Home» Around the World »Weird and Interesting

गज्जबको लण्डन

अहिले जसले पनि ३६०सिटीजडटनेटमा गएर लण्डनका फोटोहरु हेर्‍यो, त्यसले नभनी रहनै सक्तैन- गज्जबको लण्डन ! किनभने यहाँ अहिले संसारकै सबैभन्दा बढी डेफिनेसन भएको लण्डन शहरका फोटाहरु राखिएका छन् । यी तश्वीरहरु यति प्रष्ट छन् कि एउटा घरको झ्यालमा नाङ्गै उभिएकी एउटी महिलासमेत देखिएकी छिन् ।



द लण्डन गिगापिक्सेल प्रोजेक्टले ६ साता लगाएर खिचेका यी तश्वीरका लागि विशेष रुपमा बनाइएको कम्प्युटर, त्यस्तै किसिमको सफ्टवेयर र फुजित्सु कम्पनीले बनाएको सेल्सियस वर्कस्टेशन नामक क्यामेरा प्रयोग गरिएको थियो । कम्प्युटरमा चाहिँ ६-कोर सीपीयू, १९२ जीबीको र्‍याम र ४ जीबीको ग्राफिक कार्ड रहेको छ ।

यो क्यामेरा र कम्प्युटर मिलेर ७,८८६ को हाइ रिजोलुसनको फोटोहरुमा ८० करोड पिक्सेल रहने गरेको बताइएको छ ।

३६०सिटिजडटनेटका प्रवक्ता ब्रुस पेल्स भन्छन्- "यी फोटोहरु ३ दिन लगाएर जेप|mी मार्टिनले खिचेका हुन् । लण्डनको सेन्टर प्वाइन्टबाट खिचिएका यी तश्वीरहरु शहरमा देखिने हरेक चिजबिज प्रष्ट देखिएका छन् । कति प्रष्ट देखिएका छन् भने एक जना महिला आफ्नो झ्यालमा नाङ्गै घाम तापिरहेको पनि प्रष्ट देखिएको छ ।"

"तर हामीले फोटोसप प्रयोग गरी ती महिलालाई त्यहाँबाट हटाइदियौँ", उनले हाँस्दै भने- "नत्र हामीले मुद्दा खेप्नुपर्ने हुन सक्थ्यो ।"

खिचिएको फोटोमा ती महिलालाई हटाइए बाहेक अन्य सबै कुरा वास्तविक भएको उनले बताएका छन् । उक्त तश्वीरमा विभिन्न स्तम्भ, घरहरु, ठूल्ठूला आकाश छुने घरहरु, घरहरु, पसलहरु, कार्यालयहरु र सडकहरु प्रष्ट देखिएका छन् ।

तश्वीरमा हजारौँ मान्छेहरुलाई प्रष्ट देख्न सकिन्छ । यस्तो किसिमको तश्वीर यसअघि न नलिइएको थियो, न त लिइने नै छ भन्ने दाबी यसका आयोजकहरुको छ ।

 
Click Here To Read Previously Posted Article    Click Here To Read Next Article          
 
More on Weird and Interesting
Browse Tags in Other Group
 
 
Tags in City Sightings
festival releases celebrity party events story wedding bandhs & protests bizarre traffic real picture hi-life city beauty pageant travel culture awards
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country