Home» Music »Feature

"हो, पश्चाताप चोरेर मलाई पश्चाताप भएको छ"
: दिव्य सुब्बा



सानो उमेर तर ख्याति ठूलो । यसो भन्दा अहिलेका चर्चित युवा गायक दिब्य सुब्बालाई बढी भनेको ठहरिन्न । किनभने पहिलो एल्बमबाट नै नाम र दाम दुवै पाउने दिब्य सुब्बाको प्रख्याति यसबाट नै थाहा हुन्छ कि उनको दोस्रो एल्बम तयार नहुँदै सम्झना अडियो भिडियोले राम्रो दाममा किनिसकेको थियो । यी गायकले केही सफलताको मीठो र केही विवादका तीतोपन पनि चाखिसकेका छन् । आज हामी यिनै गायकसँग उनको साङ्गीतिक जीवनको सेरोफेरोमा रहेर कुराकानी गर्नेछौँ ।

दिव्य सुब्बा सङ्गीतमा कसरी तानिए भन्ने तपाइँको जिज्ञासा छ भने एउटा उखान चरितार्थ हुन्छ उनको जीवनमा । त्यो उखान हो, सङ्गीत मानिसको रगतमा हुन्छ र यदि तपाइँको परिवारमा यो छ भने तपाइँसँग पनि मिसिएर आउनेछ । अर्थात् उनको परिवारमा उनका बाबा स्वर्गीय केवल सुब्बा त्यस्ता गायक थिए, जसको पर्याप्त चर्चा हुनै नपाई उहाँको देहान्त भयो । हुन त पिता केवल सुब्बा गाउनेभन्दा पनि बजाउने कुरामा बढी चासो दिनुहुन्थ्यो, तापनि उहाँले गाएका छिरिङमा दोर्जे मेरो नाम..., सोल्टिनी भनी बोलाको...., ओम माने पेमे....जस्ता गीत त्यतिबेलाका हिट गीत हुन् । उहाँले 'विरानो मान्छे' नामक गीति एल्बम पनि बजारमा ल्याउनु भएको थियो । तर छोरा दिव्य सुब्बाको लोकप्रियताको रमाइलो महसूस गर्न नपाई उहाँको देहान्त भयो ।

सानो छँदा आफ्ना बुवाले देखाएका कतिपय बाटा र सिकाएका कतिपय सरगम उनलाई यतिबेला काम लागेको छ । उनी ठान्छन्, उनको व्यसायिक सफलता र गायकीको मीठास आफ्नो स्वर्गीय पिताको उत्साहको नतिजा हो । आउनुहोस्, उनै गायकसँग आज हामी भलाकुसारी गरौँ-

नामः दिव्य सुब्बा
बुवाः केवल सुब्बा
आमाः रमा सुब्बा
बसोबासः कोटेश्वर
जन्मः २४ सेप्टेम्बर
जन्मस्थानः धरान
स्कुलः तीन चार वटा चेञ्ज गर्नुपर्‍यो । ५ कक्षा सम्म धरान र त्यसपछि काठमाडौँ ।

कुराकानी बच्चाबेलादेखि नै गरौँ, तपाइँको बुवा सुब्बा र आमा चाहिँ नेवार । यस्तो अवस्थामा तपाइँहरुको पारिवारिक जीवनमा सामाजिक अप्ठेरो केही भोग्नु पर्‍यो ?
म सानै भएकाले त्यस्तो अप्ठेरोको मलाई महसूस नै भएन ।

तपाइँ बालककालमा कस्तो व्यक्ति हुनुहुन्थ्यो ? छुच्चो कि शान्त ? पढाइमा ध्यान दिने कि बदमास ?
ठीकैको । किनभने मलाई त्यस्ता बदमासीहरु अहिले याद छैनन् । पढाइमा पनि राम्रै थिएँ ।

तपाइँले त निकै स्कूल चेञ्ज गर्नु भयो नि, किन ?
ममी पापाहरु काठमाडौँ सिफ्ट भएपछि मैले पनि दुइ तीन वटा स्कूल चेञ्ज गर्नुपर्‍यो । खासगरी हामी धरानबाट काठमाडौँ चाहिँ ब्रि्रुँला कि भनेर र्सर्नु भएको थियो । किनभने त्यहाँ धेरै सङ्गत चाहिँ लाहुरेका छोराछोरीसँग थियो । उनीहरुको सङ्गतमा म ब्रि्रुँला भन्ने पीर पनि थियो क्यारे !

कुनबेला तपाइँलाई अनुभव भयो, म पनि बुवाजस्तै सङ्गीतकर्ममा लाग्छु भनेर ?
बाबाले मलाई विभिन्न सरगमहरु सिकाउनु हुन्थ्यो । उहाँले नियमित रियाज गराउनु हुन्थ्यो । तर त्यतिबेला मलाई म सङ्गीतमा लाग्छु होला जस्तो चाहिँ लाग्दैनथ्यो ।

तपाइँले बुवाले चर्चा नपाउनुमा मिडियाको कमी भन्नु भयो, चर्चा पाउन मिडिया हुनु पर्छ प्रतिभा हुनुपर्छ ?
दुवैको कमी हो । उहाँले एल्बम निकाल्नु भएको थियो, केही गीत हिट पनि थिए तर उहाँलाई धेरैले चिन्दैनथिए । उहाँको जस्तो प्रतिभा र अहिलेको जस्तो मिडिया भएको भए, उहाँ अहिलेको नाम चलेको सङ्गीतकर्मीका रुपमा चिनिनु हुने थियो ।

पहिलो पटक सार्वजनिक रुपमा कहिले गाउनु भएको थियो ?
गाएको चाहिँ होइन, मैले बजाएको थिएँ । तर त्यसले मलाई भीडका अघिल्तिर उभिने हिम्मत दियो । यो हिम्मतकै कारण पछि गाउन थालेँ । त्यसबेलाका गायकी उति राम्रो नभए पनि पाएको पोजिटिभ रेस्पोन्सले मलाई हौसला दियो ।

एउटा गायकले शास्त्रीय सङ्गीत सिक्न जरुरी छ कि छैन ?
उसको रुचिको कुरा हो यो चाहिँ । किनभने कोही शास्त्रीय सङ्गीत नसिकी पनि हिट भएका छन्, राम्रा गायकका रुपमा परिचित छन् भने कोही भने शास्त्रीय सङ्गीत सिकेर पनि हिट हुन सकेका छैनन् र त्योभन्दा ठूलो कुरा गायकी जमाउन सकेका छैनन् । तर मेरो निजी विचारमा यो राम्रो कुरा हो । आज कतिपय राम्रा चिजहरु मैले शास्त्रीय सङ्गीत सिकेका कारणले नै प्रयोग गर्न सिकेको छु । मलाई बाबाले बिहान बिहान रियाज गर्न नलगाउनु भएको भए या डोरेमी सङ्गीत विद्यालयमा नहालिदिनु भएको भए, म अपूरो गायक हुन्थेँ । जे होस्, धेर होस्, थोर होस्, मलाई शास्त्रीय सङ्गीतबारे जानकारी छ ।

आजको दिनमा गायक हुनुको फाइदा के छ ?
तपाइँले राम्रो काम गर्नु भयो भने चाँडै चर्चा पाउन सक्नु हुन्छ । बाबाको विरानो मान्छे नामको एल्बम निस्किएको थियो तर पछिसम्म म आफैँलाई यो कुरा थाहा थिएन । अझै पनि कतिपय व्यक्तिहरुले बुवाका हिट गीतहरुको रुपमा छिरिङमा दोर्जे मेरो नाम..., सोल्टिनी भनी बोलाको..., ओम माने पेमे...जस्ता गीतलाई चिनाउँछन् । आजको मितिमा ती गीत गाइएका भए उहाँ लोकप्रिय गायकका रुपमा चिनिनु हुन्थ्यो भन्ने लाग्छ ।

पहिलो गीत कुनबेला रेकर्ड भयो ?
म मुस्किलले १३/१४ वर्षो थिएँ त्यतिबेला । फूर्सदको समयमा बाबाले लेख्नु भएको र म्युजिक दिनुभएको गीत सुनसान रातमा... रेकर्ड गरेको थिएँ । त्यो बेला नमस्ते स्टुडियो निकै चल्तीमा थियो । त्यहीँ रेकर्ड गरेको थिएँ । गीत त मलाई मन परेको थियो । तर कुनै पनि एफएममा बजेन ।

अनि एल्बम निकाल्ने योजना चाहिँ ?
जब एसएलसी सकेँ, मैले पहिले नै योजना बनाइसकेको थिएँ कि अब एल्बम निकाल्नु पर्छ । त्यो योजनाअनुसार मैले गीत रेकर्ड गरेँ । २०६० मा नै एल्बम निकाल्नु पर्ने थियो तर यति दुःख पाइयो कि एल्बम तीन वर्षपछि मात्र निस्कियो ।

कस्तो दुःख ?
कम्पनीले कहिले के भन्ने कहिले के भन्ने ! एल्बम निकाल्न पनि यति सय सीडी किन भनेर दवाव दिने । भिडियो पनि आफैँ बनाउनु भन्ने । यसले गर्दा त म फस्ट्रेट भइसकेको थिएँ । यसैबेला, अग्लीज ब्याण्डको पहिलो एल्बम 'रस' निस्कियो, हिट पनि भयो । यही कम्पनीमा एक पटक गएर प्रस्ताव राख्नु पर्‍यो भनेर गएको थिएँ । उहाँले सीडी राख्नु भयो र पछि कन्ट्याक्ट गरौँला भन्नुभयो । खासमा मैले सितु डिजिटलको नाम पनि सुनेको थिइनँ । तर उहाँहरुले नै एल्बम निकाल्ने र भिडियो बनाइदिने प्रस्ताव राख्नु भयो ।

ज्यादै खुशी लाग्यो होला, हगि ?
ज्यादै ! त्यसको त बयानै गर्न सकिन्न ।

त्यो भन्दा पनि खुशी त एल्बम चलेपछि भयो होला ?
एल्बम निस्किएको दुइ तीन महिनासम्म त मैले केही रेस्पोन्स पाइनँ । तर पछि भिडियो हिट भयो, त्यसपछि चाहिँ बजारको रेस्पोन्स पनि राम्रै पाएँ । मेरो केसमा चाहिँ मिडियाले भन्दा श्रोताले हिट गराउँदा रहेछन् ।

तर एल्बम हिटसँगै अवार्ड पनि पाउनु भयो, दुवै हातमा लड्डु, होइन त ?
अँ इमेज अवार्डमा बेस्ट न्यू आर्टिष्टमा अवार्ड पाएको थिएँ । यता एल्बमको बिक्री पनि राम्रो थियो । तपाइँले भनेजस्तै दुवै हातमा लड्डु चाहिँ थियो त्यसबेला ।

तर त्यही एल्बमको पश्चाताप भन्ने गीत त तपाइँले चोरेको मेलोडी र ट्यून पर्‍यो भन्ने हल्ला आयो नि ?
साँचो कुरा त साँचो भन्नु पर्‍यो । मैले पश्चाताप गीतको मेलोडी चोरेकै थिएँ । मिडियामा मैले त्यही भनेँ ।

कसरी यो मेलोडी पाउनु भयो ?
एक पटक म हंगकंग जाँदा मेरी एक जना भाउजू फिलिपिनो हुनुहुन्थ्यो । उहाँले मलाई धेरै गीत सुनाउनु हुन्थ्यो त्यहाँको । ती धेरैमध्ये यो गीतको ट्यून चाहिँ मेरो हृदयमा बस्यो । पछि मैले अनेक शब्द त्यो मेलोडीसँग मिलाउने प्रयास गरेँ । यो गीत मैले सबैभन्दा लास्टमा रर्ेकर्ड गरेको थिएँ । मलाई थाहा थियो, यसले सबैलाई छुन्छ । त्यसैले पनि चोरिएको ट्यून भए पनि आफ्नो करियरका लागि मैले बदमासी गरेँ । तर यही गीतले म चर्चामा आउँला भन्ने लागेको चाहिँ थिएन । यो चर्चा मैले सोचेभन्दा बढी थियो । तर सँगसँगै के लाग्छ भने यो एल्बम हिट नभएको भए, मैले यो मेलोडी चोरेको थिएँ वा थिइनँ भन्ने कुराको चर्चा पनि हुने थिएन होला ।

हिट भइएपछि दवाव हुन्छ रे नि हो ?
मलाई बाबाले पहिले यो कुरा भन्नुहुन्थ्यो, हिट हुनु ठूलो कुरा होइन, तर हिट भइरहन र सस्टेन हुनु ठूलो कुरा हो । त्यतिबेला मलाई बडो वाहियात कुरा लाग्थ्यो । अहिले म उहाँलाई झल्झली सम्भिmरहेको छु । अहिले मलाई त्यही कुरा लागू भइरहेको छ । गीत र एल्बम दुवै हिट भएपछि एक किसिमको दवाव बोकेर गायक हिँडिरहेको हुन्छ । त्यो दवाव सामाजिक हुन्छ, स्ट्याटसको हुन्छ, आर्थिक हुन्छ ।

अहिले त निकै पछि दोस्रो एल्बम निकाल्नु भएछ, त्यो पनि कम्पनी चेञ्ज गरेर ?
अँ, मलाई सितु डिजिटलले भन्दा सम्झना अडियो भिडियोले राम्रो 'डिल' दिएकाले कम्पनी चेञ्ज गरेको हुँ । हामीजस्तो गायकको आयु थोरै हुन्छ । हिट भएको बेला राम्रोसँग 'डिल' गरिएन भने जीवनभर थक्क थक्क भइन्छ । यदि कम्पनीले हामीबाट फाइदा लिन्छ भने हामीले पनि कम्पनीबाट चाहिँदो फाइदा लिनु पर्छ । त्यही भएर मैले कम्पनी चेञ्ज गरेको हुँ ।

पहिलो एल्बमभन्दा यो दोस्रो एल्बम परम्परा के अर्थमा भिन्न छ ?
पहिलो एल्बम मेरो सिर्जना वा मेरो बुद्धिको प्रतिफल हो । यो मेरो मात्र बुद्धिको परिणति हो । तर दोस्रोमा चाहिँ यसमा धेरै जनाको बुद्धि, योग्यता, क्षमता र सिर्जना हालेको छु । मेरो एकल बुद्धि मात्र छैन । त्यसैले मलाई विश्वास छ, यो पहिलो भन्दा तगडा हुन्छ । अर्को कुरा चाहिँ यसमा मैले जुन क्वालिटी दिने प्रयास गरेको छु, त्यो पहिलोभन्दा निकै 'बेटर' छ । कस्तो भने, यसमा पहिलेको भन्दा राम्रो म्युजिक छ, राम्रो लिरिक छ र राम्रो स्वर बनाउने प्रयास गरेको छु । र, यो परम्परागत म्युजिकभन्दा फरक छ- रेगुलर छैन । यो फरक भएकाले शुरुमा सुन्दा नपच्न पनि सक्छ । मलाई थाहा छ, नयाँ कुरा पचाउन गाह्रो हुन्छ ।

भविष्यसम्म सङ्गीत क्षेत्रमा भइन्छ कि विदेश जाने योजना छ ?
विदेश जाने मेरो कुनै योजना छैन । मेरो पहिलो र अन्तिम अप्सन नै नेपाल र नेपाली म्युजिक हो । त्यसैले मैले अन्य कुरा सोचेको छैन । मैले एक पटक हंगकंगको आइडीका लागि प्रयास गरेको थिएँ तर असफल भएँ । अब नेपाल नै मेरो सबैथोक र सबैथोक नै नेपाल हुन पुगेको छ ।

नयाँ एल्बमको लागि के काम हुँदैछ त ?
म नयाँ एल्बम पाइरेसी नहोस् भन्ने कुरामा निकै सचेत छु र अबका छ महिना यसैविरुद्ध विभिन्न स्कुल तथा कलेजमा गएर विद्यार्थीहरुलाई हौस्याउँदैछु । भिडियो पनि बन्दैछ । र, शायद यसले मलाई निराश बनाउने छैन ।

 
Click Here To Read Previously Posted Article    Click Here To Read Next Article          
 
More on Feature
Related Tags:
रिलिज गायक लुकेका कुरा क्या बात ! प्रेम र विवाह कीर्तिमान गायिका तातोपीरो रुचि सङ्गीतकार कन्सर्ट नेपाली तारा उपलब्धि हल्ला गीतकार विचार भिडन्त पेज थ्री बजारमा ट्रयाक बाहिर
Browse Tags in Other Group
 
 
Tags in Cinema
सेक्स अभिनेता अभिनेत्री सेलेब्रिटी रिलिज समारोह सुटिङ हल्ला पेज थ्री प्रविधि
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,