Home» Around the World »Weird and Interesting

उल्टी गर्दा ८ लाख पुरस्कार

बेलायतकी एउटी महिलालाई डाइटिङ गरेकोमा ८ लाख पाउण्डभन्दा बढी पुरस्कार हात परेको छ । तर यो पुरस्कार उनले कुनै प्रतियोगिता जितेको अवसरमा दिइएको चाहिँ होइन । "डिटोक्स डाइटिङ" गर्ने क्रममा उनको दिमागमा स्थायी असर परेका कारणले कम्पनीलाई मुद्दा हालेकी थिइन् । यो किसिमको डाइटिङ गर्दा पानी बढी पिउनुपर्ने नियम रहेको छ ।

५२ वर्षीया डन पेजले "द अमेजिङ हाइड्रेशन डाइट"ले भनेजस्तै शरीरमा भएको नुन तत्वलाई हटाउन बढीभन्दा बढी पानी पिएका कारण उनको मगजमा स्थायी असर परेको चिकित्सकहरुले बताएका छन् ।

स्थानीय हाई होर्टले यही डाइटका कारण उनले थाम्नै नसक्ने गरी उल्टी गरेको गर्‍यै भएका कारण उनको दिमागमा गम्भीर असर परेको कारण जनाई ८ लाख १० हजार तिर्न आदेश दिएको छ । यता यस किसिमको डाइटकी सञ्चालिका न्यूटि्रशनिस्ट बार्बरा नाशले चाहिँ नियमित रुपमा वाकवाकी लाग्नु र केही दिन दुःख पाउनु स्वाभाविक भएको बताएकी छिन् । यता बार्बराको इन्स्योरेन्स कम्पनीले ती महिलालाई छादेबापत पैसा तिर्न राजी भइसकेको समाचारमा जनाइएको छ ।

सन् २००१ को अक्टोबर महिनामा जब उनी त्यस संस्थामा छिरिन् त्यसको एक साता पनि नबित्दै उनलाई बिसञ्चो भयो । उनलाई तत्काल प्रिन्सेस मार्गरेट हस्पिटल स्वीनडन लगियो । तर उनलाई लगातारको बान्ता रोक्नबाट डाक्टरहरु असफल भए । बान्ता गर्दागर्दै थाकेकी उनको खराब हालत देखेर उनका पति ५४ वर्षीय जिओफ पेजले पत्रकारहरुसँग भने- "यो किसिमको वाहियात तरिकाले मान्छेको जिउ घट्ने मात्र होइन जिउ नै नरहने पूरापूर सम्भावना पो देख्दैछु ।"

हुन पनि यो शैलीको प्राकृतिक उपचार विधि खोज्दा यति छादिन् कि तीन दिनपछि त उनको गोडा नै नचल्ने भयो । उनले दिनको पाँच लिटर पानी पिउने गरेको उनका पतिले बताए ।

यता आठ लाख बढी क्षतिपूर्ति तिरिसकेपछि यस किसिमको डाइटिङ चलाउने कम्पनीले भने यस विषयलाई नलम्ब्याउन अनुरोध गरेको छ ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
उदेकलाग्दो सुन्दरी सेलेब्रिटी गुगल भव्यता माया इन्टरनेट नग्नता हलिउड उदारता मूर्ख्याइँ बलिउड मुद्दा मामिला विज्ञापन परिस्थिति प्रविधि कीर्तिमान सेक्स उपाय फट्याइँ
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read memories