Home» Music »Feature

जोहेबको नयाँ फड्को



जोहेब मानन्धरलाई तपाइँले पप गायकका रुपमा मात्र चिन्नु भएको भए अब त्यो गलत पनि हुनसक्छ । ९ कक्षा पढ्दापढ्दै गीत रेकर्ड भ्याएका ३१ वर्षे तन्नेरी गायक अब आफैँ सङ्गीत कम्पनी खोल्ने तयारीमा छन् ।

"केही साथीहरुसँग यस विषयमा छलफल चलिरहेको छ", जोहेबले भने- "मिल्यो भने यसै वर्षभत्र सङ्गीत उद्योगमा नयाँ कम्पनीको जन्म हुनेछ ।"

त्यसो त कुनै गायकले सङ्गीत कम्पनी खोलेको यो नयाँ भने हुने छैन । सम्झना अडियो भिडियोका रमन सिंह, रियाज म्युजिकका लगानीकर्ता सुमन श्रेष्ठ, श्री म्युजिकका चन्द्र दोङ तामाङ, सुरताल म्युजिकका आलोकश्री, राजन मुकारुङ, ... यस्ता नामको एउटा गतिलै सूचि तयार हुन सक्छ ।

यी कलाकारको साझा अनुभूति चाहिँ कम्पनीले चाहिँदो सहयोग नगरेकोमा चित्त दुखाइ नै हो । आफ्ना एल्बमको बजारमा नाम भए पनि उचित दाम पाउन नसकेको रिस साँध्न कतिपयले कम्पनी खोलेका छन् ।

"तर मेरो त्यस्तो केस भने होइन", स्पष्टीकरणको लवजमा जोहेब भन्छन्- "मलाई के लाग्यो भने अन्य कम्पनीहरु अहिले सुस्ताइरहेका छन् र सङ्गीत उद्योगमा उनीहरुले पुर्‍याउनु पर्ने जुन योगदान छ, त्यो कम भइरहेको छ ।"

जोहेबलाई व्यापारको राम्रै अनुभव छ । केही फूर्सदिला वर्षहरुमा उनले सङ्गीतलाई माया मारेर दुबईमा रेष्टुराँसमेत चलाए । त्यहाँ नेपाली सङ्गीत र मनोरञ्जन प्रति दर्शक श्रोताको माया देखेर उनी भाव विभोर भएका छन् । त्यहाँको अनुभव र यहाँको मिहिनेत मिल्न सकेको खण्डमा मनोरञ्जन उद्योगमा सानो योगदान गर्न सकिने सम्भावना उनले देखेका छन् । "यो त्यही सम्भावनाको दोहन गर्ने प्रक्रिया हुनसक्छ", जोहेबले भने- "जुन अन्य कम्पनीको भन्दा फरक 'एप्रोच' भएकाले शायद म बजारमा टिक्न सक्छु ।"

त्यसो त नेपाली सङ्गीत उद्योगमा केही क्रान्तिकारीहरु परिवर्तनको सम्वाहक भएर नआएका पनि होइनन्, तर समयक्रममा ती हराए पनि ! मूनलाइट रेकर्ड्स् कलाकारको दाम ह्वात्त बढाउनका लागि चर्चित रह्यो भने सम्झना अडियो भिडियो कलाकारहरुलाई लोकप्रिय बनाउन भूमिका खेल्ने संस्था बन्यो । मूनलाइटको अहिले अस्तित्व छैन भने सम्झना अडियो भिडियो लगभग निस्क्रिय बनेको छ । यस्तो अवस्थामा नयाँ सोच र जाँगर बोकेर यदि जोहेब आए भने सम्भव होला त ? भन्ने आशंका नउब्जिने पनि होइन ।

तर जोहेबले बुझेको सत्यलाई उद्योगले त्यत्तिकै उपेक्षा गर्न पनि त सक्तैन !
- अच्युत कोइराला

 
Click Here To Read Previously Posted Article    Click Here To Read Next Article          
 
More on Feature
Related Tags:
ट्रयाक बाहिर गायक रिलिज सङ्गीतकार समुद्रपार लुकेका कुरा क्या बात ! कीर्तिमान तातोपीरो अवार्ड नेपाली तारा उपलब्धि प्रेम र विवाह भिडन्त विचार पेज थ्री रुचि गायिका गीतकार कन्सर्ट
Browse Tags in Other Group
 
 
Tags in MUSIC
विवाद गायिका गायक कन्सर्ट हल्ला ट्रयाक बाहिर उपलब्धि लुकेका कुरा रिलिज परिस्थिति अवार्ड कीर्तिमान बजारमा क्या बात ! रुचि पेज थ्री प्रेम र विवाह