Home» Around the World »Weird and Interesting

कचमा परे कोच

पेरुका कोच जुलियो सिजर युरिबलाई उनको मासिक आम्दानीको ३० प्रतिशत रकम जरिवाना गरिने भएको छ । उनी गएको महिना जापानसँग भएको मैत्रिपूर्ण फूटबलको समयमा डिस्कोमा नाचेको आरोप लागेपछि उनलाई यो जारिवाना तिराइएको हो ।

"हामीलाई उनी डिस्कोमा गएकोमा कुनै दुःख या चिन्ता भएको होइन । तर उनी त्यहाँ गएर पनि नगएको भनी ढाँटेकोमा दुःख लागेर जरिवाना तिराइएको हो", पेरु फुटबल फेडरेशनका निर्देशक जुभेनल सिल्वाले बताए ।

"उनले ढाँटेकाले हामीले उनलाई आर्थिक दण्ड दिने निर्णय गरेका हौँ र उनको मासिक आम्दानीको ३० प्रतिशत कट्टा भएको आगामी महिना थाहा पाउनेछन्", उनले थपे ।

युरिबले कोचको दोस्रो कार्यकाल गएको महिना मात्र शुरु गरेका थिए । शुरुमा त उनले आफू डिस्को नगएको बताइरहेका थिए तर पछि टेलिभिजन अन्तरवार्तामा उनले त्यो आरोपलाई सकारेका थिए । जापानको योकोहामामा २-० ले पराजित भएपछि उनी पीडा भुल्न डिस्को गएका थिए ।

सिल्भाले भने- "आफ्नो गल्तीप्रति २ करोड ८० लाख पेरुका जनतासँग उनले माफी माग्नेछन् ।" फेडरेशनले युरिब खेल हुनुअघि पनि डिस्कोमा गएका थिए कि थिएनन् भनी अनुसन्धान गर्नेछ । "यदि उनी खेल हुनुअघि पनि डिस्को गएको प्रमाणित भएमा उनलाई जागीरबाट बर्खास्त गरिनेछ", सिल्भाले बताए ।

यो तथ्य तब प्रकाशमा आयो, जब पेरुका ट्याब्लोइड अखबारहरुले खेलाडीहरु खेलमा भन्दा रामरमाइलोमा बढी ध्यान दिने गरेकोबारे छापेका थिए । यस्ता अखबारलाई फूटबल टिमले सन् २००४ को कोपा अमेरिका खेलदेखि बहिस्कार गर्ने गरेका थिए । त्यसबेला खेलाडीहरु मज्जाले रक्स्याहा भएको अखबारले टिप्पणी गरेका थिए ।

युरिबलाई त्यहाँ ब्ल्याक डायमण्ड (कालो हिरा)का रुपमा चिनिन्छ । सन् १९८२ को विश्वकप फूटबलमा पूर्व फरवार्ड उनले सशक्त प्रस्तुति दिएका थिए । तीन वटा खेल उनकै कारणले जितेको र १५ खेलमध्ये चार वटा 'ड्र' र आठ वटामा पराजित बनाएका थिए । सन् १९८२ यता पेरु विश्वकपमा छनोट हुन सकेको छैन ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
परिस्थिति हलिउड मूर्ख्याइँ मुद्दा मामिला उदारता गुगल भव्यता उपाय इन्टरनेट बलिउड प्रविधि विज्ञापन कीर्तिमान सुन्दरी जनावर सेलेब्रिटी फट्याइँ उदेकलाग्दो नग्नता श्रीमानश्रीमती
Browse Tags in Other Group
 
 
Tags in Cinema
सेक्स अभिनेता अभिनेत्री सेलेब्रिटी रिलिज समारोह सुटिङ हल्ला पेज थ्री प्रविधि
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: