Home» City Life »Updates

पाँच दशकमा पुनर्मिलनसंगै पुनर्विवाह

- रमेशचन्द्र अधिकारी

विश्वमा उदाहरणीय प्रेमका कयौँ घट्नाले चर्चा पाएका छन् । प्रेम प्रकृतिले सृजना गरेको सुन्दर उपहार भनिन्छ । साँच्चै सच्चा प्रेम गर्नेले जुनी-जुनीसम्म पनि सफलता प्राप्त गर्छन् भन्ने पनि कमी छैनन् । त्यस्ते प्रेममा बलिदानी गर्नेले पाँच दशकपछि पनि सफलता पाउदो रैछन् भन्ने एउटा यथार्थतालाई धनकुटाका एकजोडि प्रेम प्रेमिकाले पत्यारलाग्दो सावित गरिदिएका छन् ।

पाँच दशकअघि बिछोड भएका ८२ वर्षीय बृद्ध र ७८ वर्षीया बृद्धाको पुनरमिलन सँगै पुनरविवाह भएको छ ।

धनकुटा नगरपालिका २ स्याउलेका गरावारीका नामले चिनिने कमलबहादुर घिमिरे र पात्ले निवासी इन्दिरा कार्कीबीच वुधवार ५० बर्षको बिछोडपछि पुनर्मिलन र पुनर्विवाह भएको हो ।

उनीहरु दुवैको ५२ बर्षअघि पनि पहिलो पटक विवाह भएको थियो । विवाहपछिको केही वर्षमा नै दुइबीच मनमुटाव भएपछि उनीहरुको दुरी टाढिएको थियो । लोग्ने-स्वास्नीको झगडा परालको आगो भन्ने उखान उनीहरुका लागि त्यसबखत सार्थक नभए पनि पाँच दशकपछि बल्ल सार्थक भएको छ ।

कमल वहादुरको हातबाट पहिलेनै सिन्दुर-पोते लगाईसकेकी इन्दिराले विछोडको पिडा सहेर पनि पतिब्रता रहिरहन अर्को विवाह नगरी बसेकी थिइन् । उनी दुइ महिनाकी गर्भवती रहेकी बेला दुइविच विछोड भएको इन्दिराले वताईन् । उनले आफ्नो गर्भमा रहेको सन्तान जन्माई पालन पोषण गरी हुर्काएकी थिएन् । तिनै छोरा हाल ४८ वर्ष पुगिसकेका छन् । छोटो समयमा नै विछोडिएका उनीहरुको भेटघा-देखादेखसमेत दूर भएको थियो । कमल सुनसरीको इटहरीमा वस्दै आएका थिए भने इन्दिरा धनकुटामानै रहेकी थिएन् । तर पाँच दशकपछि अकस्मात पुनर्मिलन भएका उनीहरुले फेरी संगै मर्ने संगै बाँच्ने वाचा गर्दै पुनर्विवाह गरेका थिए ।

विछोड भएपछि चाँडै अर्को विवाह गरी छुट्टै संसारमा भुल्दै आएका कमलले इन्दिरालाई समेत भुलिसकेका थिए । तर गत साल पत्नीको सवारी दुर्घट्नामा परी मृत्यु भएपछि विरक्तिएका उनले पुर्खौली थलो धनकुटा आउँदा पचास बर्षअघि विछोडिएकी इन्दिरालाई भेटेको बताए । दैबले जुराएपछि युगौँसम्म पिरती बाँचिरहँदो रै'छ । कमलले भने- ''एक्ला एक्लै जीवन बिताउनुभन्दा संग संगै बाँच्ने मर्ने सम्झौतागरी फेरी विवाह गरिउँ ।

पछौरीले घुम्टो हालेर फेरी वेहुलीको रुपमा सजिएकी इन्दिरा र वेहुलाको रुपमा ठाँटिएको कमलवीचको विवाहमा कानून व्यावसायी, संचारकर्मी, एक दर्जन नाति नातिना, पनाती तथा छोरा- वुहारीसमेत समावेश भएका थिए । दुइ बीचको खुशीमा हामी सवै परिवारसमेत रमाएका छौ, साँईला छोरा पूर्ण वहादुरले बताए ।

विवाहमा महिला सुरक्षा दवाव समुहका महिलाहरुको पनि उपस्थिति थियो । उक्त विवाहमा समाबेश भएकी जिल्ला वार एकाई धनकुटाकी अध्यक्ष हिमादेवी वस्नेतले सच्चा प्रेमको उदाहरणको रुपमा विवाहलाई आफुले पाएको बताइन् । त्यसैगरी छिमेकी लक्ष्मण नेपालले उनीहरुको पुनर्मिलनलाई समाजका सवैले स्वागत गरेको प्रतिक्रिया दिए ।

उनका पाँच छोरा एक छोरी तथा दर्जन नाति नातिना र पनाती समेतले दुइको विवाहमा समर्थन जनाएको कमलले बताए । कुनै छोराले बुढेशकालमा विवाह नर्गन दवाव दिए पनि अधिकांशले समर्थनमा ताली बजाएको उनले दंग पर्दै बताए । ठट्यौलोपारामा उनले भने- "बुढेसकालमा फेरि नयाँ बैँस आएको छ । हामी दुवै राजी भएपछि कसको के लाग्दो रैछ र !"

उनीहरु दुवै धनकुटा २ स्याउले स्थित पुर्खौलीघरमा मधुमास मनाउदै छन् ।  "क्यासेटमा लोक दोहरीको भाका सुन्दै पहिलो रात संगै बितायौँ",- कमलले मख्ख पर्दै बताए ।

 

 
Click Here To Read Previously Posted Article    Click Here To Read Next Article          
 
More on Updates
Related Tags:
यस्तो पनि ! उदेकलाग्दो अनुभव संविधानसभा crisis सेलेब्रिटी awards streets पेट्रोल हल्ला hi-life माओवादी मोबाईल festival समलिङगी events celebrity
Browse Tags in Other Group
 
 
Tags in Technology
gadgets mobile digital camera phone software people speak laptop communication Filming
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: