Home» Around the World »Weird and Interesting

गेरको चुम्बन र अतिवादी मिडिया

हलिउडका रोमान्टिक नायक रिचर्ड गेरले बलिउडी नायिका शिल्पा सेट्टीलाई सार्वजनिक कार्यक्रममा हलिउडी शैलीमा चुम्बन गर्दा तिखो आलोचना झेल्नु परेको छ ।

रिचर्ड गेरलाई शिल्पाले एड्स विरुद्धको अभियान कार्यक्रममा मञ्चमा आफैँले डोर्‍याउँदै लगिन् । मञ्चमा गेरले भारतीय एड्स पीडितहरुका लागि गरेको प्रयासका शिल्पाले बारेमा बताइन् । उनको योगदानबाट प्रभावित दर्शकहरुले गेरको कदमलाई स्वागत गर्दै ताली बजाए । यता गेर आत्मप्रशंसामा मुग्ध हुँदै शुरुमा शिल्पाको हात समाए । हातमा चुम्बन गरे, त्यसपछि क्रमशः पाखुरा हुँदै उनले अँगालो मारे । दुवै गालामा हलुका चुम्बन गरे । त्यसपछि पुनः अँगालो मारेर छिर्की लगाउँदै 'स्याल वी डान्स' सिनेमाको दृष्य झैँ झुकेर शिल्पा दायाँ गालामा तीन चार पटक हलुका चुम्बन गरे । त्यसपछि ? त्यसपछि शिल्पालाई उठाउँदै उनी अलि पर सरे र शिल्पातिर झुक्दै पञ्जाबी शैलीमा तीन पटक सलाम गरे ।

जब रिचर्ड गेरले शिल्पामाथि चुम्बनको वर्षा गरे, शुरुमा त शिल्पालाई रमाइलो नै लाग्यो । हलिउडका सुपरस्टारले आफूलाई यति विधि सम्मान दिएकोमा रोमाञ्चित अनुभव पनि गरिन् । तर जब अँगालो मारेर उनलाई छिर्की लगाए गेरले, तब उनको अनुहारमा केही विस्मय देखियो । त्यत्रो भीडमा उनले विरोध पनि गर्न सकिनन् र त्यो केही सेकेण्डलाई हाँसोले जित्न कोसिस गरिन् । तर जब रिचर्ड केही पर गएर उनलाई पञ्जाबी शैलीमा झुकेर तीन पटक सलाम गरे, शिल्पाभित्रको अँध्यारो कुनो पनि उजालियो ।

यो घटनापछि त भारतीय सञ्चार माध्यमलाई के चाहियो ? केही व्यक्तिहरुले रिचर्ड गेरको पुत्ला जलाए । गेरको कृत्यमाथि प्रश्न चिहृन उठाए । घोर विरोधका कार्यक्रम आयोजन गरिए । अझ केही व्यक्तिले त एक कदम अगाडि बढेर शिल्पा सेट्टीको पुतला समेत जलाइदिए ।
घटना यत्तिमै सेलाइसकेको छैन । शिल्पाले पत्रकारहरुलाई यो घटनालाई नतन्क्याउन अनुरोध गरेकी छिन् । उनले भनेकी छिन्- "एउटा अतिथिलाई हामीले निर्लज्ज तरिकाले विरोध गर्नु हुँदैन ।"

न्यू मु्म्बईस्थित उनको नयाँ चलचित्र 'मेट्रो' चलचित्रको सुटिङसमेत केही हुल्याहाले विथोलिदिएका थिए । तर गेरले आफ्नो 'वस्त्रहरण' नगरेकाले वितण्डा नमच्चाउन अनुरोध गरेकी थिइन् । नौ वर्षदेखि गेरले भारतीय एचआईभी संक्रमितहरुका लागि गरेको योगदान नबिर्सन उनको अनुरोध थियो ।

बौद्ध दर्शनबाट निकै प्रभावित नायक रिचर्ड गेरको बचाउ गर्दै भारतीय बौद्ध गुरुहरुले उनको यो क्रियाकलापलाई उति आपत्तिजनक मानेका छैनन् । "अमेरिकामा यो काम आपत्तिजनक हुँदैन र यहाँ पनि उनले उस्तो अश्लीलता प्रकट पनि गरेका छैनन् । फिल्मी शैली त छ, तर यत्तिकैमा उत्तेजित हुनु आवश्यक छैन", भारतको धर्मशालास्थित एक बौद्ध भिक्षुको भनाई थियो ।

प्रदर्शकहरुमध्ये केहीले शिल्पालाई उक्त क्रियाकलापमा धम्कीपूर्ण तरिकाले माफी माग्नसमेत भनेका थिए । तर गेरले आफूमाथि कुनै अत्याचार नगरेको र घटना पछि पनि तीन पटक गेरले फोनमार्फत् आफूसँग क्षमायाचना गरेकाले प्रदर्शकहरुसँग माफी नमाग्ने दृढता व्यक्त गर्दै आइरहेकी छिन् ।

सबैभन्दा तेज र उत्कृष्ट समाचार पस्किने केही टेलिभिजन च्यानलले त चुम्बनको प्रकार, त्यसको भारतीय युवामा पर्ने असर र यो जत्तिको अश्लील क्रियाकलाप कुनै हुन नसक्ने बताइरहेका छन् । बरु शिल्पाले बौद्धिकता देखाउँदै तिनलाई बुद्धि दिएकी छिन्- "यत्तिकै मिहिनेत तपाइँहरुले एचआईभी रोक्नलाई प्रयोग गर्नु भए साह्रै असल हुने थियो ।"

घटना बढ्दै गर्दा रिचर्ड गेर चाहिँ सोमबार राति नै नेपाल आइपुगेका छन् । उनी बुधबारसम्म नेपालका विभिन्न रमणीय स्थलहरुको अवलोकन गर्दै पुनः हलिउड फर्कने छन् । तर भारतमा विरोध मत्थर हुने हो कि केही व्यक्तिहरु अझै चुरिफुरि देखाइरहने हुन्, त्यो चाहिँ टीभी च्यानलमा हेर्नै पर्ने हुन्छ ।


More 'Weird & Interesting' Stories»

 

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
हलिउड बलिउड परिस्थिति मूर्ख्याइँ मुद्दा मामिला उदारता गुगल भव्यता इन्टरनेट उपाय प्रविधि विज्ञापन कीर्तिमान सुन्दरी फट्याइँ जनावर सेलेब्रिटी उदेकलाग्दो नग्नता श्रीमानश्रीमती
Browse Tags in Other Group
 
 
Tags in Cinema
सेक्स अभिनेता अभिनेत्री सेलेब्रिटी रिलिज समारोह सुटिङ हल्ला पेज थ्री प्रविधि
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: