Home» Around the World »Weird and Interesting

जेलमा पाँच तारे होटलको सुविधा


सामान्य सोचाई के हो भने यदि कोही जेल जान्छ भने समाजका लागि गरेको खराबी उसले जेलमा तिर्छ । तर अब उल्टो हुँदैछ अमेरिकामा । यदि तिर्न सक्ने खुबी उसमा छ भने उसले जेलमा पाँच तारे होटलको सुविधासमेत पाउनेछ । उसले अब आफ्नो गाडी दुर्घटना गर्‍यो र सार्वजनिक सम्पत्ति दुरुपयोग भयो भने ऊ जेलमा त पर्छ तर उसँग दैनिक कम्तीमा ८५ डलर (साढे पाँच हजार नेपाली रुपियाँ) तिर्ने हैसियत छ भने पाँच तारे होटलको सुविधा उसले जेलमा नै पाउन सक्छ । उसलाई त्यहाँ मोबाइल लैजाने, सानोतिनो पुस्तकालय बनाउने, एउटा छुट्टै सफा कोठा उपलब्ध गराइने व्यवस्था अमेरिकाको लस एञ्जलसमा गरिसकिएको छ ।

यो सुविधाअन्तर्गत उनीहरुले आफूले किनेको कोठालाई जस्तोसुकै स्वरुपमा ढाल्न सक्छन् । यसलाई नाइटक्लब बनाएर रातभर नाच्न सक्छन् र प्रहरीहरुले बाउन्सरको भूमिका खेलिदिन सक्छन् । तपाइँले रुचाएका जेलका अन्य व्यक्तिहरुलाई प्रवेश दिलाएर बाँकीलाई छिर्न नदिन पनि सक्नु हुन्छ ।

"मलाई अहिले यहाँ पाँच तारे हिल्टन होटलमा बसेजस्तो अनुभव भइरहेको छ", निकोल ब्रकेट, २२, ले न्यूयोर्क टाइम्सका सम्वाददातासँग भनिन्- "यो ठाउँ निकै सफा छ र सुरक्षित पनि । वरपरका केटीहरु पनि मलाई प्यारो गर्छन् । कतिसम्म भने एउटीले त मलाई नुहाउन स्याम्पूसमेत दिई ।" जाँड खाएर गाडी चलाएकाले उनी २१ दिनका लागि जेल परेकी हुन् । उनका करोडपति बाउको पैसा यही बेला सदुपयोग भएको छ । प्रति दिन ८५ डलर तिरेर उनले यो विशेष व्यवस्था मिलाएकी हुन् ।

अहिले मूलतः ७५ देखि १२७ डलरसम्ममा पाइने यस्ता सुविधासम्पन्न जेलका कोठामा आइपड र कम्प्युटरसमेत राख्न मिल्ने बनाइएका छन् । जसमा मज्जाले गीत सुन्नेदेखि लिएर उपन्याससम्म लेख्न मिल्ने बनाइएका छन् ।

"यसको सुविधा के छ भने तपाइँले अनावश्यक झमेला बेहार्नु पर्ने छैन । कहिलेकाहीँ हुने सामूहिक झैँझगडामा पर्नु हुने छैन । आफ्नै कोठामा आरामपूर्वक आफूलाई रुचि लाग्ने काम गर्‍यो, बस्यो । कोही तपाइँलाई बिथोल्न आउने छैन", क्राइम सीन इन्भेस्टिगेशन (सीएसआई) की प्रवक्ता क्रिष्टिन पार्करले भनिन् । उनले जेलमा उपलब्ध हुने सुविधाका बारेमा हेरचाह गर्ने गर्छिन् र उनले यस्ता सुविधा आफूले हेर्ने तीन वटा जेलमा यो सुविधा लागूसमेत गराइसकेकी छिन् ।

अहिले उनले हरेक जेलका १० देखि ३० ओछ्यानमा यो सुविधा उपलब्ध गराएकी छिन् । उनी ती ओछ्यानका बारेमा विज्ञापन नै गर्नुपर्छ भन्ने सोच्दिनन् । त्यसैले त यस्तो सुविधा शुरु गरेको एक दशक बितिसक्दा पनि थोरै व्यक्तिहरुलाई यसबारे जानकारी छ । तर यस्ता कोठाको लोकप्रियता कतिसम्म छ भने सान्ता एना जेलकी प्रबन्धक क्रिष्टिना होलाण्ड भन्छिन्- "एक जनाले त चार वर्षका लागि त्यो कोठा भाडामा लिइसके ।" तर उनले ती व्यक्ति को हुन् र के गर्छन् भन्ने चाहिँ खुलाइनन् ।

त्यसो त यस्ता सुविधासम्पन्न कोठामा बस्नका लागि सजिलो चाहिँ छैन । एकमुष्ठ रकम तिरिसकेपछि मात्र त्यहाँ बस्न पाइन्छ ।

तर यसका विरोधी पनि कम छैनन् । "यो चाहिँ अब अति भो, जेलमा पनि विभेद !" नेशनल सेरिफ संघका तालिम प्रबन्धक माइक ज्याक्सनले भने- "दुइ व्यक्ति उस्तै सजायका लागि जेल परे, एउटा चाहिँ सुविधासम्पन्न कोठामा बस्ने अनि अर्को चाहिँ फोहोरी, कामै नलाग्ने ठाउँमा अरुसँग कोच्चिएर सुत्ने ? कानूनले पैसा हैन, अपराध हेर्नुपर्छ । उस्तै अपराधका लागि दुवैलाई बराबर दण्डित गर्नुपर्छ ।"

यसका पक्षधर चाहिँ यसबाट जम्मा हुने पैसा साँच्चिकै आकर्षक हुने र त्यो पैसाले जेलको स्तर अझ बढी सुधार्न सकिने तर्क अघि सार्छन् । "यदि पैसा तिर्छन् भने हामीलाई यसमा कुनै समस्या छैन", सीएसआईका अपरेशन म्यानेजर स्टिभ लेचुगाले भने- "यत्रो एक दशकमा यसबारेमा कुनै समस्या र गुनासा आएको मैले पाएको छैन । हामीसँग साँच्चिकै सफलताको रेकर्ड नै छ ।"

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! उपाय हलिउड मूर्ख्याइँ मुद्दा मामिला उदारता गुगल भव्यता परिस्थिति इन्टरनेट बलिउड प्रविधि विज्ञापन कीर्तिमान सुन्दरी जनावर फट्याइँ सेलेब्रिटी उदेकलाग्दो नग्नता
Browse Tags in Other Group
 
 
Tags in Health
weight body-care seasonal-illness diet sleep skin stress food body-ache Psychology fatigue nutrition mental -health oral-health headache
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: