Home» City Life »Updates

फोहोरको फोहोरी खेल



काठमाडौँ कति संवेदनशील छ भने ओखरपौवामा कसैलाई झाडापखाला लाग्यो भने काठमाडौँबासीको नाक थुन्नुपर्ने हुन्छ । कुरा अलि बुझ्नु भएन होला ! कुरा काठमाडौँको फोहोरका बारेमा हो । केही दिनयता काठमाडौँमा फोहोर थुप्रिएको थुप्रियै छ । काठमाडौँ महानगरपालिकाले फोहोर व्यवस्थापन गर्ने ठाउँ (डम्पिङ साइड) ओखरपौवा (धादिङ) मा त्यहाँका स्थानीय वासिन्दाहरुले फोहोर फ्याल्न रोक लगाएपछि फोहोर सडकमा अलपत्र परेको हो । सडकमा अलपत्र परेको फोहोर यति ज्याद्रो छ कि जतिसुकै नाक थुने पनि जबरजस्ती घुस्ने प्रयास गर्छ । फोहोर थुप्रिएको ठाउँमा हिँड्ने जस्तासुकै पराक्रमी व्यक्तिहरु पनि नाकको प्वाल जोगाउन थालिहाल्छन् ।
 
काठमाडौँबासीको नाकको लम्बाइ नाप्न बारम्बार बाध्य पार्ने ओखरपौवाबासीले सभ्य काठमाडौँलीहरुलाई एउटा गतिलो व्यङ्ग गरिरहेका छन्- तिमीहरु बाहिरबाट हर्ेदा मात्र सुकिला छौ । दैनिक यत्रो फोहोर कसरी निकाल्न सकेका !
 
काठमाडौँ महानगरपालिकाको फोहोर व्यवस्थापन गर्ने अधिकारीहरु पनि साह्रै मेघावी छन् । तिनले फोहोर व्यवस्थापनको दीर्घकालीन उपाय निकाल्न सकेका छैनन् । तर पनि लाज पचाएर जागीर खाइरहेका छन् । तिनले ओखरपौवाको छत्रेदेउरालीका वासिन्दाहरुका लागि गर्नुपर्ने विकासका कार्यक्रमहरु गरिदिएका छैनन् भनेर फोहोर फाल्न निषेध गरेका हुन् । तिनलाई नगरपालिकाहरु ललितपुर र काठमाडौँ तथा स्थानीय विकास मन्त्रालयले संयुक्त रुपमा वाषिर्क ८० लाख रुपियाँ दिनुपर्ने थियो तर विभिन्न कारण देखाई त्यो रकम उनीहरुले पाउन सकेका छैनन् । खासमा मन्त्रालयको ढिलासुस्तीका कारण फोहोर बन्द गर्नुपरेको बन्दका आह्वानकर्ताको भनाइ छ ।
 
यो बन्दले एक पटक काठमाडौँबासीलाई सोच्न बाध्य पारेको छ- धेरैजसो फोहोरलाई घरभित्रै व्यवस्थापन गर्ने बानी बसालौँ र त्यसलाई मल बनाइ बारीमा उपयोग गरौँ । बाल्न मिल्ने फोहोरलाई बालौँ र बाँकी बचेखुचेको फोहोर मात्र बाहिर निकालौँ । काठमाडौँका तीस लाख जनताले यो उपाय अपनाए भने आधा समस्या समाधान हुनसक्छ ।


 
Click Here To Read Previously Posted Article    Click Here To Read Next Article          
 
More on Updates
Related Tags:
streets संविधानसभा crisis अनुभव awards पेट्रोल सेलेब्रिटी हल्ला hi-life festival माओवादी मोबाईल समलिङगी events celebrity
Browse Tags in Other Group
 
 
Tags in MUSIC
विवाद गायिका गायक कन्सर्ट हल्ला ट्रयाक बाहिर उपलब्धि लुकेका कुरा रिलिज परिस्थिति अवार्ड कीर्तिमान बजारमा क्या बात ! रुचि पेज थ्री प्रेम र विवाह समुद्रपार विचार नेपाली तारा गीतकार सङ्गीतकार तातोपीरो भिडन्त
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: