Home» Cinema »Review

आँधितुफान, नाम मात्रको !

आज बिहान बिहीबार (२० डिसेम्बर) को काठमाण्डू पोष्टमा खबर थियो- अपहरित उद्योगपति महेश मुरारकाको अहिलेसम्म अत्तोपत्तो छैन । अपुष्ट खबरअनुसार मुरारका परिवारलाई अपहरणकारीहरुले करोडौँ असुलीका लागि फोन गरेका थिए तर परिवारजनले पैसा घटाएर एक करोडमा झारे !

यसैबीच यो साता तराईमा पाँच भिन्न अपहरणका घटना घटेका छन्, जसमध्ये दुइ जनाको गोली हानी हत्या गरिसकिएको छ र बाँकीको स्थिति अज्ञात मानिएको छ ।

यस्तो अवस्थामा अपहरण र यसभित्रको अर्थनीतिका विषयमा चलचित्रकर्मी मौनता श्रेष्ठले 'आँधितुफान'को निर्माण तथा लेखन गरेका छन् । चलचित्रलाई निर्देशन गरेका छन्, महेन्द्र बुढाथोकीले ।

यो चलचित्र अंग्रेजी 'चार्लिज एञ्जेल्स'बाट नक्कल गरिएको भनी स्वीकार गरेका लेखक मौनता श्रेष्ठले इनशाडटकमसँगको कुराकानीमा पहिले नै भनेका थिए- "चार्लिज एञ्जेल्स जति हावा यो सिनेमा छैन ।" तर सिनेमा हेरिसकेपछि के लाग्यो भने जति हावा चार्लिज एञ्जेल्स छ, त्योभन्दा बढी हावा यो सिनेमा छ ।

सिनेमाको कथामा एक बालिकाको अपहरण हुन्छ । ती अपहरित बालिकाको खोजीका लागि प्रहरीलाई खबर नगरी निजी जासूसहरु प्रयोग गरिन्छन् । निजी जासूस गंगा, जमुना र सरस्वतीले आफू बल, बुद्धि र सौन्दर्यको सक्दो दोहन गरेर अपहरित बालिकालाई मुक्त गर्छन् र अपहरणकारीहरु प्रहरीको जिम्मामा पुग्छन् ।

भन्नलाई त निर्माता तथा लेखक मौनता श्रेष्ठले दुइ वर्षअघि कोटेश्वरबाट अपहरित विवेक चौलागाइँको कथामा आधारित भनेका छन् । विवेकको हत्या नराम्रोसँग भएको थियो, सिनेमाको कथामा चाहिँ अपहरित पात्रलाई जोगाइएको छ । तर कति हावा कथा छ भने नेपालमा नै नदेखिएका डिटेक्टिभहरु यहाँ सक्रिय हुन्छन् । जसलाई अनुसन्धान कसरी गरिन्छ भन्ने 'अ' नै थाहा छैन र अनुसन्धानका लागि गुण्डाहरु खोज्दै हिँड्छन् र भन्छन्- "यिनीहरु त हामीभन्दा पनि बुद्धिमान निस्किए !" तर चलचित्रभरि तिनले बुद्धिमान काम र कुरा के गर्छन् भन्ने स्पष्ट पारिएको छैन ।

चलचित्रका दुइ नायिका पूजाना प्रधान र ऋचा घिमिरे पर्दामा ठीकै देखिएका छन् । समस्या त निर्देशक र लेखकमा देखियो, जसले यी दुइ क्षमतावान नायिकाहरुलाई चाहिँदो दोहन गर्न सकेका छैनन् । 'तीतो सत्य' टेलिश्रृङ्खलाकी हिट पात्र रञ्जु लामिछाने त पूरै सिनेमामा वाहियात पात्रका रुपमा छिन् । उनलाई तीन वटा पात्रका रुपमा मात्र उभ्याइएको छ । उनलाई नराखिएको भए पनि सिनेमालाई खासै असर पर्ने देखिँदैनथ्यो । रञ्जुमाथि त यो खेलवाड नै थियो ।

चलचित्रका अन्य कलाकारमध्ये रमेश बुढाथोकी, दिनेश श्रेष्ठ, उमेश खड्का र विक्रान्त बस्नेतले स्वाभाविक प्रस्तुति दिए पनि अन्य पात्रहरुको न भावभङ्गिमा मिलेको छ न पात्रहरुमा चरित्रअनुसारको गार्म्भीयता नै ! जसका कारण फितलो निर्देशन र असहज प्रस्तुति बन्न पुगेको छ ।

राजधानीबाहिर ठीकै व्यापार गरेको यो चलचित्रले राजधानीभित्र बबाल व्यापार गर्ला भन्ने अनुमान गर्नु बेकार हुन्छ । यो सिनेमा मध्यमस्तरको बनेको हुनाले दर्शकले पनि निर्मातालाई मध्यमस्तरको रकम उठाइदेलान् ! समग्रमा यो चलचित्र न आँधिको काम गर्न सक्छ न त तुफानको नै !

Related Articles:
अब चार्लिज एञ्जेल्स नेपालीमा
दशैँमा नेपाली परीहरु

 
Click Here To Read Previously Posted Article    Click Here To Read Next Article          
 
More on Review
Related Tags:
रिलिज सेलेब्रिटी अभिनेता समारोह सेक्स प्रविधि सुटिङ हल्ला अभिनेत्री पेज थ्री
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read memories Family
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,