Home» Around the World »Weird and Interesting

मरेको अभिनयले शहरमै रुवाबासी

१० वर्षो एउटी बालिकाले मरेको अभिनय गरेको गुगलको स्टि्रट भ्यू क्यामेराले खिच्न भ्याएपछि बेलायतको वोरसेस्टर शहरमा केहीबेर रुवाबासी चल्यो । अजुरा बिबिजुआन नामक ती बालिका आफ्नो घरको छेउमै टाँसिएको सडकमा मुन्टो निहुर्‍याएर सुतेकी थिइन् । यतिबेलै गुगल स्टि्रट भ्यूले चित्र खिच्यो र त्यसलाई अनलाइनमा पनि हालिहाल्यो । त्यसरी सकडमा कोही सुतिरहेको कुरा मरिरहेको जस्तो देखिएपछि हल्लीखल्ली मच्चिएको डेली मेल पत्रिकाले जनाएको छ ।

त्यसलगत्तै आत्तिएका शहरबासीहरुले गुगलसँग सर्म्पर्क गरी त्यो कसैको हत्या भएको हुनसक्ने सम्भावना औँल्याए । र, अनुसन्धानमा सहयोग गर्न अनुरोध गर्दछन् । तर पछि थाहा भयो, त्यो त अजुरा बिबिजुआन पो रहिछन् ! शहर वरपर आफ्नै मृत्यु भएकोबारे सोधखोज हुन थालेपछि प्रतिक्रिया दिँदै भनिन्- "मलाई गुगल स्टि्रट भ्यूका बारेमा केही थाहा छैन । म केही साथीहरुसँग खेलिरहेकी थिएँ, त्यो बेला मैले आफू मरेको खेल खेलेको हुनाले त्यसरी नै भुइँमा मुख जोत्नुपर्ने थियो । त्यसपछि म खेलमा मस्त भएँ, मलाई त केही पनि थाहा छैन ।"

"वास्तवमा आफू मरेको खेल्नु पनि कम्ता रमाइलो हुँदो रहेनछ !" शहरका मान्छेको चासो बढेको थाहा पाएपछि उनले भनिन्- "अझ त्यो कुरा इन्टरनेटमा आउँदा त झनै !"

उनकी ४३ वषर्ीया आमा सायरालाई यो घटनाले रमाइलो महसूस गराएको छ । टोलभरिका महिला भेला भएर छोरीको कुशलक्षेम सोधिरहेका जो छन् !

 
Click Here To Read Previously Posted Article    Click Here To Read Next Article          
 
More on Weird and Interesting
Browse Tags in Other Group
 
 
Tags in MUSIC
विवाद गायिका गायक कन्सर्ट हल्ला ट्रयाक बाहिर उपलब्धि लुकेका कुरा रिलिज परिस्थिति अवार्ड कीर्तिमान बजारमा क्या बात ! रुचि पेज थ्री प्रेम र विवाह समुद्रपार विचार नेपाली तारा गीतकार सङ्गीतकार तातोपीरो भिडन्त
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,