Home» Around the World »Weird and Interesting

हराएका बिहे गाउन मेक्सिकोमा

अमेरिकी सीमा क्षेत्रको प्रहरीले चोरी भएका एक हजार वटा बिहेका गाउनहरु फेला पारेको छ । यी गाउन क्यान्सर च्यारिटीमा प्रदर्शित थिए तर ती सबै चोरी गरी एउटा ट्रयाक्टरमा खाँदखुँद पारेर मेक्सिको लैजाँदै गर्दा फेला पारिएको प्रहरीले बताएको छ ।

लस एञ्जल्सस्थित मेकिङ मेमोरिज ब्रेस्ट क्यान्सर फाउण्डेशनमा गएको नोभेम्बरमा यी सबै गाउनहरु प्रदर्शनका लागि राखिएका थिए । तर प्रदर्शन लगत्तै यी गाउनहरु एरिजोनास्थित स्कट्सडेलबाट चोरी भएका थिए- अमेरिकाको कस्टम्स एण्ड बोर्डर प्रोटेक्सन नामक संस्थाले रोयर्टसलाई बतायो ।

दक्षिणी एरिजोनास्थित निरीक्षकहरुले गएको साता ट्रयाक्टरमा ल्याउँदै गर्दा त्यसको जाँच गर्दा यी गाऊनहरु फेला पारिएका थिए । मेक्सिकोका प्रहरीहरुले यी सामग्री आफ्नो देशभित्र छिराउन अस्वीकार गर्दैगर्दा अमेरिकी अधिकारीहरुले ती सामग्री जफत गर्न भ्याएका थिए ।

३० लाख डलर मूल्य बराबरका यी सामग्रीसहित सामग्री ओसार्ने चालकलाई समेत प्रहरीले पक्राउ गरेको छ । तर ती चालक अमेरिकी हुन् या मेक्सिको निवासी हुन् भन्ने अझै खुलाएको छैन ।

यता मेकिङ मेमोरिज् ब्रेस्ट क्यान्सर फाउण्डेशनका राष्ट्रिय निर्देशक तथा सह-संस्थापक फ्रान हानसेनले फेला पारिएको सामग्रीप्रति प्रहरीहरुलाई धन्यवाद ज्ञापन गरेका छन् ।

"सामान फेला पारिएको समाचार आएपछि त म सपनाबाट ब्यूँझिएझैँ भएँ", हानसेनले भने- "केही महिनायता म लगातार यी सामानहरुको सकुशल फेलाका निम्ति प्रार्थना गरिरहेको थिएँ ।"

फेला पारिएका बिहेका गाउनहरुमध्ये कतिपय विभिन्न व्यक्ति तथा संस्थाबाट बेचविखनका लागि सहयोगस्वरुप प्राप्त भएका थिए ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! फट्याइँ हलिउड मूर्ख्याइँ मुद्दा मामिला उदारता गुगल भव्यता परिस्थिति उपाय इन्टरनेट प्रविधि बलिउड विज्ञापन कीर्तिमान सुन्दरी जनावर सेलेब्रिटी उदेकलाग्दो नग्नता
Browse Tags in Other Group
 
 
Tags in Health
weight body-care seasonal-illness diet sleep skin stress food body-ache Psychology fatigue nutrition mental -health oral-health headache
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: