Home» Cinema »Feature

अहङ्कारको प्रतिबन्ध खुल्यो


केन्द्रीय चलचित्र जाँच समितिले चलचित्र अहङ्कारका केही दृश्यलाई लिएर जनाएको आपत्ति फिर्ता लिएको चलचित्रका निर्माता सञ्जीव प्रधानले इनशाडटकमलाई जनाएका छन् । समितिले वयस्कका लागि मात्र हेर्न लायक चलचित्र भनी प्रमाणपत्र जारी गरेको निर्माता प्रधानले बताएका छन् ।

विगत लामो समयदेखि निर्माता प्रधान र चलचित्र जाँच समितिबीच चलचित्रका केही दृश्य काट्ने र नकाट्ने विवाद साम्य हुन नसक्दा निर्माण समूहले पत्रकार सम्मेलनको आयोजना गरी दवाव सिर्जना गरेको थियो ।

सञ्चार सचिव, चलचित्र विकास बोर्डका अध्यक्षदेखि विभिन्न चलचित्र सम्बद्ध संघसंस्थाका प्रतिनिधि तथा पत्रकारहरुसमेतलाई निर्माता प्रधानले चलचित्र देखाएर प्रतिबन्ध गर्नु पर्ने कारण खोजेका थिए । चलचित्रकर्मी र स्वयम् चलचित्र जाँच समितिले पनि चलचित्रका केही दृश्यले दर्शकहरुलाई नराम्रो प्रभाव पार्ने बेतुका उत्तर दिइरहेका थिए ।

"चलचित्रमाथिको प्रतिबन्ध हटे पनि हामीले केही महत्वपूर्ण संवादहरुमा कैँची चाहिँ चलाउनै परेको छ", निर्माता सञ्जीव प्रधानले इनशाडटकमलाई बताए- "तर ती सम्वादले चलचित्रको आत्मा मर्दैन भन्ने लागेर हामी पनि सहमत भएका छौँ । समितिले चलचित्रलाई 'ए' सर्टिफिकेट दिएको छ ।"

चलचित्रले ए सर्टिफिकेट पाउनुको अर्थ, यो चलचित्र १८ वर्षभन्दा माथिका दर्शकले मात्र हेर्न पाउने प्रावधान हो ।

नेपालमा अहिलेसम्म कुन वर्गका लागि कुन चलचित्र देखाउने भन्ने प्रावधान नभइसकेकाले यो प्रमाणपत्रलाई कुनै पनि निर्माताले महत्वको चिज मान्नुपर्ने स्थिति छैन । चलचित्र घरमा १८ वर्षभन्दा मुनिका दर्शकलाई हेर्न नदिने भन्ने कुरा अहिलेसम्म कार्यान्वित नभएकाले यो सर्टिफिकेटको कुनै महत्व पनि छैन । त्यसैले चलचित्र जाँच समितिले 'क्लीन चिट' दिइसकेपछि सिनेमा चलाउन निर्माता प्रधान व्यस्त छन् ।

 
Click Here To Read Previously Posted Article    Click Here To Read Next Article          
 
More on Feature
Browse Tags in Other Group
 
 
Tags in City Updates
crisis events hi-life अनुभव festival celebrity माओवादी मोबाईल streets पेट्रोल समलिङगी सेलेब्रिटी हल्ला awards संविधानसभा
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: