Home» Music »Feature

विज्ञापनमा नयाँ नाउँ



तपाइँले अहिले बज्दै गरेको विज्ञापन मायोज आम्मामा पल्सर अनि त्योभन्दा अघि मायोज मुठ्ठीमा हात्तीजस्ता विज्ञापन सुन्नु भएको वा हेर्नु भएको छ ? छ भने त्यसमा गाउने वा आवाज दिने व्यक्ति को होला भनेर सोच्नु भएको हुँदो हो । आउनुस्, आज तिनै व्यक्तिसँग तपाइँलाई परिचय गराऊँ ।

यी व्यक्ति हुन्, लक्ष्मण पौडेल । तर हिजोआज सङ्गीत उद्योगमा उनलाई डीजे एलएक्सका नामले बढी चिनिने गरिएको छ । हुन पनि पहिलो पटक उनले दीपेशकिशोर भट्टर्राईले गाएको 'एकै नजरमा माया बस्यो है...' रिमिक्स के गरेका थिए, उनको सङ्गीत मज्जैले चल्यो ।

त्यसयता उनले पछाडि फर्केर हेर्नु परेको छैन । त्यसो त उनलाई डिजे एलएक्स भनेर अझै पनि परिचय बनाउन केही समय कुर्नुपर्ने देखिएको छ । किनभने ए सङ्गीता...को रिमिक्स उनैले गरेका हुन् भन्ने थाहा पाउने अझै कमै छन् । अनि रामजाने र नयाँ गीतहरु उनकै भागमा परिरहेका छन् भन्ने सत्य पनि कमैलाई थाहा छ ।

डिजे स्याजबाट १० महिने डीजे तालिम सन् २००५ मा लिएपछि औचापरिक रुपमा यसमा उनी लागेका हुन् । पहिलेदेखि नै डान्स नम्बरका प्रेमी यी गायक पनि हुन् ।

सिमसिमे पानीमा..., मन छाडेँ मैचाङलाई..., सुन सुन सनम मलाया छाउनी... जस्ता गीतको रिमिक्स उनकै भागमा पर्न थालेपछि अहिले उनलाई लागेको छ, उनको रिमिक्सको गाडी चल्न थाल्यो । अहिले भर्खरै नेपालमा पहिलो पटक मोबाइल रिङटोन रिमिक्स गीत निकालेर चर्चा बटुलेका छन् । जसमा अशोक शर्माका अधिकांश चलचित्रगीतहरु उनले रिङटोन बनाएका छन् ।

यो रिङटोन बनाइसकेपछि चाहिँ उनी दुलोबाहिर निस्केका छन्, भन्छन्- "अब मलाई मान्छेले पत्याउने बेला हुन लाग्यो, त्यसैले कामको प्रचार प्रसारमा लागेको छु ।" हुन पनि यति काम गरेपछि त चर्चा पाउनै पर्‍यो नि, कि कसो ?

 
Click Here To Read Previously Posted Article    Click Here To Read Next Article          
 
More on Feature
Related Tags:
सङ्गीतकार रिलिज समुद्रपार कीर्तिमान क्या बात ! लुकेका कुरा तातोपीरो ट्रयाक बाहिर नेपाली तारा अवार्ड प्रेम र विवाह उपलब्धि भिडन्त विचार पेज थ्री गायिका रुचि गायक कन्सर्ट बजारमा
Browse Tags in Other Group
 
 
Tags in Misc
Books Home
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,