Home» Around the World »Weird and Interesting

रुख मान्छे चर्चामा

शरीरभरि जरा नै जरा उम्रिएका इण्डोनेसियाका "रुख मान्छे" अहिले आफ्नो रोगको सफल उपचार गराएपछि पनि चर्चामा रहेका छन् ।

६ किलोग्रामभन्दा बढी विभिन्न किसिमका "नचाहिँदो तत्व"हरु फ्याँकेपछि अहिले उनको सफल उपचार भएको विश्वास गरिएको छ ।

डेडे नाम रहेका यी व्यक्तिको शरीरमा रुखका जराजस्ता कोष (सेल) बढ्न थालेपछि उनी साधारण मान्छेबाट 'रुख मान्छे' बनेका थिए । यिनको शरीरमा उम्रिएका रुखका जरा र विभिन्न जनावरका सिङजस्ता तत्वले उनको नाम 'रुख मान्छे' राखिएको थियो ।

त्यसो त उनी जन्मिदै यस्ता थिएनन् । उनी टीन एजर हुँदा एक पटक घुँडामा चोट लाग्यो । त्यो चोट निको भएपछि उनको शरीरमा सिङहरु उम्रिन थाले । यस्तो सिङ उम्रिन थालेपछि उनलाई जागीरबाट निकाला मात्र गरिएन कि उनकी श्रीमतीले पनि छाडिदिइन् ।

उनका डाक्टर राचमद डिनाटाले यी ३७ वर्षीय यिनको अप्रेशन गरेपछि ९० प्रतिशतभन्दा बढी सिङहरु गायब भएका छन् । यसका लागि उनले ९ वटा अप्रेसन गर्नु परेको थियो ।

"ऊ पूर्ण रुपले निको हुन सक्तैन तर उसको जीवन पहिलेको जस्तो हेपिने वा घृणा गरिनेजस्तो चाहिँ रहने छैन", डा. डिनाटाले भने- "अहिले उनी आफैँ खान सक्छन्, लेख्न सक्छन्, मोबाइल चलाउन सक्छन् ।"

यस किसिमको रोग पेपिलोमा भाइरस इन्फेक्शनका कारण हुने गरेको डाक्टरहरुको मत छ । अहिले यी सिङ वा रुखका जरा उम्रिन रोकिए पनि भविष्यमा पुनः पलाउन सक्ने डाक्टरहरु बताउँछन् । तर यो रोग लागेको मान्छेको ज्यान चाहिँ तत्काल नजाने उनीहरुले बताए ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
उदेकलाग्दो सुन्दरी सेलेब्रिटी गुगल भव्यता माया इन्टरनेट नग्नता हलिउड उदारता मूर्ख्याइँ बलिउड मुद्दा मामिला विज्ञापन परिस्थिति प्रविधि कीर्तिमान सेक्स उपाय फट्याइँ
Browse Tags in Other Group
 
 
Tags in Weird & Interesting
हलिउड मुद्दा मामिला जनावर सेक्स विज्ञापन बलिउड नग्नता माया प्रविधि सेलेब्रिटी श्रीमानश्रीमती उदेकलाग्दो कीर्तिमान यस्तो पनि ! उपाय परिस्थिति गुगल