Home» City Life »Updates

काठमाडौँको चकलेट जात्रा


त्यसै त काठमाडौँ, त्यसमाथि पनि जात्राको दिन ! त्यसै पनि काठमाडौँमा भीडभाड रहन्छ, त्यसमाथि पनि यदि जात्राको दिन छ भने त कुरै नगरौँ ! घोडेजात्राको दिन दिउँसो टुँडिखेलमा घोडाको चर्तिकला र अन्य रमाइलो हेर्नेको निकै भीँड हुन्छ । त्यही दिन पाटनमा एउटा घोडालाई बेस्कन जाँड खुवाएर ऊ मात्तिएको हेर्ने रमितेको पनि कमी हुँदैन । यही बेला काममाडौँका भलननीलगायत ४५/५० स-साना स्थानमा भने एउटा रमाइलो भेला जात्रा हुन्छ । त्यो भेला चाहिँ युवाहरुबीच 'चकलेट जात्रा'का रुपमा प्रख्यात छ । आउनुहोस्, यो चकलेट जात्राको प्रत्यक्ष समाचार हेर्नुहोस् ।

मर जाः नामक यो जमघट चाहिँ धार्मिक विश्वासमा आधारित छ । जसमा मृतआत्माले आफ्ना सन्तानको सुख, शान्ति र समृद्धिका लागि महादेव मन्दिरमा पूजा गरी शुरु हुन्छ । पूजा सकिएपछि गुठी र घरघरबाट ल्याइएका प्रसादहरु विशेषगरी बालबालिकाहरुलाई खुवाइन्छ । यसरी बालबालिकालाई प्रदान ग्रहण गराए, उनीहरु स्वस्थ, दीर्घार्यू र सम्पन्न रहन्छन् भन्ने पुरानो मान्यता छ ।

प्रसाद ग्रहणको कार्यक्रम सकिएपछि हुनेखानेहरुले बालबालिकाका लागि क्याडबरीदेखि लिएर हाजमोलासम्मका चक्लेटहरु बाँढ्ने गर्छन् । बालबालिकालाई चक्लेट भएपछि के चाहियो ? अघि खाएको दूध, विभिन्न किसिमका फलफूललगायतका प्रसाद बिर्सिएर यी चक्लेटमा हुर्रिएर झुम्मिन्छन् । कसले कति पाउने र कति नपाउने गणना हुँदै गर्दा भने छिप्पिएका युवाहरुले युवतीमाथि तिनै चक्लेटहरुले प्रहार गर्न थाल्छन् ।

'धेरै जसो चाहिँ राम्री तरुनीलाई चक्लेटले हान्न रमिते भएर छिर्छन्', टिपिकल नेवारी लवजमा ५५ वर्षीय पूर्णमान श्रेष्ठ, भन्छन्- 'तिनलाई अरु कुरासँग मतलब हुँदैन । खाली केटीहरु कहाँ छन् भनेर आँखा नचाइरहेका हुन्छन् ।' भर्खरै प्रसादस्वरुप खाएको एक घुड्की रक्सीको उन्मादिलो राग पूर्णमानको मुखबाट निस्कन्छ- 'आखिर बेलै यही हो रमाइलो गर्ने !' हुनसक्छ, उनलाई आफ्नो जवानीको दिन याद आएको होस् !

तर केही समययता चक्लेटले तरुनी तोकेर हान्ने परम्परा यहाँ चाहिँ निरुत्साहित हुँदै गएको छ । 'यसरी चक्लेटले युवतीहरुमाथि प्रहार गर्दा आफ्नो मौलिक संस्कृति बिग्रिने डर भयो', २८ वर्षीय राजेन्द्र श्रेष्ठ बताउँछन्- 'त्यसैले स्थानीय क्लब र गुठीका प्रभावशाली व्यक्तिहरुले त्यसरी प्रहार नगर्न गरेको अनुरोध हिजोआज साँच्चिकै लागू भएको छ । केही उच्छृङ्खलका कुरा चाहिँ नगरौँ, उनीहरु त मौकैको ताकमा हुन्छन् !'

केही व्यक्ति हिजो 'चक्लेट जात्रा'मा हुने रमाइलोका लागि मात्र भए पनि जम्मा भएका थिए, तर ती सबै हिस्स बूढी हरिया दाँत भएर फर्किनु पर्‍यो । त्यहाँ विशुद्ध पूजाआजा र प्रसाद वितरणपछि प्रशन्न मुद्रामा बालबालिका फर्किए, हेर्दै रहरलाग्दा युवतीहरु पनि यस पटक चक्लेटको प्रहारबाट बच्न पाएकोमा फुरङ्ग थिए । यसरी एउटा विकृतिले डेरा जमाइसकेको जात्रामा पुनः मौलिकता फर्किसकेको देखेर संस्कृति प्रेमी मख्ख परेका थिए ।




 
Click Here To Read Previously Posted Article    Click Here To Read Next Article          
 
More on Updates
Related Tags:
festival streets संविधानसभा crisis अनुभव awards पेट्रोल सेलेब्रिटी hi-life हल्ला माओवादी मोबाईल events समलिङगी celebrity
Browse Tags in Other Group
 
 
Tags in Technology
gadgets mobile digital camera phone software people speak laptop communication Filming
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: