Home» Around the World »Weird and Interesting

ब्रोक ब्याकलाई अढाई लाखे मुद्दा

प्रख्यात चलचित्र ब्रोक ब्याक माउन्टेन चलचित्रमाथि एक १२ वर्षीया बालिकाले २ लाख ५० हजार पाउण्ड (३ करोड १२ लाख ५० हजार नेपाली रुपियाँ) क्षतिपूर्तिको दाबी गर्दै मुद्दा हालेकी छिन् । आफ्नो कक्षामा यो चलचित्र देखाइएपछि आफू गम्भीर मानसिक रोगी हुनु परेको कारण खुलाई उनले यो दाबी गरेकी हुन् ।

जेसिका टर्नर नामक यी बालिकाले आफू यो चलचित्र हेरेपछि कैयौँ दिन सुत्न नसकेको कारण देखाई उनले मुद्दा हालेको प्रख्यात समाचार पत्रिका सिकागो टि्रब्यूनले छापेको छ ।

कक्षामा शिक्षिका मिस बुफोर्डले यो चलचित्र देखाएको जेसिकाले बताएकी छिन् । चलचित्र हेर्न नमान्दा बुफोर्डले 'कक्षा कोठामा जेसुकै भए पनि कसैले कक्षा छाड्न पाउने छैन । तिमीहरुले हेर्नैपर्छ' भनी जबरजस्ती गरिएको समेत जेसिकाले आफ्नो मुद्दामा उल्लेख गरेकी छिन् ।

तर जेसिकाको यो मुद्दा चाहिँ ती शिक्षिकाको विरुद्धमा भने छैन । तिनले सिकागो बोर्ड अफ एजुकेशनमाथि यो मुद्दा हालेका छन्, जसले यो सिनेमा देखाउने स्वीकृति दिएको थियो । त्यसो त यो मुद्दा एक वर्षअघि हालिएको भए पनि अहिले बोर्डको विचाराधीनमा आइपुगेको छ ।

ब्रोक ब्याक माउन्टेन सन् २००५ मा अस्कार अवार्डमा उत्कृष्ट चलचित्रसहित चार वटा विभिन्न विधाको पुरस्कार पाउने दुइ साथीको आपसी प्रेमकथा हो । समलिङ्गी यी साथी र उनका श्रीमतीबीच यौन दृश्यहरु समेत जेसिकाको कक्षामा देखाइएकाले यो चलचित्रपछि जेसिका बिरामी परेको उनका हजुरबुवाको दाबी छ ।

जेसिकाका अभिभावक हजुरबुवा केनेथ रिचर्डसनले भने- "यस्ता चलचित्र र विषयहरु मेरा नातीनातिनाले नहेरिरुन्, तिनले हेर्न र जान्न पर्ने अन्य धेरै राम्रा कुरा छन् भन्ने मेरो भनाइ हो । स्कूलमा यस्ता चलचित्र देखाइनु ज्यादै दुःखद् मात्र होइन आपत्तिजनक पनि छ ।"

हजुरबुवा केनेथले स्कूलकी प्राध्यापिकासँग ती शिक्षिकाको व्यवहारबारे तीतोपीरो सुनाइसकेको समेत बताए । केनेथ अब आइन्दा स्कूलमा यस्ता सिनेमा देखाइने छैन भनी आश्वस्त हुन चाहेको बताएका छन् । यता स्कूलका प्रवक्ता माइक भेगनले यस विषयमा कुनै पनि टिप्पणी गर्न अस्वीकार गरेका छन् ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! सेक्स मुद्दा मामिला हलिउड मूर्ख्याइँ उदारता गुगल भव्यता परिस्थिति उपाय इन्टरनेट बलिउड प्रविधि विज्ञापन कीर्तिमान सुन्दरी जनावर फट्याइँ सेलेब्रिटी उदेकलाग्दो
Browse Tags in Other Group
 
 
Tags in Health
weight body-care seasonal-illness diet sleep skin stress food body-ache Psychology fatigue nutrition mental -health oral-health headache
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: