Home» Music »Feature

साथी खोज्दै रामकृष्ण

रामकृष्ण ढकाल नयाँ साथी खोज्दै छन् । तपाइँले सोच्नु भएजस्तो उनकी श्रीमती नीलमसँग झगडा भएर नयाँ साथी खोजेको चाहिँ होइन । उनले यस पटक नयाँ काम गर्न खोज्दै छन्, त्यसैले पनि नयाँ साथीको खोजी गरेका हुन् ।

यो नयाँ साथी के होला भन्ने सोचिरहनु भएको छ भने रामकृष्णकै शब्दमा सुन्नुहोस्- "मेरो नयाँ एल्बमको नाम हो- मेरो साथी ।"

उनका गीति एल्बमका फ्यानहरु लगभग विदेशिइसके । आधुनिक गीत सुन्ने एउटा पूरा पुस्ता विदेशिएको छ । देशको राजनीतिक अव्यवस्थामा पाइरेसीको बोलवाला छ । त्यसैले उनले अब उनका फ्यानहरु नयाँ खोज्नु पर्ने बेला भएको छ । नयाँ पुस्तालाई रिझाउनु पर्ने बेला भएको छ । त्यसैले उनले नयाँ साथीको खोजी गरेका हुन् र एल्बमको नाम जुराएका हुन्- मेरो साथी ।

यो एल्बमसँगै रामकृष्णको एल्बम संख्या नौ पुग्नेछ । आठ वटा एल्बममा उनले 'आ' प्रेम कहिल्यै छाडेका थिएनन् । तर यस पटक 'आ'को साथ छोडेका छन् । 'आ' साथी छुटेपछि उनले नयाँ साथी त खोज्नै थियो, त्यसैले पनि एल्बमको नाम जुराए- मेरो साथी ।

गाउँगाउँमा अहिले पप गीतको लहर छ । एफएमहरुको संख्या तीन सय पुगिसक्यो । यो सूचना क्रान्तिले धेरैलाई सघाए पनि सङ्गीत उद्योगलाई सघाउन सकेको छैन । एल्बम बिक्री दिनदिनै घट्दो छ । कर्न्र्सटमा नयाँ पुस्ता हावी छ, त्यसैले पनि अहिले रामकृष्णलाई नयाँ साथी चाहिएको छ ।

रामकृष्णको 'मेरो साथी'मा अर्को एउटा साथी थपिएका छन्, भिडियो मेकर आसिफ । उनले रामकृष्ण र नीलमलाई लिएर भिडियो बनाइसकेका छन् । यस पटकको एल्बममा न्ह्यू वज्राचार्यले पूरै एल्बममा सङ्गीत दिएका छन् । "मेरो र न्ह्यू वज्राचार्यको ट्युनिङ मिलेकाले यस पटक पूरै एल्बम उहाँसँग गर्न लागेको हुँ", रामकृष्णको स्पष्टोक्ति छ । हुन पनि वज्राचार्यको सङ्गीत रहेको 'ओराली लागेको...', 'दैव तेरो...' या 'नजिक आउनुमा...' सप्पै गीत हिट छन् । त्यसैले यो जोडीबाट यस पटक पनि धाँशु प्रस्तुतिको आशा गर्न सकिन्छ ।

यस पटक यो जोडीको प्रस्तुति र 'आ'सँग छुटेको साथले कस्तो परिणाम ल्याउने हो, स्वयम् रामकृष्णलाई पनि चासोको विषय बनेको छ । तपाइँ-हामीलाई त हुने भयो नै !

 
Click Here To Read Previously Posted Article    Click Here To Read Next Article          
 
More on Feature
Related Tags:
सङ्गीतकार गायक रिलिज लुकेका कुरा प्रेम र विवाह क्या बात ! कीर्तिमान गायिका तातोपीरो रुचि कन्सर्ट नेपाली तारा उपलब्धि हल्ला गीतकार विचार भिडन्त पेज थ्री बजारमा ट्रयाक बाहिर
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read