Home» Music »Feature

कहीँ नभएको जात्रा वीरगञ्जमा !

पार्टी नेपालद्वारा आयोजना गरिएको मेरो मोबाइल फोनको प्रचारका लागि आयोजन गर्न लागिएको साङ्गीतिक कर्न्र्सट वीरगञ्जमा शनिबार नहुने भएको छ । त्यहाँका स्थानीय नेताहरुले नेपालीमा गीतसङ्गीत गाउन र बजाउन नपाउने र यदि गाए वा बजाए आक्रमण गर्ने चेतावनी दिएका कारण कार्यक्रम नभएको वीरगञ्जस्थित एक शुभेच्छुकले इनशाडटकमलाई बताएका छन् ।

खबर अनुसार निमा रुम्बा, क्रान्ति आले, एडि्रयन प्रधान, अनील सिंह, मौसमी गुरुङ, प्रीति कौर र द लिजिण्ड ब्याण्ड कार्यक्रममा जाने, गाउने र बजाउने भनी मख्ख परेका थिए । तर अन्तिममा समयमा उनीहरुलाई वीरगञ्जको कार्यक्रम कारणवश स्थगित भएको जानकारी गराइएको थियो ।

नेपालगञ्जमा समेत आयोजन गरिने भनेर प्रचार गरिएको यो कर्न्र्सट नेपालगञ्जमा चाहिँ केही समयअघि नै आयोजन नगर्ने निर्णय गरिएको थियो । नेपालगञ्जमा कार्यक्रम स्थगित गरिएपछि वीरगञ्जमा पनि सोही प्रकारको अवरोध हुन्छ भन्ने थाहा हुँदाहुँदै पनि कार्यक्रम गर्ने तयारी गरिरहेको बेला कार्यक्रम आयोजन नगर्न स्थानीय नेताहरुले धम्की दिएपछि कार्यक्रम अवरुद्ध भएको बताइएको छ ।

२ सय रुपियाँको टिकटसहित मेरो मोबाइलको सिमकार्ड सित्तैमा दिइने भनी भव्यतम् प्रचार गरी वीरगञ्जस्थित रङ्गशालामा शनिबार तीन बजे कार्यक्रम आयोजनको हल्ला गरिएको थियो ।

यससम्बन्धमा मेरो मोबाइल तथा
पार्टी नेपालका व्यक्तिहरुसँग सम्पर्क गर्न खोज्दा सम्पर्क हुन सकेन ।

 
Click Here To Read Previously Posted Article    Click Here To Read Next Article          
 
More on Feature
Related Tags:
हल्ला तातोपीरो रिलिज लुकेका कुरा क्या बात ! गायिका कीर्तिमान प्रेम र विवाह रुचि कन्सर्ट सङ्गीतकार नेपाली तारा उपलब्धि गायक भिडन्त गीतकार विचार पेज थ्री ट्रयाक बाहिर बजारमा
Browse Tags in Other Group
 
 
Tags in MUSIC
विवाद गायिका गायक कन्सर्ट हल्ला ट्रयाक बाहिर उपलब्धि लुकेका कुरा रिलिज परिस्थिति अवार्ड कीर्तिमान बजारमा क्या बात ! रुचि पेज थ्री प्रेम र विवाह