Home» Cinema »Feature

फ्रान्समा मलामी



चलचित्र मलामीको सुटिङ सकिएपछि यसको नेगेटिभ लिएर चलचित्रका निर्देशक सुवर्ण थापा फ्रान्स फर्किएका छन् । ७५ हजार ५ सय ३ युरोमा बनेको यो चलचित्र २० मिनेटको हुने बताइएको छ ।

मूलधारकी नायिका विपना थापा अचम्म किसिमले यस चलचित्रमा घुसेकी छिन् । उनले यस चलचित्रमा विदेश गएको लोग्नेलाई स्वदेशमा कुरिरहेकी गृहिणीको भूमिकामा अभिनय गरेकी छिन् ।

नाट्यकर्मी अनुप बरालले यसमा मृत्यु अर्थात् कालको भूमिका निर्वाह गरेको निर्माण समूहले जानकारी गराएको छ । यो चलचित्र नेपाली समाजको दश वर्षको सशस्त्र द्वन्द्वबाट उब्जिएको मानवीय तथा सामाजिक सङ्कटको कथा प्रस्तुत गरिएको छ ।

सबैभन्दा रोचक त के छ भने यो चलचित्र श्यामस्वेतमा बनेको छ । खिच्न भने रङ्गीनमा नै खिचिएको छ । नेपालस्थित यस चलचित्रका कार्यकारी निर्माता नवीन सुब्बाका अनुसार खिचिएको रङ्गीन फिल्मलाई डिजिटाइज गरी कम्प्युटरमा श्यामस्वेतमा परिणत गरिने र पछि त्यही श्यामश्वेत डिजिटल सामग्रीलाई सेल्युलाइडमा परिवर्तन गरी प्रदर्शन गरिनेछ ।

केही व्यक्ति भने निर्देशक सुवर्ण थापाले आफ्नो पिताको सम्झनामा बनाएको यो चलचित्र बरखी बारेको सिम्बल अर्थात् सङ्केतको रुपमा लिएका छन् ।

यस्तो अद्वितीय चलचित्रको प्रचार सामग्री पनि सादा फोटोमा नै खिचिएको छ । नपत्याए हेर्नुहोस्, नेपाली मिडियामा पहिलो पटक-








चलचित्रका निर्देशक सुवर्ण थापा

 
Click Here To Read Previously Posted Article    Click Here To Read Next Article          
 
More on Feature
Related Tags:
अभिनेत्री अभिनेता सेलेब्रिटी रिलिज समारोह सेक्स प्रविधि सुटिङ हल्ला पेज थ्री
Browse Tags in Other Group
 
 
Tags in Cinema
सेक्स अभिनेता अभिनेत्री सेलेब्रिटी रिलिज समारोह सुटिङ हल्ला पेज थ्री प्रविधि
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,