Home» Music »Feature

एक्स मन्त्रः ब्याण्ड प्रोफाइल

नेपालमा पहिलो पटक मेटल ब्याण्डलाई लोकप्रियता दिलाउने पंक्तिभित्र एक्स-मन्त्र पर्दछ । सन् २०५८ सालमा स्थापित भएर पनि भित्रभित्रै लोकप्रिय भएको तर बाहिर चर्चामा पछि मात्र आउने ब्याण्ड मध्ये यो एक हो । मेटल गायन बुझ्न कठिन भए पनि यसले युवाहरुको आक्रोशलाई सङ्गीत र गायनमार्फत् प्रस्तुत गर्ने गरेको छ ।

सदस्यहरुः     रोजेश- भोकल, राकेश- लिड गीतार, रितेश- बेस गीतार, राजन- ड्रम
ब्याण्डको स्थापनाः     सन् २००१
स्थापनाको उद्देश्यः     नेपालमा मेटल गायन वा सङ्गीतको चर्चा थिएन । आफ्नो रुचिको सङ्गीतलाई चर्चामा ल्याउन यसको स्थापना भएको थियो । (ज्ञात रहोस्, रोजेशका तीन भाइहरुद्वारा नै यो ब्याण्ड बनेको छ ।)

घरेलु ब्याण्डः    अँ, जति पनि नयाँ साथीलाई ब्याण्डमा समावेश गर्‍यो, घरि के नमिल्ने घरि के नमिल्ने । बरु आफ्नै भाइहरुलाई समावेश गर्‍यो भने के कुरामा कुरा मिलेन भन्न थाहा हुन्छ भनेर घरेलु ब्याण्ड बनाएको हो ।

शुरुवातः     गुच्चा खेलेर समय बिताउनु भन्दा सङ्गीतमा लाग्नु बेस ठानेर रोजेशले एक्स मन्त्र ब्याण्डको स्थापना गरेका थिए । शुरुमा त अन्य साथीहरु यसका सदस्य थिए तर पछि कोही साथी अमेरिका, कोही बेलायत र कोही चाहिँ अष्ट्रेलियातिर लागेपछि आफ्ना भाइहरु सम्मिलित ब्याण्ड बनाए ।

पहिलो प्रस्तुतिः     ठमेलको जीए हलमा प्रस्तुत गरेको । पहिलो एल्बम निस्केको थियो, राजा वीरेन्द्रको वंश नाश भएकाले दोस्रो एल्बम ननिस्किउञ्जेल हाम्रो कपाल चिण्डे नै थियो । चिण्डे टाउको देखाएर कार्यक्रम देखायौँ । निकै प्रशंसित भयो ।

पहिलो कमाइः    २०५५ सालमा ठमेलमा अंग्रेजी गीत बजाउन थालेपछि मेटल गीतमा रुचि बढ्न थाल्यो । २०५७ सालमा यो ब्याण्ड बन्यो । तर थोरै कमाइ थियो, अहिले त्यो रकम बताउँदा मान्छे हाँस्छन् ।

पहिलो एल्बमः    क्राइङ फर पिस एल्बम निकालेका थियौँ । तर पूरा अंग्रेजीमा भएकाले उति धेरै बिक्री भएन ।

पहिलो ठूलो दर्शकः    पोखरामा अहिलेसम्म कै सबैभन्दा बेसी दर्शक पाएको थियौँ, गएको दर्ुइ वर्षघि । त्यतिबेलै दमौलीमा हाम्रो ब्याण्डले पर्फ गरेको थियो । त्यहाँ हामीले गाउन थाल्दा चौरभरिका दर्शकले गीत सँगसँगै गाएको देख्दा अचम्ममा परियो । त्यहाँ खुट्टा टेक्ने ठाउँ थिएन ।

धेरै कमाइ भएकोः    त्यस्तो उल्लेख्य पैसा अहिलेसम्म पाएको छैन । तर धेरै वर्षघि चितवनमा नवीन के. भट्टर्राईको ब्याक्अप ब्याण्डको रुपमा पाएको पाँच सय रुपियाँ चाहिँ रोजेशका लागि प्रेरणाप्रद रकम थियो । उनले अफिसबाट हुने कमाइभन्दा यसबाट हुने कमाइमा थप आकर्षा देखेका थिए । तर पाकिस्तानी समूह जलको लागि टुँडिखेलमा काम गर्दा ६० हजार रुपियाँ लिएको रकम नै अहिलेसम्मकै सबैभन्दा बढी रकम थियो ।

दुःखलाग्दो क्षणः     भारतीय पत्रिका आरएसजेले नेपालमा प्रतिभाशाली ब्याण्डमा एक्सब्याण्डलाई छानेको रहेछ । तिनीहरुले यो समूहलाई आफ्नो सिर्जना प्रस्तुत गर्न बोलाएको थियो तर जान नसकेकोमा अहिलेसम्म पछुतो लागिरहेको छ ।

ब्याण्ड फुट्ने त चलनै छ निः     धेरै साथीहरु छुटिसके । कोही अमेरिका, बेलायत, अष्ट्रेलिया गएकाले बाध्य भएर रोजेशका भाइहरु यो ब्याण्डमा समाहित हुनु पर्‍यो । दाजुभाइ भएमा समस्या सुल्झाउन सकिन्छ ।

ब्याण्डको शक्तिः    दाजुभाइ हुनु नै सबैभन्दा सुन्दर र शक्तिशाली कुरा हो ।

भविष्यबारेः    आठ नौ कक्षा पढेका भर्खरका भाइहरु हालै चेन्नेइमा आयोजित भएको विश्वस्तरीय रक ब्याण्ड प्रतियोगितामा दोस्रो फर्किर आएको देखेँ । ती साना भाइहरुको जिताइ देखेर मलाई ज्यादै खुशी लाग्यो र मलाई लाग्यो, सङ्गीतको भविष्य निकै उज्ज्वल छ ।

 
Click Here To Read Previously Posted Article    Click Here To Read Next Article          
 
More on Feature
Related Tags:
गायक सङ्गीतकार रिलिज क्या बात ! प्रेम र विवाह लुकेका कुरा गायिका तातोपीरो रुचि उपलब्धि कीर्तिमान कन्सर्ट गीतकार पेज थ्री नेपाली तारा विवाद विचार भिडन्त हल्ला बजारमा
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read memories