Home» Television »Biography

नायक बन्ने सपना पूरा हुँदा

उनी सिनेमाको नायक बन्ने सपना बोकेर काठमाडौँ छिरेका थिए । त्यो सपना अहिले आएर बल्ल पूरा भएको छ ।

२०३५ साल माघ १५ गते झापाको तोपगाछीमा जन्मिएका सरोज केसीले मेची आवासीय बोर्डिङ स्कूलबाट पढाई शुरु गरे । पछि उनले दमक स्कूलबाट एसएलसी पूरा गरेपछि बनेपाको एभरेष्ट इन्स्टिच्यूट अफ टेक्नोलजीबाट जुनियर ओभरसियरको पढाई सम्पन्न गरेका थिए । त्रिचन्द्र क्याम्पसमा बीए पढेका उनी २०५३ सालतिर नै चलचित्रको नायक बन्न भनेर काठमाडौँ छिरेका थिए ।

उनले पहिलो पटक टेलिभिजनमा चित्रलहर कार्यक्रममा काम गर्ने अवसर जुर्यो । उनलाई त्यतिबेला साह्रै रमाइलो लाग्यो जब उनले राष्ट्रिय नाचघरमा एक वर्ष नाट्य प्रशिक्षण लिए । २०५५ सालमा उनले लिएको यो प्रशिक्षणले उनलाई एउटा चूरोटको विज्ञापनमा काम दिलायो भने निकै रेडियो नाटकमा आफ्नो स्वरले अभिनय गरे ।

२०५७ सालमा च्यानल नेपालले गराएको प्रतिस्पर्धामा नम्बर एकमा उत्तीर्ण भएपछि हेल्लो नामक कार्यक्रम चलाएका उनले यसलाई लोकप्रियताको एउटा उचाई थपिदिए । यो कार्यक्रम लगातार पाँच वर्षउनले चलाए । "फिप्टी फिप्टी" र "टी टक्"जस्ता कार्यक्रम पनि उनले चलाएका थिए ।

त्यसो त उनलाई अभिनयको नशा यसरी लागेको थियो कि राम्रो भूमिका नहुँदानहुँदै पनि हिजो आजका कुरा, प्रहरी अनुरोधजस्ता टेलिभिजन कार्यक्रममा अभिनय गरेका थिए ।

स्कूलताका नै नाटक र नृत्य भनेपछि हुरुक्क हुने सरोज उसबेला टीभीबाट आउने ट्वाक्क टुक्क जस्ता रमाइला कार्यक्रमको डिट्टो नक्कल गर्ने गर्थे । स्कूलका निकै कार्यक्रममा उनले सञ्चालन गर्थे, उसबेला नै । त्यसैले त धेरैले उनलाई काठमाडौँ गएर नाम कमाउला भनेर धेरै गाउँलेहरुको आशा थियो । उनीहरुको यही हौसलाका कारण उनी राजधानी छिरेका थिए ।

उनले पहिलो पटक लामो भूमिका एउटा टेलिफिल्ममा पाएका थिए । अश्विनी कोइरालाद्वारा निर्माण गरिएको "क्षण" टेलिफिल्ममा उनी कृति भट्टराईसँग अभिनय गरेका थिए । तर उक्त टेलिफिल्मले टेलिभिजनको अनुहार देख्न चाहिँ पाएन । "क्षण"ले सपना पूरा नगराए पनि क्षणका निर्देशक ऋषि लामिछानेले उनलाई परिचय टेलिश्रृङ्खलामा एउटा यादगार भूमिका दिए । जसका कारण उनलाई एउटा असल अभिनेताका रुपमा चिनिन थालियो ।

पछिल्लो समय उनलाई टेलिफिल्म र चलचित्रका लागि अनुबन्धित गरिएको छ । र, यसबाट उनी ज्यादै उत्साहित भएका छन् । भन्छन्- "हरेक कुराको समय आउँदो रहेछ, आफूले मात्र हतार गरेर केही हुँदो रहेनछ ।"

 
Click Here To Read Previously Posted Article             
 
More on Biography
Related Tags:
अभिनेता अभिनेता सेलेब्रिटी समारोह रिलिज सेक्स प्रविधि सुटिङ अभिनेत्री हल्ला पेज थ्री
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read memories Family
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,