Home» City Life »Updates

देशको दुर्भाग्य

देशको सबैभन्दा दुर्भाग्य देख्न पाइयो, जब गोरखा जिल्लामा आयोजित 'लडाइँमा जनता'को प्रदर्शनीस्थलमा दुइ 'महान्' नेताहरु प्रदर्शनी हेर्न आइपुगे ।

एक नेता थिए, नेपाली कांग्रेसका केन्द्रीय सदस्य । जो पटक पटक मन्त्री भए र करोडौँको भ्रष्टाचारमा मुछिए । उनलाई करोडौँको भ्रष्टाचार भएको आरोप लागेको थियो र त्यस आरोपलाई उनले मिथ्या प्रमाणित गर्न सकेका छैनन् । अर्थात् देशको यो हालत हुनुमा उनको पनि ठूलो भूमिका थियो र नेपालमा जनयुद्ध शुरु गराउनमा उनको पनि भूमिका रहेको थियो ।उनले अभिरुचिपूर्वक लडाइँमा जनता हेरेछन् ।

अनि अर्कोतिर माओवादी जनयुद्धका मुख्य नेता बाबुराम भट्टराईले त्यो फोटो हेरेछन्, जुन फोटो मानव अधिकार हनन् र ज्यादतीको उत्कृष्ट नमूना बनेर देशविदेशमा प्रचारित भयो । एक स्कूलका प्रधानाध्यापकको हत्याको यही फोटोका कारण माओवादीमाथि विश्वको बक्रदृष्टि बन्न सफल भयो र उनीहरु पनि वार्ताका लागि पहल गर्न कालान्तरमा बाध्य पारिए । डा. बाबुराम भट्टराईले पनि ती फोटाहरु हेरेछन् ।

नेपालको दुर्गतिका लागि यी दुवै जिम्मेवार छन् । अनि, जनताको यो दुर्गतिलाई यी दुइ नेताले कसरी सद्गतितिर ल्याउने हुन्, हेर्न बाँकी छ किनभने कोही भ्रष्टाचारका कारण गन्हाउने किसिमले "ढ्याऊ" गरेका र कोही चाहिँ मानव अधिकारको रक्षा भन्ने शब्द कहीँ कतै हराएका व्यक्तिहरु नयाँ नेपालका लागि नयाँ संविधान बनाउने संविधानसभाको निर्वाचनका लागि कस्सिएर लागिपरेका छन् । यी दुइको फ्यूजन कस्तो हुँदो हो, जनताले चासोपूर्वक हेर्नेछन् । के यो प्रदर्शनीले तपाइँहरुको मति सुध्रिएला त नेताज्यू !

 
Click Here To Read Previously Posted Article    Click Here To Read Next Article          
 
More on Updates
Browse Tags in Other Group
 
 
Tags in City Sightings
festival releases celebrity party events story wedding bandhs & protests bizarre traffic real picture hi-life city beauty pageant travel culture awards
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country