Home» Around the World »Weird and Interesting

उद्धार गरिएको बिरालो खतरनाक !

हेर्दैमा राम्रो बिरालोको बच्चा कसलाई पो मन नपर्ला ! अमेरिकाको दक्षिणी भागको बाल्डविन काउन्टीकी लिजा एल्ड्रेड र उनकी टीन एजर छोरी र छोरीकी पनि साथीले एउटा बिरालोको छाउरी सडक किनारमा घाइते अवस्थामा देखे । घनघोर जङ्गल नजिकै घाइते अवस्थाको त्यो सानो र प्यारो बच्चालाई उनीहरुले निकै प्यारो गरेर उठाए, त्यसलाई गाडीमा राखे र सुम्सुम्याउँदै आफूले लगाएको न्यानो लुगासमेत बेरिदिए ।

त्यसपछि उनीहरुले त्यो बच्चालाई जनावरको क्लिनिकमा उपचारका लागि लगे । एक पटक त डाक्टर एन्डी ड्यूक त्यो बिरालो बच्चा देखेर तर्सिए । त्यसपछि सोधे- "यो खतरनाक जनावरलाई तपाइँले कहाँबाट ल्याउनु भयो ? किन ल्याउनु भयो ?" डाक्टरको प्रश्नपछि पो लिजा र उनकी छोरी तर्सिए ।

अमेरिकामा पाइने बबक्याट नामबाट चर्चित यो जङ्गली बिरालो ज्यादै खतरनाक जङ्गली जनावर रहेछ ! उनीहरुले चाहिँ घरपालुवा बिरालो बीच बाटोमा घाइते भयो भनेर माया गरेर उपचार गर्न ल्याएका थिए । डाक्टरले खतरनाक जनावर भनेपछि चाहिँ तिनको सातोपुत्लो नै गएछ !

एन्डी ड्यूकले भने- "तपाइँहरु ज्यादै भाग्यमानी हुनुहुँदो रहेछ किनभने यो बबक्याटका पञ्जाहरु भाँचिएका छन् र शायद केहीसँग ठक्कर खाएकाले असक्त पनि भएको छ । यदि यो बिरामी नहुँदो हुन्थ्यो यो होइन तपाइँहरु चाहिँ अस्पतालमा भर्ना हुनुहुने थियो !" डाक्टरले ठट्टा मिश्रति गम्भीर कुरा गरेपछि चाहिँ लिजा र उनका छोरीहरु चकित परे ।

डाक्टरले पछि सम्वाददाताहरुसँग पनि भने- "उनीहरु ज्यादै खतरामा थिए, धन्न बबक्याट घाइते भएकाले बाँचे ।"

यता उद्धारमा सहभागी एल्ड्रेड चाहिँ बबक्याटले आफूहरुलाई कुनै पनि किसिमको हानी नपुर्‍याउनुमा आफ्नो राम्रो भावनाले पनि हो भन्छिन्, उनले थपिन्- "उसले हाम्रो असल व्यवहार र उसप्रतिको मायालाई उसले महसूस गर्न पायो । त्यही कारण उसले हामीलाई कुनै पनि किसिमको आक्रमण गरेन ।"

"उ हलचल नगरी बसिरहृयो र उसको मुखबाट घ्यारघ्यार आवाज आइरहेको थियो", उनले वातावरण बुझाउने प्रयास गर्दै एसोसिएटेड प्रेसँग भनिन्- "उसले एक पटक मात्र हामीलाई नराम्ररी घुर्‍यो ।"

बबी नाम राखिएको यस जंगली बिरालोको वजन ११ पाउण्ड रहेको बताइएको छ । १० देखि १२ महिना उमेरको यो बिरालो उसको हुनुपर्नेभन्दा निकै कम तौल भएको डाक्टरले बताएका छन् । सामान्यतया एक वर्षउमेरका यस्ता बबक्याटको तौल ३५ पाउण्डसम्म हुने गर्दछ ।

अहिले यो जंगली बिरालोको अवस्था सुधारोन्मुख रहेको भेटेनरी डाक्टर लाउरा सेरियोले बताइन् । "मेरो विचारमा यो बिरालीलाई जंगल नै ठीक छ । त्यहीँ उसको बाँकी प्राकृतिक उपचार हुन्छ", उनले सम्वददाताको जिज्ञासा शान्त पारिन् ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
उदारता उदेकलाग्दो जनावर सुन्दरी बलिउड माया श्रीमानश्रीमती सेलेब्रिटी इन्टरनेट परिस्थिति फट्याइँ मुद्दा मामिला नग्नता भव्यता मूर्ख्याइँ विज्ञापन हलिउड गुगल सेक्स कीर्तिमान
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read