Home» Around the World »Weird and Interesting

नासाबाट सीधै घरमा !


सिकागोस्थित बालबालिकाको स्कूलकी विज्ञान शिक्षिका नताली मेलिङ्गरको घरमा हिजोआज रमितेको भीड छ । भीडको कारण छ र भीडको आँखामा आश्चर्य छ । किनभने उनको घरमा जुन 'बेबी टेलिभिजन सेट' छ, त्यो टीभीले मिहिनेतबिना नै नासा अर्थात् अमेरिकाको वैज्ञानिक अनुसन्धान केन्द्रको अन्तरीक्ष मिसनको कामकारवाही मजाले प्रदर्शन गरिरहेको छ ।

यो खबरपछि नतालीको घरमा भीड बढेको हो । हुन पनि उनको सानो सेटले त्यो प्रत्यक्ष प्रसारण पनि गरिरहेको छ र यो कसरी हुन थाल्यो भनेर केहीको मथिङ्गलसमेत खान थालेको छ । फेरि यो गएको आइतबारबाट मात्र देखिन थालेको हो । उनको बेबी टीभी सेटमा दुइ च्यानल मात्र हुने गर्दछ । जसमध्ये एउटा च्यानलमा चाहिँ नासाको गतिविधि समातेको हो । नासामा भइरहेका अन्तरीक्ष सम्वाद र त्यहाँका गतिविधिहरु प्रत्यक्ष बेबी टीभी सेटमा देखिएको हो ।

बेबी मनिटर भएकाहरुलाई यो दृश्य साँच्चिकै आश्चर्यलाग्दो कुरा हो", नतालीले एपी समाचारसँग भनिन्- "यस्तो दृश्य आउला भनेर कसैले पनि चिताएको हुँदैन, मेरो पनि त्यस्तै हाल छ ।"

तर यता नासाकी प्रवक्ता ब्रान्डी डीन चाहिँ यसमा आश्चर्य मान्दिनन् । नासाको आफ्नै वेबसाइटमा अन्तरीक्ष मिसनको प्रत्यक्ष प्रसारण भइरहेको हुन्छ । शायद कहीँबाट सूचना चुहिएर पो यो मनिटरमा देखिएको हो कि ! "यो अन्तरीक्षबाट नै प्रत्यक्ष आएको होइन" प्रवक्ता डीन भन्छिन्- "प्रायः यस्ता दृश्य मान्छेले हेर्न नपाएको हुनाले यो टीभीले ती दृश्य पक्डियो भनेर आश्चर्यका साथ हेरेका होलान् । तर यसमा म चाहिँ त्यस्तो आश्चर्यको कुरा देख्दिनँ । अँ सीधै अन्तरीक्षबाट यी दृश्य टिपेको हो भने चाहिँ मेरा लागि पनि आश्चर्यको कुरा हुन्थ्यो !"

तर नताली, उनको परिवार र छिमेकका लागि नै यो नयाँ कुरा भएकाले उनको स्कूलका साथीहरु समेत केही दिन यता उनको टीभी हेर्न लाम लाग्ने गरेका छन् । नतालीका ३ महिने छोरा ज्याक र दुइ वर्षीया छोरी रचेलका लागि घरको भीड अचम्मलाग्दो बन्न पुगेको थियो कि- त्यो सानो टीभीमा टोलभरिका मान्छेले के घुरिरहेका होलान् !

"मलाई अब अन्तरीक्षको त्यो दृश्यमा अर्को अनौठो के घट्ला भनेर हेरिरहन्थेँ", नतालीले घण्टौँ अन्तरीक्षका ती दृश्य हेरेको सम्झिँदै बताइन् ।

यता उक्त टीभी निर्माता समर इन्फन्टले के कारणले ती दृश्य सीधै टीभीमा आयो भनी अनुसन्धान गर्ने भएको सञ्चार निर्देशक सिन्डी बार्लोले बताइन् । "यस्तो भएको यो पहिलो घटना हो", उनले पनि आश्चर्य मान्दै बताइन् ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! बलिउड सुन्दरी फट्याइँ श्रीमानश्रीमती इन्टरनेट परिस्थिति मुद्दा मामिला माया सेलेब्रिटी नग्नता उदारता गुगल भव्यता हलिउड सेक्स मूर्ख्याइँ विज्ञापन उदेकलाग्दो उपाय
Browse Tags in Other Group
 
 
Tags in City Sightings
festival releases celebrity party events story wedding bandhs & protests bizarre traffic real picture hi-life city beauty pageant travel culture awards
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television,