Home» Music »Feature

आलोकलाई सिमोशले नचाए !



चर्चित म्युजिक भिडियो निर्देशक आलोक नेम्वाङ अब म्युजिक भिडियोमा अभिनय गर्नेछन् । अचम्म लाग्यो ? अचम्म मान्नु पर्दैन । सिमोश सुनुवारले निर्देशन गर्ने अर्जुनकुमार डंगोलको नयाँ गीत 'तिमी छौ साथमा...' मा आलोक नेम्वाङले नाच्ने र अभिनय गर्ने स्वीकृति जनाइसकेका छन् ।

सिमोश सुनुवारले निर्देशन गरेको चलचित्र 'मिसन पैसा'मा महत्वपूर्ण भूमिका निर्वाह गरिसकेपछि सुनुवारले उनको कलालाई म्युजिक भिडियोमा समेत उपयोग गर्ने भएका हुन् । अभिनयको मामिलामा आलोकले 'नुमाफुङ' चलचित्रमा आफ्नो उत्कृष्टता देखाइसकेका छन् ।

आलोकलाई म्युजिक भिडियोमा मुख्य अभिनेताका रुपमा प्रस्तुत गर्ने सोच कसरी आयो त ? खबर अनुसार एउटै टेबुलमा खाना खाँदै गर्दा अर्जुनकुमारले सिमोशलाई आफ्नो नयाँ भिडियोको प्रस्ताव राखे । सिमोशले पनि यदि आलोकले भिडियोमा नाच्ने भए आफूले भिडियो निर्देशन गर्ने नत्र नगर्ने भने । त्यही बेला गायक अर्जुनकुमार र निर्देशक सिमोशले आलोकलाई दुइतिरबाट च्यापे । दुवैको चेपुवामा परेका आलोकले अन्तिममा 'हुन्छ' भन्नै पर्यो ।

सबैभन्दा रोचक त के छ भने मिसन पैसामा अर्जुनकुमारले करोडपति नेपाली उद्योगपतिको अभिनय समेत गरेका छन् । जसको उनको भागको भूमिका आधा सुटिङ सकिइसकेको छ भने आधा हुन बाँकी छ । यही बेला अर्जुनकुमारले आलोकको अभिनय क्षमता बुझ्न भ्याएका थिए ।

त्यसो त आलोकले म्युजिक भिडियोमा आफ्नो कला देखाएको कुरा नयाँ भने होइन । उनले यसअघि भूषण दाहालले निर्देशन गरेको विधान श्रेष्ठको गीत 'ज्ञानबहादुर छोरो....' मा सानो भूमिका (त्यसमा उनलाई ठम्यायउनै गाह्रो पर्छ) गरेका थिए । त्यस्तै उनले आफैँले निर्देशन गरेको 'लाखौँ पटक मैले कोसिस गरेँ...'मा पनि उनको नृत्यकला देख्न सकिन्छ । तर पूरा अवधिको भिडियोमा उनलाई पहिलो पटक देख्न सकिने चाहिँ यही गीतमा हो । जसको सुटिङ हुन केही शनिबार पर्खिनु पर्ने निर्माण सूत्रले जनाएको छ ।

यता दोस्रो चलचित्र मिसन पैसामा आलोकले सिनेमाका लागि 'आइटम सङ' गर्ने भएका छन् । उनलाई नृत्यमा नायिका मेलिना मानन्धरले सघाउने भएकी छिन् ।

आलोकका बारेमा यति धेरै खबर ? तर पख्नुस्, आलोक भनाइ पनि सुनिहालौँ । भन्छन्- "मेरै सिनेमा वा भिडियोमा आफैँले अभिनय गर्नु मलाई उचित लाग्दैन । भिडियो वा सिनेमा खेल्नु मेरो रहर वा विषय पनि होइन । तर क्षमतावान निर्देशकले मलाई चेपेपछि मैले नाइँ भन्नै सकिनँ ।"

आलोकले हास्यरसमा तुक्का जोडे- "सिमोश सुनुवारसँग त्यो तागत रहेछ, जसले आलोक नेम्वाङलाई समेत नचायो ।"

 
Click Here To Read Previously Posted Article    Click Here To Read Next Article          
 
More on Feature
Related Tags:
क्या बात ! रिलिज प्रेम र विवाह लुकेका कुरा गायिका तातोपीरो रुचि उपलब्धि कीर्तिमान गायक कन्सर्ट सङ्गीतकार गीतकार पेज थ्री नेपाली तारा विवाद विचार भिडन्त हल्ला बजारमा
Browse Tags in Other Group
 
 
Tags in Health
weight body-care seasonal-illness diet sleep skin stress food body-ache Psychology fatigue nutrition mental -health oral-health headache
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,