Home» Television »Feature

१ से १ उज्ज्वल



'उज्जु डार्लिङ'को सफलतापछि टेलिभिजनमा उज्ज्वल भण्डारीको अर्को धमाका जारी छ । कान्तिपुर टेलिभिजनमा बिहीबार ७:३० मा प्रसारण भइरहेको '१ से १' को चर्चा अहिले चुलिँदो छ ।

बजारमा अहिले हास्य श्रृङ्खलाहरुको भीड छ । टेलिभिजनहरुले पनि हास्य श्रृङ्खला भनेपछि हात हातै किन्ने गरेका छन् । विज्ञापनदाताहरुले पनि तिनलाई विज्ञापन दिन कञ्जुस्याइँ गर्दैनन् । त्यसैले अहिले हास्य श्रृङ्खलाको बाढी नै आएको छ । "अहिलेको अवस्थामा कुनै सिरियल आउनु ठूलो कुरा होइन, तर टिक्नु र मनोरञ्जन दिलाउनु ठूलो कुरा हो", एक से एकका निर्माता तथा कलाकार उज्ज्वल भण्डारीको भनाइ छ ।

बजारमा देखिएका कमेडी सिरियलहरु 'चीप' पनि छन् । तर एक से एक त्यो भीडमा अलग देखाउन सफल भएका छन् । श्रृङ्खलालाई प्रदीप भट्टराईले निर्देशन गरिरहेका छन् ।

तीतो सत्य, मेरी बास्सै जस्ता नेटीभीका केही श्रृङ्खलाजस्तो चालु राजनीतिक वा सामाजिक विषयवस्तुमा व्यङ्ग्य गरिरहेका बेला यसले चाहिँ बढी समाजका कुरीतिमाथि व्यङ्य गरिरहेको छ । "कुनै घटनाबाट हामीले दर्शकहरुलाई सचेत बनाउने काम गरिरहेका छौँ," उज्ज्वलको भनाइ छ- "जस्तो कि एउटा भाग घूसको लेनदेनसबन्धी छ । यसले घूसको नकारात्मकता र देशलाई यसले पार्ने प्रभावका बारेमा हास्य किसिमले प्रस्तुत गरिएको छ । जुन हेरेपछि धेरैको अक्कलमा घाम लाग्न सक्छ ।"

वर्ल्ड भिजनको प्रस्तुतिमा कान्तिपुर टेलिभिजनले प्रसारण गरिरहेको यस श्रृङ्खलामा उज्ज्वल भण्डारी, राजु भुजु, सेबिना, सुदीप बासकोटा, शिरोमणि दवाडी आदिको अभिनय हेर्न सकिनेछ ।

करेन्ट अफेयर हामी किन देखाउँदैनौँ भने यसको रिसेल भ्यालु हुँदैन । युनिभर्सल सब्जेक भयो त्यो । हरेक कुरा सरकारको सकारात्मक कुराहरु पनि देखाउँछाै ।

कार्यक्रमको लोकप्रियता अहिले बढिरहेकोमा सन्तोष व्यक्त गर्छन्, उज्ज्वल । "यही चिज नेटीभीमा आएको भए व्यापक चर्चा हुन्थ्यो होला, तर कान्तिपुरको पनि 'मह'पछि सबैभन्दा बढी हेरिने श्रृङ्खलामा गनिन पाएकोमा सन्तुष्ट छु", उज्ज्वल बताउँछन् ।

धेरै श्रृङ्खलाका कथा छैनन् । मुख कुच्याएर दर्शक हँसाउने कुराका विरोधी भएका हुनाले पनि एउटा विशेष कथालाई गुँथेर उनले दर्शकलाई हसाइरहेका छन् । जसमा लक्ष्मीप्रसाद नामका लोभी र छोट्टा घरबेटी बा र उनको घरमा डेरा बस्न आइपुगेका डेरावाल दिलबहादुरबीचको कथा अगाडि बढाइएको छ । लक्ष्मीप्रसाद कतिसम्म कञ्जुस छन् भने, उनको घरमा डेरा बस्ने जोकोहीलाई नुहाउन १ बाल्टिन पानी, पूरै घरमा एउटा मात्र बाथरुम, लुगा धुनका लागि २ बाल्टिन पानी दिने चलन छ । कहिलेकाहीँ पखाला चले १ लिटर पानी सित्तैमा दिने र अलि बढी विरामी हुँदा सिटामोल खान १ गिलास पानी सित्तैमा दिने चलन छ । यस्तो घरमा डेरा बस्न आइपुग्नेहरुको कथालाई रोचक पारामा पस्किरहेका छन् ।

रोचक त के हुन्छ भने उनको डेरावाल दिलबहादुर (राजु भुजु) लक्ष्मीप्रसादको कार्यालयका हाकिम हुन् र लक्ष्मीप्रसाद चाहिँ त्यस कार्यालयका टाइपिस्ट ! दिलबहादुरले घरमा पाएको सास्तीको बदला यहीँ अफिसभित्र लिने गर्छन् ।

श्रृङ्खलाको लोकप्रियता बढ्दै जाँदा यसको कथा झन् रोचक बनाउने तयारीमा छन् निर्माता भण्डारी । "अब हामी गाउँ जाने तयारीमा छौँ । कथा गाउँ लगेपछि अझ रोचक र दर्शकहरुलाई मरिमरि हँसाउन सकिन्छ भन्ने हामीलाई लागेको छ", योजना सुनाउँदै उनले थपे ।

तपाइँले कतै छुटाउनु भयो कि ?

 
Click Here To Read Previously Posted Article    Click Here To Read Next Article          
 
More on Feature
Related Tags:
श्रृङ्खला भीडबाहिर हल्ला र वास्तविकता रियालिटी शो अभिनेत्री रमाइलो अभिनेता नयाँपन विदेशमा निर्माता भित्री कुरा
Browse Tags in Other Group
 
 
Tags in Work and Office
meetings time value training skill development interview deadline work psychology sex fun and humor co-workers
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,