Home» Music »Feature

गोल्डमेडलमा ह्याटि्रक



शास्त्रीय सङ्गीतको गायनतर्फ कलानिधि-इन्दिरा सङ्गीत महाविद्यालय ललितपुरबाट भारतको इलाहावाद सङ्गीत महाविद्यालयमा परीक्षा दिने करिब ७ सय विद्यार्थीहरुमध्ये चितवनका अर्जुन पोखरेल सर्वोत्कृष्ट भएर स्वर्ण पदक जितेका छन् । उनलाई हालै एक कार्यक्रमको अवसरमा उक्त स्वर्ण पदक प्रदान गरिएको हो । रोचक त के छ भने गएका दुइ वर्ष पनि उनले लगातार स्वर्ण पदक हात पारेका थिए । महाविद्यालयको इतिहासमा अहिलेसम्म लगातार स्वर्ण पदक हात पारेको उनी नै प्रथम व्यक्ति भएको उनका अग्रजहरुले दाबी गरे पनि महाविद्यालयले यसबारेमा कुनै प्रतिक्रिया दिएको छैन ।

उनले सङ्गीततर्फ गायनमा तेस्रो वर्ष चौथो वर्ष तथा पाँचौँ वर्षलगातार स्वर्ण पदक हात पारेका हुन् । "यो पदकले मलाई ऊर्जा थपेको छ", छातिमा टाँगिएको स्वर्ण पदकतिर नजर दौडाउँदै अर्जुनले भने- "अब अर्को वर्षमेरो बि.म्यूज.को अन्तिम वर्ष हो, त्यसमा पनि यो अवार्ड जित्ने अभिलाषा छ ।"

त्यसो त उनका पिता बाबुराम पनि भजनका धुरन्धर गायक हुन् । स्थानीय भजन टोलीका अध्यक्षसमेत रहेका उनका बाबाको प्रेरणाबाट नै उनी सङ्गीतमा तानिएका हुन् । त्यसैले एसएलसी सकिनेबित्तिकै उनी राजधानीस्थित अनुराग सङ्गीत विद्यालयमा आफ्नो गायन निखार्न लागिपरेका थिए । उनको लगन र प्रतिभाबाट प्रभावित अनुरागका सञ्चालक श्यामसुन्दर र राम सिटौलाले केही समयपछि उनैलाई सङ्गीत शिक्षकका रुपमा नियुक्त गरेका थिए ।

२०३८ असोज १५ चितवनको माधवपुर-९ मा एउटा किसान परिवारमा जन्मिएका उनले स्कूलताका नै अमरज्योति क्लब मार्फत् विभिन्न साङ्गीतिक तथा नाट्य क्रियाकलाप सञ्चालन गर्ने गर्थे । रत्नराज्य क्याम्पसमा २०५६ सालमा अनेराश्ववियू (क्रान्तिकारी) द्वारा आयोजित स्वागत कार्यक्रममा गाएबापत् तीन सय पारिश्रमिक पाएको क्षण अर्जुनका लागि सबैभन्दा महत्वपूर्ण क्षण बन्न पुगेको छ ।

अहिले करिब तीन दर्जन गीतमा सङ्गीत संयोजन (म्युजिक एरेन्ज) गरिसकेका उनका तीन वटा लोकगीति एल्बम बजारमा आइसकेका छन् । उनले सानो पर्दाको सजाय तथा टेलिचलचित्र कर्मरेखामा सङ्गीत दिइसकेका छन् ।

 
Click Here To Read Previously Posted Article    Click Here To Read Next Article          
 
More on Feature
Related Tags:
गायक सङ्गीतकार रिलिज लुकेका कुरा क्या बात ! कीर्तिमान रुचि तातोपीरो प्रेम र विवाह गायिका नेपाली तारा कन्सर्ट उपलब्धि हल्ला ट्रयाक बाहिर भिडन्त गीतकार पेज थ्री समुद्रपार अवार्ड
Browse Tags in Other Group
 
 
Tags in Weird & Interesting
हलिउड मुद्दा मामिला जनावर सेक्स विज्ञापन बलिउड नग्नता माया प्रविधि सेलेब्रिटी श्रीमानश्रीमती उदेकलाग्दो कीर्तिमान यस्तो पनि ! उपाय परिस्थिति गुगल