Home» Around the World »Weird and Interesting

क्रूद्ध पसलेको अनौठो विरोध



अहिले हाम्रो देशको राजधानीमा पुस्तक प्रदर्शनी चलिरहेको छ र आफ्ना किताप बेच्दै प्रख्यात लेखक रस्किन बण्ड किताब पढ्नुका फाइदा बताइरहेका छन् । तर यतिबेलै अमेरिकाको केन्सस राज्यका टम वेन चाहिँ किताप पढ्ने मान्छेहरु आफ्नो वरपर घट्दै गइरहेकोमा क्षुब्ध छन् । कतिसम्म भने आफूसँग जम्मा भएका हजारौँ किताप सडकबीच ध्यार्रध्यारी च्यात्तै जलाइरहेका छन् । यी किताप उनले १० वर्षको बेचाईको क्रममा जम्मा पारेका हुन् ।

एपी समाचार संस्थाका अनुसार उनले आफूसँग जम्मा भएका कितापहरु टम क्लेन्सीको द हन्ट फर रेड अक्टोबर, टम वेल्फेको बोनफायर अफ द भेनिटीजस्ता 'बेस्ट सेलर्स'देखि चर्चामा नआएका कितापहरु पनि थिए । ब्यूनर्स आयर्समा सन् १९१० मा चौथो पान-अमेरिकन कन्फेरेन्समा भएका बैठकका बुँदा-कितापसम्म उनको पसलमा जम्मा थिए । १० वर्ष पसल चलाउने क्रममा उनीसँग यति धेरै पुस्तकहरु जम्मा भए कि ती पुस्तक उनका लागि निल्नु न ओकल्नु भए । सानो ठाउँ, धेरै पुस्तक- अब के गर्ने त ? यस्तो अवस्थामा ती पुस्तकलाई जलाउनुबाहेक उनले अर्को विकल्प देखेनन् ।

तपाइँले भन्नसक्नु हुन्छ, ती पुस्तक त सार्वजनिक पुस्तकालयलाई जिम्मा लगाइदिएको भए पनि हुन्थ्यो, तर के गर्नु जब ती पुस्तकालयहरु नै पुस्तक थप्न राजी छैनन् भने ! "मैले हाम्रो शहरका केही पुस्तकालयलाई मसँग बढी भएको पुस्तकहरु राख्नुस् भनेर प्रस्ताव लिएर गएँ, तर तिनीहरुले आफूसँग प्रशस्त ठाउँ छैन भनी उल्टै मलाई जिल्याइदिए", टम वेनले भने ।

त्यसपछि उनले आइतबार आफूसँग भएका ठूलो संग्रहलाई सडकबीचमा ध्यार्रध्यारी च्यात्तै जलाउन थाले । "यो हाम्रो समाजको ज्यादै दुःखलाग्दो अवस्था हो कि कोही पनि छापिएका शब्दहरु पढ्न तयार छैनन् । यो सभ्यताको सबैभन्दा लाजमर्दो अवस्था हो, मान्छेहरु किताब पढ्न छाडिरहेका छन्", टम वेनले आफ्नो तिक्तता पोखे- "यो अमेरिकी सभ्यताको अन्त्येष्टी हो ।"

टमले ५० मिनेटसम्म लगातार पुस्तक जलाएपछि केन्सास शहरको दमकल आएर आगो निभाउन शुरु गर्‍यो । अधिकारीहरुका अनुसार उनले किताप जलाउन अग्निशमन विभागबाट कुनै किसिमको स्वीकृति लिएका थिएनन् । अग्निशमन विभागले उनलाई किताप जलाउन नदिएपछि आउँदो साता स्वीकृति लिएर आफ्ना २० हजार पुस्तकहरु जलाउने पत्रकारहरुलाई जनाएका छन् ।

किताप पढ्न आनन्द मान्नेहरुको संख्या अहिले आएर ५७ प्रतिशतमा घटिसकेको एक अध्ययनले देखाएको छ । केन्सास राज्यमा पुस्तक पसलको संख्या अघिल्ला वर्षहरुभन्दा उल्लेख्य रुपमा घटिसकेका छन् ।

"किताप नपढी थन्क्याउनु भन्दा त यसलाई जलाइदिनै उत्तम हुन्छ", टमको भनाइ थियो ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! उदेकलाग्दो हलिउड मूर्ख्याइँ मुद्दा मामिला गुगल उदारता भव्यता परिस्थिति इन्टरनेट उपाय प्रविधि बलिउड विज्ञापन कीर्तिमान सुन्दरी फट्याइँ जनावर सेलेब्रिटी नग्नता
Browse Tags in Other Group
 
 
Tags in City Updates
crisis events hi-life अनुभव festival celebrity माओवादी मोबाईल streets पेट्रोल समलिङगी सेलेब्रिटी हल्ला awards संविधानसभा
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: