Home» Around the World »Weird and Interesting

चिहुवा बन्यो प्रहरी कुकुर

लामो रौँयुक्त चिहुवाहुवा मोमोले जापानमा प्रहरी परीक्षा पास गरेको छ ।

मूलतः मोमो नाउँले चिनिएको यो कुकुरले ७० कुकुरहरुको प्रतिस्पर्धामा आफूलाई नम्बर एक बनाउँदै नाउँ कमाउन सफल भएको हो । यसले ३२ जना परीक्षामा पास भएका अन्य कुकुरहरुलाई समेत पछि पारेर एक नम्बरमा नाउँ निकालेको हो ।



जापानी भाषामा मोमोको अर्थ आरुको फल बुझिन्छ । उसले खोजी र बचाऊ अभियानका लागि दिइने परीक्षा पास गरेको हो । उसले खोजी अभियानका लागि कुनै एक व्यक्तिलाई सबैभन्दा छोटो अवधि ५ मिनेटमा नै पास गरेको हो । उसलाई निकै छोटो समयावधिका लागि एक व्यक्तिको टोपी सुँघाइएको थियो ।

"जापानी प्रहरीमा जागीर खानका लागि जुनसुकै जातका कुकुरहरुले पनि आवेदन दिन सक्छन् तर मुख्य कुरा त परीक्षा पास गर्न सक्नु पर्‍यो", पश्चिम जापान प्रहरीका प्रवक्ताले बताए ।

तर मोमो जुन जातको कुकुर हो, उसले यो परीक्षामा प्रथम होला भन्ने अनुमान चाहिँ कमैले गरेका थिए । "त्यसैले त यो समाचारमा छाइरहेको छ", उनले भने ।

सात वर्षो मोमो आफू परीक्षामा पास भएपछि गर्वका साथ उभिएको टेलिभिजन फुटेजहरुमा देखिएको छ ।

अब मोमोलाई विभिन्न बचाऊ अभियान दलमा समावेश गरिनेछ र उसले भूकम्प गएका क्षेत्रमा खटिनुपर्ने बताइएको छ ।

सामान्यतयाः प्रहरीमा जागीर खान पाउने कुकुरहरुमा जर्मन सेर्फड जातहरु अगाडि छन् ।

 
Click Here To Read Previously Posted Article    Click Here To Read Next Article          
 
More on Weird and Interesting
Browse Tags in Other Group
 
 
Tags in City Updates
crisis events hi-life अनुभव festival celebrity माओवादी मोबाईल streets पेट्रोल समलिङगी सेलेब्रिटी हल्ला awards संविधानसभा
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country