Home» Around the World »Weird and Interesting

अरुसँगको रसरङ टीभीमा प्रत्यक्ष प्रसारण भएपछि...



एउटा व्यक्तिले श्रीमतीको आँखा छलेर कुनै तरुनी लिएर समुद्रको किनारमा मस्ती मारेको दृश्य टेलिभिजनकै पर्दामा देखियो भने के होला ? इटालीमा एउटा यस्तै घटना घट्न पुगेको छ ।

समाचार सूत्रहरुका अनुसार इटालीको उत्तरी समुद्र तटीय क्षेत्रमा एउटा व्यक्तिले एउटी रखौटी लिएर समुद्र किनारमा रसरङ मनाइरहेको बेला हेलिकप्टरमा रहेको टेलिभिजन क्यामेराले खिचेर प्रत्यक्ष प्रसारण हुन पुगेको थियो । आफ्नो लोग्ने कुनै अर्कै आइमाईसँग समुद्र किनारमा विशेष छुट्टी मनाइरहेको टेलिभिजनमै प्रत्यक्ष प्रसारण हेरेर उनकी श्रीमती चकित हुन पुगेकी छिन् । गिरो डी'इटालिया नामक प्रख्यात साइकल दौड खिच्दै गर्दा हेलिकप्टरले नजिकबाट उनीहरुको दृश्य खिच्न पुगेको थियो ।

रोचक त के भएछ भने ती व्यक्तिले आफ्नो नजिक आएको हेलिकप्टरलाई हात हल्लाएर हौसला दिएछन् । टीभीका छायाँकार पनि के कम ? उनीहरुले पनि तिनका चर्तिकला 'जुम इन' गरिदिएछ । जुन कुरा टेलिभिजनमा प्रत्यक्ष प्रसारण पनि भइरहेको थियो- एपी समाचार संस्थाले जनाएको छ ।

श्रीमतीले यो दृश्यलाई हेरेर विश्वास पनि गरिरहेकी थिइनन् कि यत्तिकैमा उनका दाजुले उनलाई 'तिमीलाई त टीभीमा देखेँ नि, ज्वाइँले मज्जाले हात हल्लाइरहनु भएको थियो' भनेर मोबाइल गरेपछि पो ती महिला झसङ्ग भइन् । त्यसपछि उनी श्रीमान् कहिले घर आउला र सोधुँली भनेर पर्खेर बसिनन्, उनी सीधै टीभीले देखाएको ठाउँमा पुगिन् । त्यसपछि उनको लोग्नेको होशहवास गुम् भयो ।

तर ती व्यक्तिहरुको नाम के हो ? उनीहरुको पेशा के हो ? श्रीमानसँग ती महिलाको पछि झैँझगडा भयो कि भएन भन्ने विषयमा चाहिँ समाचारमा कहीँ उल्लेख छैन ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
फट्याइँ श्रीमानश्रीमती हलिउड मूर्ख्याइँ मुद्दा मामिला उदारता गुगल भव्यता परिस्थिति उपाय इन्टरनेट प्रविधि बलिउड विज्ञापन कीर्तिमान सुन्दरी जनावर सेलेब्रिटी उदेकलाग्दो नग्नता
Browse Tags in Other Group
 
 
Tags in Misc
Books Home
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: