Home» Around the World »Weird and Interesting

ताज्जुबको परिवर्तन !


१९ वर्षअघि उनी विरामी हुनु पहिले पोल्याण्डमा कम्युनिष्ट शासन थियो । चारैतिर अभाव, पसलहरुमा खाने कुरा किन्न पाइन्नथ्यो, मानिसहरुको अनुहारमा उदासिनता थियो । यतिबेलै रेलवेमा काम गर्ने ६५ वर्षीय जन ग्रेब्स्की एउटा गम्भीर सडक दुर्घटनामा परे । त्यसपछि उनी १९ वर्षसम्म कोमामा रहे । बेहोसीमै उनी खान्थे, पिउँथे, आची गर्थे । उनलाई उनकी श्रीमतीले हरेक घण्टा उनको सुताइको अवस्था परिवर्तन गरिदिन्थिन् । श्रीमती गेत्रुदाको सेवाले १९ वर्षपछि उनको होस मात्र आएन, होस खुलेपछि उनको दिमाग चकराइरहेको छ ।

"१९ वर्षअघि कम्युनिष्टहरुको ज्यादै कष्टकर शासन थियो, अहिले चाहिँ लोकतन्त्र र बजार अर्थतन्त्र मौलाएछ", जनले स्थानीय टेलिभिजन टीभीएन २४ लाई आफ्नो आश्चर्यलाग्दो परिवर्तनबारे बताए । उनी सन् १९८८ मा सडक दुर्घटनामा नराम्रोसँग परेका थिए, जसका कारण १९ वर्षसम्म उनी अचेत अवस्थामा अस्पतालमै रहेका थिए ।

डाक्टर बोगुस्लाव पोनिटोस्की पनि अचम्ममा परेका छन्, १९ वर्षसम्म अचेत भएर लडिरहने बूढा बाको स्वास्थ्य परिवर्तन भएको देखेर ! उनले थप्न चुकेनन्- "यो सब श्रीमती गेत्रुदाकै कमाल हो, जसको सेवा र उनको समूहले उनलाई आज जीवितै देख्न पाइयो ।"

"जब म कोमामा थिएँ, त्यतिबेला पसलमा चिया र भिनेगर (एक किसिमको अमिल्चो झोल पदार्थ) मात्र पाइन्थ्यो । मासु किन्न पाइनु भाग्य थियो अनि पेट्रोल किन्ने लाम चाहिँ चारैतिर देख्न पाइन्थ्यो", १९ वर्षअघिको घटना सम्झँदै उनले भने- "अहिले त हरेकको हातमा मोबाइल, मान्छेका हँसिला अनुहार, पसलभरि आँखै नथाक्ने चिजबिजहरु पो पाइन थालेछन् । यी सब देख्दा त मेरो दिमागै चकरायो !"

उनी लामो बिरामीबाट ब्यूँतदा त आफ्ना चार बालबच्चाले बिहे मात्र गरेनछन् कि तिनका ११ जना नातिनातिना पनि खेलाउन सकिने भएका रहेछन् ।

तर यति हुँदा हुँदै पनि उनका सबै परिवारहरु कोमामा रहँदा उनको वरिपरि घुरुप्प घेरिएर उनीसँग सम्वाद गर्न चाहेको तिनको क्रियाकलाप चाहिँ मधुरो रुपमा अझै पनि सम्झेका छन् ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! सुन्दरी बलिउड माया सेलेब्रिटी इन्टरनेट श्रीमानश्रीमती परिस्थिति फट्याइँ उदारता मुद्दा मामिला नग्नता मूर्ख्याइँ भव्यता विज्ञापन हलिउड गुगल सेक्स उदेकलाग्दो कीर्तिमान
Browse Tags in Other Group
 
 
Tags in City Sightings
festival releases celebrity party events story wedding bandhs & protests bizarre traffic real picture hi-life city beauty pageant travel culture awards
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television,