शो नेपाली तारा यस पटक पनि पुरुष नै हुने निश्चित भएको छ । बुधबार भएको घोषणा र शुक्रबार नेपाल टेलिभिजनमा प्रसारण हुने कार्यक्रममा यो निश्चित भएको हो ।

नेपाली ताराकी एक मात्र प्रतिस्पर्धी रोजिना गुरुङ अन्य पुरुष प्रतिस्पर्धीहरुबाट पछि परेपछि बुधबार कार्यक्रमबाट बाहिरिएकी हुन् । अब प्रतिस्पर्धामा पाँच जना युवाहरु मात्र बाँकी रहेका छन् ।

तारा लक्सम लिम्बु, सूर्यकिरण लामा, युवराज तिवारी, राज सागर र सन्तोष लामा बाँकी रहेपछि यी पाँच बीच अब तीव्र प्रतिस्पर्धा हुनेछ ।

नेपाली ताराको यो अङ्कमा पाँच प्रतिस्पर्धीहरुले राष्ट्रिय भावनाले ओतप्रोत गीतहरु गाएका थिए । जसलाई दीपक जङ्गम, मुरलीधर र तारा थापाजस्ता निर्णायकहरुले ती प्रतिस्पर्धीको गायन क्षमताको परख गरेका थिए । सङ्गीतकार राम थापा कार्यक्रम स्थलतर्फ आउँदै गर्दा मोटरसाइकल दुर्घटनामा परेका कारण थापा कार्यक्रमस्थलमा आउन नसकेपछि मुरलीधर र तारा थापालाई अतिथि निर्णायकका रुपमा निम्त्याइएको थियो ।

नेपाली ताराको उत्कृष्ट पाँचमा पर्ने बित्तिकै पोखराका युवराज तिवारीलाई चिठ्ठा परेको छ । पोखरामा प्रशान्त तामाङको लाइभ कर्न्र्सटमा उनलाई पनि गाउने निम्तो त थियो, तर उनीसँगै कर्न्र्सटमा भाग लिन उनी नेपाली तारामा उत्कृष्ट पाँच भित्र पर्नैपर्ने आयोजकहरुको शर्त थियो । उनी उत्कृष्ट पाँच भित्र परेपछि उनले पोखरेलीहरुलाई प्रशान्तसँगै मनोरञ्जन दिन पाउने भएका छन् ।

यता उत्कृष्ट पाँचमा पर्नबाट बञ्चित भएकी रोजीनाले भने आफूले यस कार्यक्रमबाट धेरै कुरा पाएको र भविष्यमा सङ्गीत नै आफ्नो कार्यथलो हुने जानकारी गराएकी थिइन् ।

 
Click Here To Read Previously Posted Article    Click Here To Read Next Article          
 
More on Feature
Related Tags:
रियालिटी शो हल्ला र वास्तविकता भीडबाहिर अभिनेत्री अभिनेता निर्माता श्रृङ्खला नयाँपन रमाइलो विदेशमा भित्री कुरा
Browse Tags in Other Group
 
 
Tags in City Updates
crisis events hi-life अनुभव festival celebrity माओवादी मोबाईल streets पेट्रोल समलिङगी सेलेब्रिटी हल्ला awards संविधानसभा
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,